Gûco 32:4 - ÎVUKU RÎA ÛVORO MWARO

⁴ “Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.

Gûco 32:4 ပူးပေါင်းရင်းမြစ်များ

Kîam 1:31

Ngai nîwaroririe indo cionthe irîa aaûmbire na akîona irî mbaro. Nakuo nîgwatukire na gûgîcoka gûgîkîa. Ûcio nîguo warî mûthenya wa gatandatû.

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

2Sam 22:47

Ngai-Mûnene atûûraga mwoyo! Ke ûrîa ûngitagîra arokumua! Ngai wakwa arokumua! Ke nîke mûngitîri na ûvonokio wakwa!

2Sam 23:3

Ngai wa Isiraeli nîwaririe; Ke ûrîa Mûgitîri wa Isiraeli ambîrire atîrî, “Mûthamaki ûrîa wathanaga na kîvooto, ûrîa wathanaga etigîrîte Ngai,

2Maû 19:7

Vecagani Ngai-Mûnene gîtîîo na mûrûthage maûndû mûvarîrîte, nîûndû Ngai-Mûnene, Ngai wetû ndendaga ûndû ûtarî wa kîvooto, ndarî kîmenyano na ndamûkagîra mavaki.”

Nehemia 9:8

Nîwonire atî ke nîwakwîvokete, na ûkîthondeka kîrîkanîro nake. Nîwamwîrire atî nî ûkaamûva vûrûri wa Kanaani, vûrûri wa Aperizi, na wa Ajebusi, wana vûrûri wa Agirigashi. Wonthe ûgîtuîka vûrûri ûrîa njiarwa ciaku igaatûûra. Nîûndû we ûrî mwîvokeku, nîwavingirie kîîranîro kîu.

Ayubu 34:10

“Kwoguo ta nthikîrîriani mue arîa mûrî na mbuguîro, Ngai ndangîka ûndû macûku. Ngai mwene vinya wonthe ndangîka naaî.

Ayubu 35:14

Ngai angîgûcokeria atîa rîrîa ûrauga atî ndûmwonaga, na ciira waku ûrî mbere yake, na nîke wetererete?

Ayubu 36:23

Nû ûngîathîrîra Ngai ûrîa agwîka, kana ûngîmwîra atî nîekîte naaî?

Ayubu 8:3

Anga Ngai nîareganaga na kîvooto? Kana wîciragia Ngai Mwene Vinya wonthe nîareganaga na ûûma?

Thaburi 100:5

Nîûndû Ngai-Mûnene nî mwaro; wendo wake ûtathiraga ûtûûraga tene na tene, wîvokeku wake ûkinyagîra njiarwa cionthe.

Thaburi 138:8

Ngai-Mûnene nîakaamvingîria maûndû marîa ambîrîîre. Wendo waku ûtathiraga we Ngai-Mûnene, ûtûûraga tene na tene. Ndûgatiganîrie wîra wa njara ciaku.

Thaburi 145:17

Ngai-Mûnene nî mûthingu maûndûrî monthe, na arî ntha maûndûrî monthe marîa ekaga.

Thaburi 146:6

ûrîa waûmbire îgûrû na nthî, îria na indo cionthe irîa irî kuo; ûrîa ûvingagia ciîranîro ciake vîndî cionthe.

Thaburi 18:2

Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.

Thaburi 18:46

Ngai-Mûnene nîatûûraga mwoyo! Arokumua mûgitîri wakwa! Ngai mûvonokia wakwa arogoocwa.

Thaburi 19:7

Watho wa Ngai-Mûnene nî mûkinyanîru, nî ûvecaga mûndû vinya mûcerû. Maathani ma Ngai-Mûnene nî ma kwîvokeka, nîmavecaga ûûgî arîa matarî naguo.

Thaburi 31:5

Nînakûnengera mwoyo wakwa, nîûmvonoketie, we Ngai-Mûnene; we wî Ngai mwîvokeku.

Thaburi 33:4

Ciugo cia Ngai-Mûnene nî cia ma na ciîko ciake cionthe nîciakwîvokeka.

Thaburi 78:35

Nîmaririkanaga atî Ngai nîke ûmagitagîra, Ngai ûrîa ûrî Îgûrû Mûno nîke ûmavonokagia.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Thaburi 90:16

Tûma ndungata ciaku cione ciîko ciaku cia vinya, na ûtûme njiarwa cietû cione riiri wa vinya waku.

Thaburi 92:15

Nîguo monanie atî Ngai-Mûnene nî mûthingu, nîke ûngitagîra na ekaga maûndû ma ûthingu.

Thaburi 97:2

Matu na nduma nene nîimûthiûrûrûkîrîtie; athanaga na ûthingu na kîvooto.

Thaburi 98:3

Nîendete andû a Isiraeli na arî mwîvokeku kûrî o. Andû onthe a nthî nîmonete ûvootani wa Ngai wetû.

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Ntha 34:6

Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.

Mûvunjia 3:14

Nîmbicî atî maûndû monthe marîa Ngai ekaga matûûraga tene na tene. Gûtirî kîndû kîngîongererwa kana kîrutarutwe kuuma kûrî maûndû mau. Ngai atûmîte maûndû mau mekare ûguo nîguo andû mamûtîîaga.

Isaia 17:10

We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.

Isaia 25:1

We Ngai-Mûnene, nîwe Ngai wakwa; nîngaakwambararia na ngumie rîîtwa rîaku, nîûndû we nîwîkîte maûndû ma magegania; mîvango îrîa wavangire kuuma tene, ûmîvingîtie na wîvokeku na ûûma.

Isaia 26:4

Îîvokage Ngai-Mûnene tene na tene, nîûndû Ngai-Mûnene, Ngai nî îthiga rîa ûgitîri tene na tene.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Habakuku 1:12

We Ngai-Mûnene kuuma Kîammbîrîria we warî Ngai. Ûrî Ngai wakwa, mûtheru na wa tene na tene. We Ngai wakwa, mûtheru wakwa ûtakucaga, we Ngai-Mûnene nîûthuurîte Akalidei nîguo matûtuîre ciira; we Îthiga, ûmavete vinya nîguo matûverithie.

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Zefania 3:5

Nwatî Ngai-Mûnene ûrîa ûrî îtûûrarî rîu nî mwîvokeku, ekaga maûndû marîa magîrîru nwatî tî marîa macûku. Onanagia kîvooto wa kîraûko kûrî andû ake. Kûnarî ûguo, arîa aganu mathiîcaga na mbere gwîka naaî matarî na nthoni.

Mathaayo 5:48

Kwoguo, nwa nginya mwîthagîrwe mûrî akinyanîru wata ûrîa Îthe wenyu wa Îgûrû ethagîrwa arî mûkinyanîru!

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 5:22

Gûtirî mûndû ûtucagîrwa ciira nî Îthe. Ke nîwîtîkîrîtie Mûriû atucanagîre ciira,

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Aroma 2:2

Nîtwîcî atî îtua rîa Ngai nî rîa ma kûrî andû arîa mekaga maûndû ta mau.

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Aroma 3:5

Nîtuga atîa ethîrwa waganu wetû nîguo ûtethagîrîria kwonania kîvooto Kîam Ngai, nwa tuge atî Ngai nî mûvîtiu vîndî îrîa agûtûverithia? (Ava nîraria tu ûrîa andû a nthî maragia).

1Akor 10:4

na makînyua manjî ma kîîroho. Nîmaanyuire manjî maumîte îthigarî rîa kîîroho rîrîa rîamarûmîrîre. Narîo îthiga rîu rîarî Kristû ke mwene.

Gûco 10:18

Atucaga ciira wa aka a ndigwa na ciana cia ndigwa na kîvooto. Nîwendete ageni na nîamavecaga gîa kûrîa wana nguo.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Gûco 32:18

Nîmaariganîrwe nî Îthiga rîrîa rîamaveere mwoyo, nîmaariganîrwe nî Ngai ûrîa wamaciarire.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

Jakuvu 4:12

Ngai wenga nîke mûvecani wa watho na mûtucanîri. Ke wenga nîke ûngîvota kûvonokania na gûcûkangia viû. Ûreciria wî û ûgîtuîra mûndû ûrîa mûriganîtie nake?

1Pet 2:6

Nîûndû mandîkorî matheru Ngai augîte atîrî, “Nîngwiga îthiga rîrîa nthuurîte Zayuni, îthiga rîu nî rîa goro. Mûndû wa wonthe ûmwîtîkagia ndagaaconorithua.”

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.