Gûco 32:47 - ÎVUKU RÎA ÛVORO MWARO

⁴⁷ Nîûndû tî ciugo ntheri irî mawathorî mama, nwatî nî mûtûûrîre wenyu. Mathîkagîreni na nîmûgûtûûra vîndî ndaca vûrûrirî ûrîa mûthiîte kwîgwatîra mûringo wa rûnjî rwa Jorodani.”

Gûco 32:47 ပူးပေါင်းရင်းမြစ်များ

Nthi 3:18

Ûûgî nîta mûtî wa mwoyo kûrî arîa magîcaga naguo, arîa megwatîrîte guo na kinyi marî gîkeno.

Nthi 3:22

Nacio nîigaakûva mwoyo, na ikûgemie ta mathaga marî ngingorî yaku.

Nthi 4:13

Rûmagîrîra kîrîra, na ndûgatigane nakîo; kîvingagie na kinyi, nîûndû nîkîo ûtûûro waku.

Nthi 4:22

Nîûndû nîcio itûûragia ûrîa ûirûmagîrîra, na ikamûva ûgima wa mwîrî wake wonthe.

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Alawi 18:5

Rûmagîrîrani maûndû na mawatho marîa ngûmûva; mûndû ûrîa ûgeeka ûguo nîakaavonokia mwoyo wake. Nie nînie Ngai-Mûnene, Ngai wenyu.

Amosi 5:4

Ngai-Mûnene arera andû a Isiraeli atîrî, “Njariani namue nî mûgûtûûra mwoyo!

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Ciîko 7:38

Musa ûcio nwake warî vamwe na andû a Isiraeli vîndî îrîa maagomanîte werûrî. Ke aarî kûu werûrî vamwe na methe metû ma tene na mûraika ûrîa wamwarîrie arî îgûrû Kîrîmarî gîa Sinai. Nake nîwamûkîre ndûmîrîri îrî mwoyo ya Ngai na agîtûkinyîria yo.

Gûco 30:16

Ethîrwa nîmûkûvingia maathani ma Ngai-Mûnene Ngai wenyu marîa ngûmûva ûmûnthî na njîra ya kwenda Ngai-Mûnene Ngai wenyu, kûrûmîrîra njîra ciake, kûvingia mawatho make, kûrûmîrîra matuîro make ma ciira na irîra ciake, nîmûgaatûûra na mwongerereke, na Ngai-Mûnene Ngai wenyu nîakaamûrathima mûrî vûrûrirî ûrîa mûgûtonya mûwîgwatîre.

Gûco 31:13

Na njîra îno njiarwa cienyu irîa itanegua watho wa Ngai-Mûnene Ngai wenyu kana iûthoma, nîikaathoma kwathîkîra Ngai-Mûnene, Ngai wenyu mavinda monthe marîa mûgûtûûra mwoyo vûrûrirî ûrîa mûthiîte kwîgwatîra mûringo wa rûnjî rwa Jorodani.”

Gûco 33:25

Ivingo cia matûûra maku ikethagîrwa irî cia cuuma na gîcango, ûkethagîrwa wî mûgitîre ûtûûrorî waku wonthe.”

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 4:6

Mathîkagîreni na kinyi na mûmavingagie. Ûndû ûyû nîguo ûgaatûmaga mwonwe nî andû a mavûrûri marîa mengî mûrî aûgî na mûrî na ûmenyo mwîngî. Andû megua mawatho mau monthe makaaugaga, ‘Nama andû aya a vûrûri ûyû marî na ûûgî na ûmenyo mwîngî mûno!’

Gûco 8:3

Nîwatûmire mwînyivie na njîra ya gûtûma mûvûte, akîmûva mana mûkîrîa, irio irîa mue wana methe menyu mataanarûma rîngî. Eekire ûguo nîguo amûthomithie atî twa mûgate guonga ûtûûragia mûndû mwoyo, nwatî atûûragua nî kiugo kîrîa kîonthe kiumîte kanyuarî ka Ngai-Mûnene.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

2Pet 1:16

Vîndî îrîa tue twamûmenyithirie ûvoro wîgiî gûka kwa Mwathani wetû Jesû Kristû arî na ûvoti mûnene, tî ng'ano cia gwîtungîra twamûganagîra. Nwatî nîtweyonere ûnene wake na metho metû.

2Pet 1:3

Vinya wa Ngai nîûtûvete indo cionthe irîa tûvatarîte nîguo tûtûûre tûrî na ûngai ûrîa wa ma. Tûrî na indo icio nîûndû nîtûmenyete Jesû ûrîa watwîtire nîguo tûkaagaa riiri na wega wake.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.