Gûco 4:11 - ÎVUKU RÎA ÛVORO MWARO

¹¹ “Meereni ûrîa mwathiîre na mûkîrûngama nthî ya kîrîma gîa Sinai. Nakîo kîrîma kîu nîgîakunîkirwe nî matu mairû na mwaki warîrîmbûkaga nginya matuurî.

Gûco 4:11 ပူးပေါင်းရင်းမြစ်များ

2Sam 22:10

Nîwatuîkanîrie matuurî na akînyûrûrûka nthî, nayo nduma ndumanu yarî rungu rwa magûrû make.

1Atha 19:12

Vuva wa kîthingithia nîgwacokire gûkîgîa mwaki, nwatî Ngai-Mûnene ndaarî mwakirî. Vuva wa mwaki nîgwacokire gûkîgîa kamûgambo gaceke kaaragia na kîvûe.

Thaburi 18:11

Eekunîkîrîte na nduma, athiûrûrûkîrîtue nî matu mairû marî na manjî.

Thaburi 97:2

Matu na nduma nene nîimûthiûrûrûkîrîtie; athanaga na ûthingu na kîvooto.

Ntha 19:9

Ngai-Mûnene nîwacokire akîra Musa atîrî, “Taroria! Nîngûka kûrî we nîrî îtuurî rînene mûno. Na vîndî îrîa ngakwarîria andû nîmakaaîgua ngîkwarîria nao nîmagaatûûra magwîtîkîtie nginya tene na tene.” Musa nîwerire Ngai-Mûnene rîngî ûrîa andû maaugîte,

Gûco 4:12

Meereni ûrîa Ngai-Mûnene aaririe namue arî ndarî ya mwaki ûcio. Nîmwegucaga ciugo irîa aamwîraga nwatî mûtiamwonaga. Mwegucaga mîario yake tu.

Gûco 5:23

“Vîndî îrîa mwegwire mûgambo kuuma ndumarî îo îgûrû rîa kîrîma kîrîa gîakanaga mwaki, atongoria onthe a mîvîrîga yenyu, na athuuri nîmaaûkire