Gûco 7:2 - ÎVUKU RÎA ÛVORO MWARO

² Rîrîa Ngai-Mûnene, Ngai wenyu akaamarekereria kûrî mue na mûmavoote, nwanginya mûkaamaûraga onthe mathire. Mûtikarûthe kîrîkanîro nao kana mûmeguîre ntha.

Gûco 7:2 ပူးပေါင်းရင်းမြစ်များ

Kîam 14:20

Ngai ûrîa ûrî Îgûrû Mûno ûrîa ûmûvotithîtie kûvoota nthû cienyu arogoocwa.” Nake Aburamu nîwavere Melikizedeki gîcunjî gîa îkûmi Kîam indo cionthe irîa aacokithîtie.

2Sam 21:2

(Andû acio a Gibeoni matiarî Aisiraeli; maarî gakundi kanini ka andû a Amori. Aisiraeli nîmaamerîrîte atî nîmakûmagitîra, nwatî Saûlo nîwageretie kûmaûraga nîûndû nî kîîo kîrîa aarî nakîo kûrî andû a Isiraeli na a Juda.)

1Atha 20:34

Benihadadi nîwerire Ahabu atîrî, “Nîngaagûcokeria matûûra marîa vava aacunire aguo, na nwa wambîrîrie thoko kûu Damesiki, wata ûrîa vava eekire kûu Samaria.” Nake Ahabu nîwamûcokerie atîrî, “Nîngûrekereria nîûndû wa ûguo wauga.” Kwoguo Ahabu nîwarûthire kîrîkanîro na Benihadadi na akîmûrekereria akîthiî.

Ezira 10:3

Kwoguo nîtûkûrûtha kîrîkanîro na Ngai wetû atî nwanginya twîngate aka aya na ciana ciao. Tûgeka wa ûrîa we na andû arîa metigîrîte maathani ma Ngai magaatûtaara twîke, na twîke ûrîa watho ugîte.

Thaburi 106:34

Andû a Isiraeli nîmaaregire kûraga andû a ndûrîrî, ta ûrîa Ngai-Mûnene aamaathîte meke.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Ndari 21:2

Nao andû a Isiraeli nîmeerîre Ngai-Mûnene na mwîvîtwa atîrî, “Ûngîtûvotithia tûvoote andû aya, nîtûcûkangia matûûra mao monthe.”

Ndari 31:17

Kwoguo ûragani twana tuonthe twa tûvîcî na aka onthe arîa maanamenyana kîîmwîrî na mûndûmûrûme.

Ndari 33:52

mûkengata andû onthe a vûrûri ûcio, mûgaacûkangia ngai ciao cia mîvuanano irîa irûthîtwe na mathiga na cia cuuma, na mwomomore kûndû kuonthe kûrîa magoocagîra.

Gûco 13:8

mûtigetîkîre mûndû ta ûcio amûveenererie kana mûmûthikîrîria. Mûtikeguîre mûndû ta ûcio ntha; mûtikamûgitîre kana mûmûthitha.

Gûco 13:9

Mûkaamûraga! Mûkeethîrwa mûrî a mbere kûmûringa na mathiga, nao andû acio engî onthe marûmîrîre.

Gûco 19:13

Mûtikeguîre mûndû ûcio ûûraganîte ntha. Mûkaathiria andû arîa maûragaga arîa engî matarî na mavîtia vûrûrirî wa Isiraeli nîguo mûtûûre na thayû.

Gûco 2:33

Nake Ngai-Mûnene, Ngai wetû nîwamûrekererie kûrî tue na tûkîmûraga; tûkîûraga avîcî ake vamwe na athigari ake onthe a mbaara.

Gûco 2:34

Nîtwanyitire na tûgîcûkangia matûûra monthe na tûkîûraga arûme onthe, aka onthe na ciana. Gûtirî mûndû wanarî ûmwe watigarire.

Gûco 23:14

Mavinda monthe rîrîa mûrî magemarî menyu, îthagîrwani mûrî atheru. Nîûndû Ngai-Mûnene Ngai wenyu ethagîrwa arî vamwe namue kûu mwambîte magema akîmûgitîra na akîmûvotithia kûvoota nthû cienyu. Kwoguo mûtigatûme Ngai-Mûnene Ngai wenyu oona ûndû mûcûku gatagatîrî kenyu ûngîtûma amûtiganîria.

Gûco 25:12

mûndûmûka ûcio nîagaatinua njara îo: ndakeguîrwa ntha.

Gûco 3:3

“Kwoguo Ngai-Mûnene, Ngai wetû nîwarekererie mûthamaki Ogu na andû ake kûrî tue, nîtwamaûragire onthe na gûtirî wanarî ûmwe watigarire.

Gûco 31:5

Ngai-Mûnene nîakaamûvotithia kûmavoota na mûmeke wata ûrîa nîmwathîte.

Gûco 33:27

Ngai ûrîa ûtûûraga tene na tene nîke ûmûgitagîra; vinya wake ûrîa ûtûûraga tene na tene nîguo ûmûnyitagîrîra. Nîwengataga nthû cienyu wa ûrîa mwathiîcaga na mbere, na nîwamwîrire mûicûkangie viû.

Gûco 7:16

Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.

Gûco 9:3

Kwoguo menyani ûmûnthî atî Ngai-Mûnene, Ngai wenyu nîke ûkûmûtongoria avaana ta mwaki ûrîa ûvîvagia ûkathiria. Mûkîîgwatîra vûrûri ûcio, Ngai-Mûnene nîakaamavoota namue mûmengate na mûmathirie viû wa rîmwe wata ûrîa eeranîrîte.

Josh 10:28

Joshua nîwatharîkîre îtûûra rîa Makeda na nîwarînyitire mûthenya ûcio. Nîwaûragire mûthamaki na andû onthe arîa maarî îtûûrarî rîu na gûtirî mûndû wana ûmwe watigirwe arî mwoyo. Eekire mûthamaki wa Makeda wata ûrîa eekire mûthamaki wa Jeriko.

Josh 10:30

Ngai-Mûnene nîwavotithirie andû a Isiraeli kûvoota îtûûra rîa Libuna wa vamwe na mûthamaki warîo. Andû onthe arîa maarî îtûûrarî rîu nîmaaûragirwe na gûtirî mûndû watigarire. Nîmeekire mûthamaki wa Libuna wata ûrîa meekire mûthamaki wa Jeriko.

Josh 10:32

Ngai-Mûnene nîwavotithirie andû a Isiraeli kûvoota îtûûra rîa Lakishi mûthenyarî wa kaîrî wa kûrûa mbaara. Athigari a mbaara a Isiraeli nîmaaûragire andû onthe îtûûrarî rîa Lakishi na magîka wata ûrîa meekire Libuna.

Josh 10:40

Kwoguo Joshua nîwarûire mbaara na akîvoota vûrûri wonthe. Nîwavootire athamaki a vûrûri wonthe ûrîa ûrî irîma, Negebu kûndû kûrîa kwaraganu na inyûrûrûkorî, na athamaki a mwena wa îthûîro ûrîa werekerete irîma. Andû onthe nîmaaûragirwe nî Joshua marî na athigari ake a mbaara. Joshua eekire ûguo nîûndû nîguo aathîtwe nî Ngai-Mûnene, Ngai wa Isiraeli.

Josh 10:42

Joshua nîwavootire athamaki acio onthe na mavûrûri mao na mbaara ya riita rîmwe nîûndû Ngai-Mûnene, Ngai wa Isiraeli nîke wamarûagîrîra.

Josh 11:8

Ngai-Mûnene nîwavere andû a Isiraeli ûvootani. Nîmaamaûragire na makîmavinyûria nginya Misirefothu Maimu na Sidoni mwena wa rûgûrû na nginya Kîamndarî Kîam Mizipa mwena wa îrathîro. Mbaara îo nîyarûirwe îvinda îraca nginya nthû cionthe ikîûragwa.

Josh 2:14

Nao arûme acio nîmaamwîrire atîrî, “Ethîrwa ndûkeera mûndû wana ûrîkû ûrîa twîthîrîtwe tûgîka, nîtûkwîranîra na ma atî nîtûgaakwîguîra ntha rîrîa Ngai-Mûnene agaatûvotithia kwîgwatîra vûrûri ûyû. Na tûngîkaarega kûvingia ûguo tweranîra, Ngai nîagaatûûraga.”

Josh 21:44

Ngai-Mûnene nîwerîrîte methe ma tene ma andû a Isiraeli atî nîagaatûma matûûrage na thayû vûrûrirî wao wonthe. Nake nîwavingirie kîîranîro kîu. Gûtirî wana îmwe ya nthû ciao îngîavotire kûrûa nao, nîûndû Ngai-Mûnene nîwamavere ûvootani kûrî nthû ciao cionthe.

Josh 8:24

Andû a Isiraeli nîmaaûragire nthû ciao cionthe irîa ciamarûmîrîrîtie nginya werûrî. Marîkia kûûraga acio, nîmaacokire makîthiî îtûûrarî rîa Ai na makîûraga andû onthe arîa maatigarîte kuo.

Josh 9:24

Nao nîmaacokerie Joshua atîrî, “Twekire ûguo nîûndû nîtwamenyete nama atî Ngai-Mûnene, Ngai wenyu nîwathîte ndungata yake Musa atî aûrage andû onthe arîa matûûraga vûrûrirî ûyû na atî nîakaamûva guo ûtuîke wenyu. Kwoguo nîtwetigîre na nîkîo gîatûmire twîka ûguo.

Josh 9:7

Nwatî andû a Isiraeli nîmeerire Aahivi acio atîrî, “Tûngîrûtha kîrîkanîro namue atîa na nwa kwîthîrwa mûtûûraga gûkû tûrî?”

Atir 1:24

Athigani acio nîmoonire mûndûmûrûme aumîte îtûûrarî rîu na makîmwîra atîrî, “Twakûthaitha ûtwonie njîra ya gûtonya îtûûra rîîrî, natue nîtûgûgwîka maûndû maro.”

Atir 1:4

na wa Juda nîmaathiîre mbaararî vamwe. Nake Ngai-Mûnene nîwamavotithirie kûvoota Akanaani na Aperizi. Nîmaavootire andû ngiri îkûmi kûu Bezeki.

Atir 2:2

Namue mûtikathondeke kîrîkanîro wanarî kîmwe na andû arîa matûûraga vûrûrirî ûyû. Nwanginya mwomomore metha ciao cia magongoona. Nwatî mûtiavingia ûrîa naamwîrire. Mwekire ûguo nîkî?