Gûco 4:13 - ÎVUKU RÎA ÛVORO MWARO

¹³ Nîwamûmenyithirie ûvoro wa kîrîkanîro kîrîa aarîkanîre namue, na akîathana atî mûkîrûmagîrîre; nakîo nî maathani îkûmi marîa andîkire ivengererî igîrî cia mathiga.

Gûco 4:13 ပူးပေါင်းရင်းမြစ်များ

1Atha 8:9

Gûtiarî kîndû ndaarî ya îthandûkû rîa kîrîkanîro tiga ivengere igîrî cia mathiga irîa Musa eekîrire kuo arî Horebu. Musa aaciîkîrire kuo rîrîa Ngai-Mûnene aarûthire kîrîkanîro na andû a Isiraeli rîrîa maaumaga vûrûrirî wa Misiri.

Thaburi 119:4

We Ngai, nîûtûvete mawatho maku nîguo tûmarûmagîrîre na kinyi.

Ntha 19:5

Kwoguo ethîrwa mûkaambathîkagîra na mwathîkagîre kîrîkanîro gîakwa nîmûgaatuîka andû akwa. Nthî yonthe nî yakwa, nwatî mue mûgaatuîka andû akwa arîa nthuurîte,

Ntha 24:12

Ngai-Mûnene nîwerire Musa atîrî, “Unûkia ûke kîrîmarî varî nie na weterere vo. Nanie ngaakûnengera ivengere igîrî cia mathiga ciandîkîtwe mawatho na maathani ma gûtaara andû.”

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 34:1

Ngai-Mûnene nîwerire Musa atîrî, “Rûtha ivengere cia mathiga igîrî wata irîa cia mbere na nîngwandîka ivengererî icio ciugo irîa ciarî ivengererî cia mbere irîa wenyûrangire.

Ntha 34:28

Musa nîwekarire vau varî Ngai-Mûnene mîthenya mîrongo îna ûtukû na mûthenya, na ndaanyua kana arîa kîndû kavinda kau konthe. Nake nîwandîkire ciugo cia kîrîkanîro na nîcio Maathani îkûmi ivengererî cia mathiga.

Aroma 9:4

Andû acio nî Aisiraeli na nîo Ngai aatuire ciana ciake na akîmaguûrîria riiri wake. Ke nîwathondekire irîkanîro nao na akîmava watho. Andû acio nîmamenyete kûgooca Ngai nama na nîmamûkîrîte ciîranîro ciake.

2Akor 3:7

Watho ûrîa waretire gîkuû wandîkîtwe ivengererî cia mathiga. Naguo waûkire ûrî na riiri wa Ngai ûrîa watûmire ûthiû wa Musa ûkenga mûno na andû a Isiraeli matingîavotire gwîkara maûroretie. Nwatî vuvarî riiri ûcio nîwathirire.

Gûco 4:12

Meereni ûrîa Ngai-Mûnene aaririe namue arî ndarî ya mwaki ûcio. Nîmwegucaga ciugo irîa aamwîraga nwatî mûtiamwonaga. Mwegucaga mîario yake tu.

Gûco 4:14

Vîndî îo Ngai-Mûnene nîwambathire akîmbîra nîmûthomithie mawatho monthe na matuîro ma ciira marîa mûkaarûmagîrîra mûrî vûrûrirî ûrîa mûthiîte kwîgwatîra ûtuîke wenyu.

Gûco 5:22

“Mama nîmo maathani marîa Ngai-Mûnene aamûveere muonthe rîrîa mwacemanîtie kîrîmarî. Rîrîa aaririe na mûgambo mûnene arî mwakirî, matuurî na nduma nene, ndongerera Maathani mengî tiga mama. Nîwacokire akîandîka Maathani mau ivengererî igîrî cia mathiga na akînengera cio.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.