Gûco 4:34 - ÎVUKU RÎA ÛVORO MWARO

³⁴ Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Gûco 4:34 ပူးပေါင်းရင်းမြစ်များ

Thaburi 136:12

na vinya wake na ûvoti mwîngî; nîûndû wendo wake ûtathiraga ûtûûraga tene na tene.

Thaburi 24:8

Mûthamaki ûcio ûrî riiri nû? Nî Ngai-Mûnene ûrîa ûrî vinya na ûvoti, Ngai-Mûnene, ûrîa ûvootanaga mbaararî.

Thaburi 78:12

Methe mao nîmoonire Ngai akîringa ciama, arî Zoani kûndû kûrîa kwaraganu vûrûrirî wa Misiri.

Ntha 1:9

Nake mûthamaki nîwerire andû ake atîrî, “Andû aya a Isiraeli nî eengî mûno na marî na vinya kûrî tue.

Ntha 10:21

Ngai-Mûnene nîwacokire akîra Musa atîrî, “Ûkîrîria njara yaku îroretie na îgûrû maturî. Na nîgûkûgîa nduma nene mûno îngîvota kûnyitîka na îîgûkunîka vûrûri wonthe wa Misiri.”

Ntha 10:7

Nao anene a mûthamaki nîmaamûririe atîrî, “Mûndû ûyû nî athiî na mbere gûtûthînia nginya rî? Tiga andû a Isiraeli mathiî, nîguo makagooce Ngai-Mûnene, Ngai wao. Anga ndûrona ûrîa Misiri îcûkangîtue?”

Ntha 13:3

Nake Musa nîwerire andû a Isiraeli atîrî, “Ririkanagani mûthenya ûyû. Ûyû nî mûthenya ûrîa Ngai-Mûnene aamûrutire Misiri na njîra ya vinya wake kûrîa mwatûûraga mûrî ngombo. Mûthenya ûyû mûtikaarîe mîgate îkîrîtwe ndawa ya kwimbia.

Ntha 14:30

Mûthenya ûcio Ngai-Mûnene nîwavonokirie andû a Isiraeli kuuma kûrî andû a Misiri. Nao andû a Isiraeli nîmoonire andû a Misiri mamamîte rûtere rwa îria marî akuû.

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Ntha 19:4

“Mue nîmwonire ûrîa nie Ngai-Mûnene nekire andû a Misiri na ngîmûkuua ta ûrîa nderi îkuuaga tûcui twayo na mathagu na ngîmûrete varî nie.

Ntha 3:10

Rîu nîngûgûtûma ûthiî kûrî mûthamaki wa Misiri nîguo ûgatongorie andû akwa a Isiraeli kuuma vûrûri wake.”

Ntha 6:6

Kwoguo îra andû a Isiraeli nie nîramera atî, ‘Nie nî Nie Ngai-Mûnene. Nie nîngûmûvonokia na nîmûrekererie muume ûkomborî wa andû a Misiri. Nîngeka ûndû mûnene na vinya wakwa nîguo ndetere andû a Misiri îvera, na nîngaamûvonokia.

Ntha 7:3

Nwatî nîngûtûma ngoro ya mûthamaki yûme na wana nîngîringa ciama na monanie morirû meengî atîa kûu vûrûrirî wa Misiri.

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Jeremia 21:5

Nie mwene nîngarûa nawe na vinya wakwa wonthe, nîrî na marakara, mang'ûrîka na ûrûrû mwîngî.

Jeremia 32:21

Nîwarutire andû aku a Isiraeli vûrûrirî wa Misiri na njîra ya kûringa ciama na ûgîka maûndû ma magegania na vinya na ûvoti mwîngî na ûkîmakia andû a Misiri.

Ndari 20:16

na tûkîrîrîra Ngai-Mûnene nîguo atûtethie. Ngai-Mûnene nîwegwire kîrîro gîetû na agîtûma mûraika ûrîa watûrutire Misiri. Rîu tûrî Kadeshi, îtûûra rîrîa rîrî mûvakarî wa vûrûri waku.

Gûco 1:30

Ngai-Mûnene, Ngai wenyu nîakûmûtongoria, na amûrûîrîre, wata ûrîa mwonire agîka rîrîa mwarî Misiri,

Gûco 10:21

Nîke mwagîrîrwe nî gûkumia, na nîke Ngai wenyu ûrîa wamûringîre ciama na morirû marîa mwonire na metho menyu.

Gûco 11:2

Ririkanani ûmûnthî maûndû marîa mwonire Ngai-Mûnene agîka. Mue nîmue mwonire maûndû mau, nwatî tî ciana cienyu. Nîmwonire ûnene wa Ngai-Mûnene Ngai wenyu, vinya wake, ûvoti wake,

Gûco 26:8

Ngai-Mûnene nîwatûrutire vûrûrirî wa Misiri na vinya na ûvoti wake. Nîwaringire ciama na morirû na agîka maûndû ma gwîkîra andû guoya nyîngî.

Gûco 29:3

Nîmwonire mûthiro, ciama, na maûndû ma magegania marîa Ngai-Mûnene eekire Misiri.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”

Gûco 34:12

Gûtirî mûrathi wîngî wanavota gwîka maûndû manene na ma gwîtigîrwa gûkîra marîa Musa eekire mbere ya andû onthe a Isiraeli.

Gûco 5:15

Ririkana atî vîndî îmwe warî Ngombo vûrûrirî wa Misiri, na Ngai-Mûnene, Ngai waku nîwakûrutire kuo na vinya na wathani na nî kîo Ngai-Mûnene, Ngai waku arakwatha ûkûngûagîre mûthenya wa thavatû.

Gûco 6:21

nîmûgaaciîra atî, ‘Tue twarî ngombo cia mûthamaki wa Misiri, na Ngai-Mûnene agîtûtethûra ûkomborî ûcio na ûvoti wake mûnene.

Gûco 7:19

Taririkanani mîthiro îrîa mwonire na metho menyu. Taririkanani ciama na morirû marîa Ngai-Mûnene aaringire na ûvoti na vinya wake ûrîa aatûmîre nîguo amûrute Misiri. Ûguo nwaguo Ngai-Mûnene, Ngai wenyu ageeka kûrî mavûrûri mau mûretigîra.

Gûco 9:29

Nwatî Ngai-Mûnene, aya nî andû aku arîa wathuurire matuîke aku kîûmbe na ûkîmaruta ûkomborî Misiri na vinya na ûvoti waku mûnene.’

Josh 24:7

Nanie nînekîrire nduma gatagatî ka andû a Misiri na a Isiraeli. Nînatûmire îria rîkunîkîre andû a Misiri na nîmaaûrîre manjîrî. Mue nîmwicî ûrîa nekire andû a Misiri. “ ‘Mue nîmwatûûrire werûrî kavinda karaca.

1Pet 5:6

Îînyivagieni mûrî rungu rwa Ngai ûrîa ûmûgitagîra, nîguo akaamûnenevia rîrîa kavinda karîa kagîrîru gagaakinya.