Gûco 5:33 - ÎVUKU RÎA ÛVORO MWARO

³³ Athîkagîrani maûndû monthe marîa Ngai-Mûnene, Ngai wenyu amwathîte nîguo maûndû menyu methagîrwe marî maro, na mûthiî na mbere gûtûûra vûrûrirî ûrîa mûkwîgwatîra.

Gûco 5:33 ပူးပေါင်းရင်းမြစ်များ

1Atha 3:14

Na ethîrwa ûkambathîkagîra na ûvingagie mawatho na maathani makwa ta ûrîa aguo Daudi eekaga, nîngaakûva ûtûûro mûraca.”

2Atha 17:37

Mûkaavingagia vîndî cionthe mawatho, irîra na maathani marîa naamwandîkîre. Mûtikagooce ngai ciîngî,

1Maû 28:8

“Kwoguo, andû akwa mûrî mbere ya Ngai na ûngano wonthe wa andû a Isiraeli andû a Ngai-Mûnene nîramwîra mwathîkagîre waro maathani monthe ma Ngai-Mûnene, Ngai wenyu. Na mweka ûguo nîmûkûthiî na mbere kwîgwatîra vûrûri ûyû mwaro na nîmûgaaûtigîra njiarwa cienyu rîrî îgai rîao tene na tene.”

Thaburi 119:6

Nîngîrûmîrîra maathani maku monthe, ndigaacoka gûconorithua.

Thaburi 37:11

Nwatî andû arîa avooreri nîo makeegwatîra nthî, na makenagîre ûtûûro mwaro na thayû.

Thaburi 37:22

Andû arîa arathime nî Ngai-Mûnene nîmakagaa nthî, nwatî arîa arume nîke nîmakaathirua.

Thaburi 37:29

Andû arîa athingu nîmakaagaa nthî, na matûûre kuo tene na tene.

Thaburi 37:34

Îîvokeni Ngai-Mûnene na mûrûmagîrîre maathani make; nîakaamûtûgîria na mwîgwatîre vûrûri, na nîmûkoona andû arîa aganu magîcûkangua.

Thaburi 37:9

Andû arîa mekaga maûndû macûku nîmagaacûkangua, nwatî arîa mevokete Ngai-Mûnene nîo makegwatîra nthî.

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Jeremia 42:6

Ethîrwa nî ûndû mwaro kana mûcûku, tue nîtûkwathîkîra mûgambo wa Ngai-Mûnene Ngai wetû, ûrîa tûragûtûma kûrî ke nîguo maûndû metû magîre twathîkîra Ngai-Mûnene Ngai wetû.”

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Ezek 20:19

Nie Ngai-Mûnene nî Ngai wenyu, rûmagîrîrani mawatho makwa na mwathîkagîre irîra ciakwa,

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Aefeso 6:3

“nîguo maûndû monthe maku mathiî waro na ûtûûre îvinda îraca gûkû nthî.”

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 11:9

Namue nîmûgaatûûra kavinda karaca vûrûrirî ûcio wîcûrîte îriia na ûûkî, vûrûri ûrîa Ngai-Mûnene eerîrîre methe menyu wa vamwe na njiarwa ciao atî nîakaamava.

Gûco 12:25

Mûtikarîe nthakame nîguo maûndû menyu na ma njiarwa cienyu makaavua nîûndû mûkeethîrwa mûvingîtie ûrîa Ngai-Mûnene endaga.

Gûco 12:28

Menyererani mûno kwathîkagîra maûndû monthe marîa ngûmwatha, nîguo maûndû menyu na ma njiarwa cienyu matûûre marî maro, nîûndû mûkeethagîrwa mûvingîtie ûrîa Ngai-Mûnene Ngai wenyu athanîte.

Gûco 22:7

Nwa woce twana, nwatî ûrekererie ng'ina îthiî. Weka ûguo nîûkaagîa na ûtûûro mwaro na ûtûûre mîaka mîngî.

Gûco 29:8

na tûgîoca vûrûri wao na tûkîûgaîra andû a mîvîrîga ya Reubeni, Gadi na nuthu ya andû a mûvîrîga wa Manase.

Gûco 30:16

Ethîrwa nîmûkûvingia maathani ma Ngai-Mûnene Ngai wenyu marîa ngûmûva ûmûnthî na njîra ya kwenda Ngai-Mûnene Ngai wenyu, kûrûmîrîra njîra ciake, kûvingia mawatho make, kûrûmîrîra matuîro make ma ciira na irîra ciake, nîmûgaatûûra na mwongerereke, na Ngai-Mûnene Ngai wenyu nîakaamûrathima mûrî vûrûrirî ûrîa mûgûtonya mûwîgwatîre.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Gûco 6:1

“Rîîrî nîrîo rîathani, mawatho na irîra irîa Ngai-Mûnene, Ngai wenyu aambathire nîmûthomithie, nîguo mûirûmagîrîre mûrî vûrûri ûrîa mûthiîte kwîgwatîra.

Gûco 6:3

Kwoguo mue andû a Isiraeli, thikîrîriani maathani mau na mûmathîkîre na kinyi! Mweka ûguo maûndû menyu nîmakûvua na mwongerereke mwîngîve mûno na mûtûûre vûrûrirî ûcio mûnoru, ûrî îriia na ûûkî wata ûrîa Ngai-Mûnene, Ngai wa methe menyu aamwîrîîre.

Gûco 8:1

“Menyererani mwathîkagîre na kinyi maathani monthe marîa nîramûva ûmûnthî, nîguo mûtûûre, mwongerereke na mwîgwatîre vûrûri ûrîa Ngai-Mûnene erîîre methe menyu.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.