Gûco 4:19 - ÎVUKU RÎA ÛVORO MWARO

¹⁹ Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.

Gûco 4:19 ပူးပေါင်းရင်းမြစ်များ

Kîam 1:14

Ngai nîwacokire akiuga atîrî, “Nîkûgîe motheri matuurî îgûrû ma kwamûranagia mûthenya na ûtukû na monanagie mavinda, mîthenya, na mîaka.

Kîam 2:1

Ngai nîwarîkirie kûmba nthî na indo cionthe irîa irî kuo.

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 21:3

Nîwatumire rîngî kûndû gwa kûgoocagîrwa ngai cia mîvuanano kûrîa îthe Hezekia aacûkangîtie; nîwatumire metha cia magongoona cia Baali na akîrûtha mûvuanano wa ngai ya nga ya Ashera, ta ûrîa Ahabu mûthamaki wa Isiraeli eekîte. Makîria ya ûguo, Manase nwa wagoocaga ciûmbe cionthe cia îgûrû na agaitungatîra.

2Atha 23:11

Nîwarutire mîvuanano ya mbarathi îrîa athamaki a Juda maamûrîrîte riûa, na akîvîvia ikaari cia mbarathi icio na mwaki. Mîvuanano îo ya mbarathi yaigîtwe njîrarî ya hekarû ya Ngai-Mûnene vakuvî na nyomba ya Nathani Meleki, mûnene wa ndungata icio ciîngî kûu nja ya hekarû.

2Maû 33:3

Nîwatumire rîngî kûndû gwa kûgoocagîrwa ngai cia mîvuanano kûrîa îthe, Hezekia oomomorete. Nîwatumire metha cia magongoona cia Baali, akîrûtha mîvuanano ya Ashera, ngai ya mûndûmûka na akîgooca ciûmbe cionthe cia îgûrû.

Nehemia 9:6

Ezira nîwavoire akiuga atîrî, “We, Ngai-Mûnene, we wenga nîwe Ngai-Mûnene; nîwe waûmbire îgûrû na ûkîûmba njata cia matuurî, nîwe waûmbire nthî, îria na ûkîûmba indo cionthe irîa irî kuo, nîwe waiveere mwoyo cionthe. Maavinya ma îgûrû nîmenamagîrîra magakûgooca.

Thaburi 19:3

Gûtirî mîario kana ciugo kuuma kûrî cio, gûtirî mûgambo wa cio wîguîkaga,

Jeremia 19:13

Nyomba cia Jerusalemu na nyomba cia athamaki a Juda, na nyomba cionthe irîa îgûrû rîa cio kwavîvagîrua ûbani kûrî njata irîa îtûûraga îgûrû na gûkarutîrwa matega ma ndivei kûrî ngai ciîngî, nîgûkaagwatwa nî mûgiro wata Tofethi.”

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Jeremia 33:25

Ngai-Mûnene arauga atîrî: Nînarûthire kîrîkanîro kîgiî mûthenya na ûtukû na ngîrûtha mawatho ma îgûrû na nthî.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Ezek 18:6

wana ndarîcaga irio cia magongoona irîa irutîrîtwe mîvuanano ya andû a Isiraeli irîmarî kana amîgooca, kana aveenererie mûka wa mûndû ûrîa mariganîtie nake, kana amenyane kîîmwîrî na mûndûmûka îvinda rîake rîa mweri,

Ezek 8:16

Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Ciîko 7:42

Nwatî Ngai nîwamatiganîrie na akîmarekereria magooce njata cia îgûrû wata ûrîa kwandîkîtwe îvukuurî rîa arathi atîrî, ‘Andû a Isiraeli! Nie tî nie mwathînjagîra na mûkarutîra magongoona vîndî îrîa mue mwaûrûraga werûrî kwa îvinda rîa mîaka mîrongo îna.

Aroma 1:25

Nîmaregete gwîtîkia ûma wîgiî Ngai na magetîkîra ûvoro wa maveeni. Magoocaga na magakumia indo irîa ciaûmbirwe nî Ngai vandû va kûgooca Ngai ûrîa waûmbire indo icio na nîke wagîrîrwe nî gûkumua tene na tene! Ameni.

Gûco 13:10

Nîmûkaamûraga na mathiga nîûndû nîageretie kûmûgucîrîria mûtige kûgooca Ngai-Mûnene Ngai wenyu ûrîa wamûrutire vûrûrirî wa Misiri kûrîa mwarî ngombo.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 17:3

na njîra ya kûgooca na gûtungatîra ngai ciîngî: riûa, mweri kana njata irîa ngananîtie,

Gûco 4:18

kana nyamû îrîa îkurumaga gûkû nthî, kana wa nthamaki ya manjîrî.