Gûco 7:15 - ÎVUKU RÎA ÛVORO MWARO

¹⁵ Ngai-Mûnene nîakaamûgitîra kuuma kûrî mîrimû yonthe. Ndagaatûma mûgîe na mîrimû mîcûku ta îrîa mwonire Misiri, nwatî arîa onthe mamûthûrîte nîo makaanyitwa nî mîrimû îo.

Gûco 7:15 ပူးပေါင်းရင်းမြစ်များ

Thaburi 91:10

Kwoguo gûtirî ûndû mûcûku ûgaakûnyita, gûtirî mûthiro ûgaakuvîvîria nyomba yaku.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 23:25

Ethîrwa nîmûkaangooca nie Ngai-Mûnene, Ngai wenyu, nîngaamûrathima na irio na manjî, na nîmûthengutîria mîrimû gatagatîrî kenyu.

Ntha 9:11

Nao andû arîa maarî na ûûgî wa kûringa ciama a Misiri matianavota kûrûngama mbere ya Musa nîûndû maarî na mavûva, wata andû acio engî a Misiri.

Gûco 28:27

Ngai-Mûnene nîagaatûma mûgîe na nyimba ta irîa ciarî na andû a Misiri, na atûme mîîrî yenyu îtûrîkange ironda. Nîmûkaagîa na ûvere na mwîthûa na mûtikaavora.

Gûco 28:60

Nîakaamûretere mîrimû yonthe mîcûku ta îrîa mwarî nayo Misiri, na mûtikaavora.

Gûco 30:7

Nake Ngai-Mûnene Ngai wenyu nîagaatûma irumi icio inyite nthû cienyu na andû arîa maamûnyariraga.