Gûco 6:11 - ÎVUKU RÎA ÛVORO MWARO

¹¹ Gûkethîrwa kûrî na nyomba ciîcûrîte indo mbaro irîa mûtekîra kuo, na gûkethîrwa kûrî na iriko irî na manjî irîa mûtenja, na mîgûnda ya mîthavibu na mîtamaiyû îrîa îciaraga matunda îrîa mûtaavanda. Vîndî îrîa Ngai-Mûnene akaamûvira vûrûrirî ûcio na mûrîe irio cia mûthemba wa wonthe ûrîa mûkenda,

Gûco 6:11 ပူးပေါင်းရင်းမြစ်များ

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Thaburi 105:44

Nîwamavere mîgûnda ya mavûrûri ma andû engî, na makîîgwatîra mîgûnda ya andû arîa maatûûraga kuo,

Gûco 11:15

Nîagaatûma mîgûnda yenyu îgîe na nyaki ya kûrîwa nî ng'ombe cienyu. Mûkethagîrwa mûrî na irio cia kwîgana.

Gûco 14:29

Irio ino nî cia Alawi nîûndû matiagaîrwa kûndû gwa gûtûûra gatagatîrî kenyu, ageni, ciana cia ndigwa, na aka a ndigwa arîa matûûraga matûûrarî menyu, nîguo monage gîa kûrîa makavaa. Mwîkage ûguo nîguo Ngai-Mûnene Ngai wenyu amûrathimage na akarathima wîra wenyu.

Gûco 19:1

“Rîrîa Ngai-Mûnene Ngai wenyu akaaûraga andû arîa marî vûrûrirî ûrîa akûmûva, na mûmengate na mûtûûre matûûrarî na nyomba cia vûrûri ûcio,

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Josh 24:13

Nie namûveere vûrûri mûtaarutîrîte wîra na ngîmûva matûûra manene mûtaatumîte. Kûu nîkuo rîu mûtûûraga. Nîmûrarîa thavibu kuuma mîthaviburî mûtaanavanda na nîmûrarîa ndamaiyû kuuma mîtamaiyûrî mûtaanavanda.’

Atir 3:7

Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.