Gûco 4:45 - ÎVUKU RÎA ÛVORO MWARO

⁴⁵ Ino nîcio irîra, mawatho, na matuîro ma ciira marîa Musa aaveere andû a Isiraeli rîrîa maaumire Misiri.

Gûco 4:45 ပူးပေါင်းရင်းမြစ်များ

1Atha 2:3

na wîkage ûrîa Ngai-Mûnene, Ngai waku akwathîte wîkage. Vingagia mawatho make monthe, maathani make, matuîro make ma ciira na kîrîra gîake, wata ûrîa kwandîkîtwe wathorî wa Musa, nîguo ûkaathatûkwa mawîrarî monthe marîa ûkaaruta kûrîa kuonthe ûkaathiî.

Thaburi 119:111

Matuîro maku ma ciira nîmo îgai rîakwa rîa tene na tene; mau nîmo matûmaga ngoro yakwa îkene.

Thaburi 119:14

Nîngenagîra kûrûmîrîra maathani maku, wata ûrîa mûndû akenaga arî na ûtonga mwîngî.

Thaburi 119:2

Kûrathimwa nî arîa marûmagîrîra kîrîra gîake, arîa mamûcaragia na ngoro ciao cionthe;

Thaburi 119:22

Nthengutîria irumi na inyûrûri ciao, nîûndû nînûmagîrîra kîrîra gîaku.

Thaburi 119:24

Mataaro maku nîmo mangenagia, nîmo mamvecaga kîrîra.

Thaburi 119:5

Naarî kethîrwa njîra ciakwa nwa irûngare, na njîra ya kûrûmîrîra mataaro maku!

Thaburi 119:7

Nîngaagûkumia na ngoro ntheru, rîrîa ngeeruta matuîro maku ma ciira ma kîvooto.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 4:44

Ûyû nîguo watho ûrîa Musa aaveere andû a Isiraeli.

Gûco 4:46

Vîndî îo maarî Kîamndarî mwena wa îrathîro wa rûnjî rwa Jorodani kwerekera Bethi-peori. Vûrûri ûyû wathagwa nî Sihoni, mûthamaki wa Amori, ûrîa wathanaga arî îtûûrarî rîa Heshiboni. Sihoni nîwavootirwe nî Musa na andû a Isiraeli marîkia kuuma Misiri.

Gûco 6:17

Menyagîrîrani mûvingagie Maathani monthe ma Ngai-Mûnene, Ngai wenyu na kinyi, kîrîra gîake na mawatho marîa amwathîte.

Gûco 6:20

“Vuvarî ciana cienyu ingîkaamûria kîrîa gîatûmire Ngai-Mûnene amûva kîrîra, mawatho na matuîro ma ciira mama monthe,