Gûco 5:15 - ÎVUKU RÎA ÛVORO MWARO

¹⁵ Ririkana atî vîndî îmwe warî Ngombo vûrûrirî wa Misiri, na Ngai-Mûnene, Ngai waku nîwakûrutire kuo na vinya na wathani na nî kîo Ngai-Mûnene, Ngai waku arakwatha ûkûngûagîre mûthenya wa thavatû.

Gûco 5:15 ပူးပေါင်းရင်းမြစ်များ

Kîam 15:13

Nake Ngai-Mûnene nîwerire Aburamu atîrî, “Njiarwa ciaku nîikethîrwa irî ng'eni vûrûrirî mûgeni. Nîigaatuîka ngombo kuo na ivinyîrîrue îvinda rîa mîaka magana mana.

Kîam 19:16

Loti ndeka ûndû ûcio na îvenya. Nwatî Ngai-Mûnene nîwamwîguîrîre ntha. Kwoguo arûme acio aîrî nîmaanyitire Loti, mûka, na erîtu ake aîrî njara na makîmaruta nja ya îtûûra rîu.

Thaburi 116:16

We Ngai-Mûnene, nie nîrî ndungata yaku; ndungata yaku, mwana wa ndungata yaku ya mûndûmûka. We nîûnjovorete mînyororo yakwa.

Thaburi 136:12

na vinya wake na ûvoti mwîngî; nîûndû wendo wake ûtathiraga ûtûûraga tene na tene.

Ntha 13:14

Ethîrwa kavinda nîgagaakinya anake enyu mamûrie ûndû ûyû mûreka wa gûkûngûîra ugîte atîa, nîmûkaamera atî, ‘Ngai-Mûnene nîwatûmîre vinya wake mûnene agîtûruta Misiri kûrîa twatûûraga tûrî ngombo.

Ntha 13:16

Ûndû ûyû ûkethagîrwa wîkariî ta kîndû kîovereretwe njara kana rûûri rwîkîrîtwe mothiûrî metû wa gûtûririkania atî Ngai-Mûnene aatûrutire vûrûri wa Misiri na njîra ya vinya wake mûnene.’ ”

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Ntha 20:11

Nîûndû Nie Ngai-Mûnene naaûmbire îgûrû, nthî, na îria wana indo cionthe irîa irî kuo na mîthenya îtandatû, na mûthenya wa mûgwanja ngîvurûka. Kwoguo Nie Ngai-Mûnene nînaarathimire mûthenya wa thavatû na ngîûtua mûtheru.

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Danieli 9:15

“Rîu we Mwathani, Ngai wetû, we nîwonanirie vinya waku na njîra ya kûruta andû aku Misiri, na ûgîtûma rîîtwa rîaku rîtûûre rîririkanagwa nginya ûmûnthî. Tue nî twîvîtie na nî twîkîte maûndû macûku.

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 16:12

Athîkagîrani maathani mama na kinyi na mûririkanage atî vîndî îmwe mwatûûraga Misiri mûrî ngombo.

Gûco 26:8

Ngai-Mûnene nîwatûrutire vûrûrirî wa Misiri na vinya na ûvoti wake. Nîwaringire ciama na morirû na agîka maûndû ma gwîkîra andû guoya nyîngî.

Gûco 5:6

‘Nie, nînie Ngai-Mûnene, Ngai wenyu ûrîa wamûrutire vûrûri wa Misiri, kûrîa mwarî ûkomborî.

Gûco 9:12

“Ngai-Mûnene nîwacokire akîmbîra atîrî, ‘Ûkîra na ûnyûrûrûke ume gûkû kîrîmarî narua, nîûndû andû aku arîa warutire Misiri nîmekîte ûndû mûcûku; nîmatigîte wa rîmwe kûrûmîrîra mawatho marîa namaathire na nîmerûthîrîte mûvuanano.’

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.