Gûco 4:4 - ÎVUKU RÎA ÛVORO MWARO

⁴ Nwatî andû amwe gatagatîrî kenyu, arîa maarî evokeku kûrî Ngai-Mûnene, Ngai wenyu, marî mwoyo nginya ûmûnthî.

Gûco 4:4 ပူးပေါင်းရင်းမြစ်များ

Thaburi 63:8

Nîîgwatithanîtie nawe, naguo vinya waku nî ûngitîrîte.

Isaia 26:20

Ûkani andû akwa, tonyani nyombarî cienyu na mwîvingîre kuo; îîthitheni kavinda kanini nginya rîrîa marakara ma Ngai makaathira.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 13:4

Rûmagîrîrani Ngai-Mûnene Ngai wenyu na mûmûtîîage na mwathîkagîre maathani make na mûmwîgucage. Mûtungatagîreni na mwîthagîrwe mûrî evokeku kûrî ke.

Gûco 30:20

Mwenda Ngai-Mûnene Ngai wenyu na mwamwathîkîra na mûtuîke evokeku kûrî ke, nî mûgûtûûra vîndî ndaca vûrûrirî ûrîa Ngai-Mûnene Ngai wenyu eerîre methe menyu: Iburahimu Isaka na Jakovu na mwîvîtwa atî nîakaamava.”

Gûco 4:3

Mue nîmwonire na metho menyu ûrîa Ngai-Mûnene eekire arî kîrîmarî gîa Peori. Nîwaûragire andû onthe arîa maagoocagîra Baali kuo.

Gûco 4:5

“Nie nînîmûthomithîtie mawatho monthe na matuîro ma ciira, wata ûrîa Ngai-Mûnene, Ngai wakwa aambathire mbîke. Mûkaavingagia mawatho mau mûrî vûrûrirî ûrîa mûgûtonya mwîgwatîre ûtuîke wenyu.

Josh 22:5

Menyerera mwathîkagîre maathani na mawatho marîa Musa aamwathire. Aamwathire mwendage Ngai-Mûnene, Ngai wenyu, mûrûmagîrîre njîra ciake cionthe, mwathîkagîre maathani make, mwîthagîrwe mûrî evokeku kûrî ke na ûmûtungatagîre na ngoro cienyu cionthe na vinya wenyu wonthe.”

Josh 23:8

Nwatî, îthagîrwani mûrî evokeku varî Ngai-Mûnene, wata ûrîa mûtûûrîte mûrî evokeku nginyagia ûmûnthî.

Kûguû 14:4

Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.