Gûco 6:18 - ÎVUKU RÎA ÛVORO MWARO

¹⁸ Îkagani maûndû marîa magîrîre na marîa maro methorî ma Ngai, nîguo maûndû menyu methîrwe marî maro na mûvote kwîgwatîra vûrûri mwaro ûrîa Ngai-Mûnene eerîre methe menyu na mwîvîtwa atî nîakaamava,

Gûco 6:18 ပူးပေါင်းရင်းမြစ်များ

Thaburi 19:11

Nî manthomithagia nie ndungata yaku, nî monaga maûndû maro rîrîa namaathîkîra.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Isaia 38:3

na akiuga atîrî, “Ûûi Ngai-Mûnene, nakûthaitha ûririkane ûrîa mbîthîrîtwe nîrî mwîvokeku kûrî we na ngoro yonthe, na ngîkaga maûndû marîa wonaga marî maro.” Na Hezekia nîwarîrire arî na ûrûrû mwîngî mûno.

Ezek 18:19

“Kûnarî ûguo mue mûragia atî, ‘Mûvîcî angîrega kûverithua nîûndû wa mavîtia ma îthe nîkî?’ Mûvîcî angîka maûndû marîa magîrîrîte na ma ma, na nîarûmagîrîra watho wakwa waro, na ma nîagaatûûra mwoyo.

Ezek 18:21

“Nwatî mûndû mwaganu angîtiga maûndû monthe macûku marîa ekîte na acoke kûrûmagîrîra mawatho makwa na ekage maûndû marîa magîrîrîte na ma ma, ndagaakua. Mûndû ûcio nî agaatûûra mwoyo.

Ezek 18:27

Wana rîngî, rîrîa mûndû mwaganu agarûrûka na agîtiga waganu wake ûrîa ekîte agacoka gwîka maûndû marîa magîrîrîte na ma ma, nîakaavonokia mwoyo wake.

Ezek 18:5

“Ethîrwa mûndû nî mûthingu na nîarûmagîrîra watho na ageka ûrîa kwagîrîrîte,

Ezek 33:14

Wana rîngî nwambîre mûndû mwaganu atî, ‘Nama we nîûgaakua.’ Kûnarî ûguo angîgarûrûka atige kwîvia na acoke gwîka maûndû ma kîvooto na marîa magîrîru,

Ezek 33:16

Mevia marîa eekîte mbere matigacoka kûririkanwa, ke nîekîte maûndû ma kîvooto na magîrîru, nama mûndû ûcio nîagaatûûra mwoyo.

Ezek 33:19

Vîndî îrîa mûndû mwaganu agarûrûka atiga waganu wake na acoka gwîka maûndû maro na magîrîru, nîagaatûûra mwoyo nîûndû wamo.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Johana 8:29

Nake ûrîa wandûmire arî vamwe nanie. Ke tîmûndigu nîrî nienga nîûndû vîndî cionthe mbîkaga maûndû marîa mamûkenagia.”

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Gûco 12:25

Mûtikarîe nthakame nîguo maûndû menyu na ma njiarwa cienyu makaavua nîûndû mûkeethîrwa mûvingîtie ûrîa Ngai-Mûnene endaga.

Gûco 12:28

Menyererani mûno kwathîkagîra maûndû monthe marîa ngûmwatha, nîguo maûndû menyu na ma njiarwa cienyu matûûre marî maro, nîûndû mûkeethagîrwa mûvingîtie ûrîa Ngai-Mûnene Ngai wenyu athanîte.

Gûco 13:18

ethîrwa mûkaathîkagîra maûndû marîa amwathîte, mûkîvingagia maathani ma Ngai-Mûnene Ngai wenyu monthe marîa ngûmwatha ûmûnthî na mwîkage ûrîa endaga.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 5:33

Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Gûco 6:10

“Ngai-Mûnene, Ngai wenyu nîakaamûva vûrûri ûrî na matûûra manene na maro marîa mûtaatuma, wata ûrîa eerîre methe menyu ma tene: Iburahimu, Isaka na Jakovu.

Gûco 6:19

na mwîngate nthû cienyu cionthe wata ûrîa Ngai-Mûnene eeranîre.

Gûco 8:11

“Îîmenyerereni mûtikariganîrwe nî Ngai-Mûnene, Ngai wenyu. Mûtikarege kwathîkîra maathani, matuîro ma ciira na mawatho make marîa ngûmûva ûmûnthî.