Gûco 4:35 - ÎVUKU RÎA ÛVORO MWARO

³⁵ Mwonirue maûndû mau nîguo mûmenye atî Ngai-Mûnene nî Ngai, na gûtirî wîngî tiga Ke.

Gûco 4:35 ပူးပေါင်းရင်းမြစ်များ

2Sam 22:32

Ngai-Mûnene tu nîke Ngai; Ngai wetû tu nîke ûtûgitagîra.

2Sam 7:22

Kaî wî mûnene we Ngai-Mûnene, Ngai-î! Gatagatîrî ka arîa onthe twaneegua gûtirî wîngî wîkariî tawe.

1Atha 8:60

Kwoguo andû onthe a gûkû nthî nîmakaamenya atî Ngai-Mûnene wenga nîke Ngai; na gûtirî wîngî take.

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

1Maû 17:20

Ngai-Mûnene, gûtirî wîngî tawe na nîtwîguîte na matû metû na tûkamenya gûtirî Ngai wîngî tiga we.

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 58:11

Andû nîmakaauga atîrî, “Nama, Ngai nîavete andû arîa athingu kîveo; nama, kûrî na Ngai ûrîa ûtucagîra andû nthî.”

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Ntha 8:10

Mûthamaki nîwacokirie atîrî, “Ûkaamvoera rûyû.” Musa nîwacokire akiuga atîrî, “Nîngeka ûrîa waûria na nîûkaamenya atî gûtirî Ngai wîngî tiga Ngai-Mûnene, Ngai wetû.

Ntha 8:6

Kwoguo Aroni nîwakûnjûrire njara agîûkîrîria mûragi wake îgûrû rîa manjî monthe ma Misiri, nacio ciûra nîciaumire igîcûra vûrûri wonthe wa Misiri.

Ntha 9:14

Vîndî îno ngaakûverithia, ndûme îvera kûrî anene aku na kûrî andû aku. Nawe nîûkaamenya atî gûtirî wîngî wîkariî tanie nthî yonthe.

Isaia 43:10

Ngai-Mûnene arauga atîrî, “Mue Aisiraeli mûrî aira akwa; namûthuurire mûtuîke ndungata ciakwa, nîguo mûûmenye na mûmbîtîkie, gûtirî ngai îngî tiga Nie. Na mûmenye atî nie nînie Ngai, gûtirî ngai îngî yarî kuo mbere yakwa na gûtikaagîa.

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 44:8

Tigani kwîgua guoya, wana kana mwîtigîre! Na kinthî ndiamwîrire maûndû kuuma tene na ngîmumbûrîra mo? Na mue mûrî aira akwa. Nîkwa kûrî na ngai îngî tiga nie? Nî kûrî Îthiga rîngî; Nie ndiîcî rîngî.”

Isaia 45:18

Ngai-Mûnene ûrîa waûmbire îgûrû nîke Ngai! Ûrîa waûmbire nthî na agîtûma îgîe nîke wamîvandire; ndaamîûmbire îthîrwe îtarî na thayû na îtarî kîndû, aamîûmbire nîguo îtûûragwe. Nîke ûrauga atîrî, “Nie nînie Ngai-Mûnene, na gûtirî ngai îngî.

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 45:5

“Nie nînie Ngai-Mûnene na gûtirî ngai îngî tiga nie. Nînie ngûmenyagîrîra, wana ethîrwa ndûmbîcî,

Maariko 12:29

Nake Jesû nîwamûcokerie atîrî, “Rîathani rîrîa rîrî vata gûkîra marîa mengî monthe nî rîîrî, ‘Tathikîrîriani mue andû a Isiraeli! Mwathani Ngai wetû nîke Mwathani tu.

Maariko 12:32

Nake mwarimû ûcio wa Watho nîwerire Jesû atîrî, “Mwarimû, nîwacokia waro! Nî ma atî Ngai nîke Mwathani tu na gûtirî Ngai wîngî tiga ke.

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

Gûco 32:12

Ngai-Mûnene ke mwene nîke watongoririe andû ake, na gûtirî ngai îngî yamûtethererie.

Gûco 32:23

“‘Nîngaamaretithîria mîthiro mîîngî mûno, nîngaamatharîkîra na njîra cionthe.

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

Gûco 33:26

Musa nîwarîkîrîrie na kuga atîrî, “Mue andû a Isiraeli, gûtirî ngai îkariî ta Ngai wenyu, atuîkanagîria îgûrû na vinya wake, atuîkanagîria matuurî aûkîte kûmûtethia.

Gûco 4:39

Kwoguo menyani kuuma ûmûnthî na mwige ûndû ûyû ngororî cienyu atî, Ngai-Mûnene nî Ngai wa îgûrû na nthî, gûtirî ngai îngî.

Gûco 6:4

“Tathikîrîriani mue andû a Isiraeli! Ngai-Mûnene, Ngai wetû nî Ngai-Mûnene ûmwe tu.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.