Gûco 32:28 - ÎVUKU RÎA ÛVORO MWARO

²⁸ “Isiraeli nî vûrûri ûtarî mbîguîro, matirî ûmenyo wanarî vanini.

Gûco 32:28 ပူးပေါင်းရင်းမြစ်များ

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Thaburi 81:12

Kwoguo nînaamarekirie mathiî na mbere na ûremi wao, na ngîreka meke wa ûrîa meendaga.

Nthi 1:7

Gwîtigîra Ngai-Mûnene nîkîo Kîammbîrîria gîa kûgîa na ûmenyo. Andû arîa aritu nîmanyararaga ûûgî na kîrîra.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Isaia 29:14

Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

1Akor 3:19

Nîûndû kîrîa andû a gûkû nthî metaga ûûgî, Ngai agîtaga ûrimû. Kwandîkîtwe mandîkorî matheru atîrî, “Ngai atûmagîra wara wa andû arîa aûgî ûrî ta mûtego wa kûmatega.”

Gûco 32:6

Ûguo nîguo mwagîrîrwe nî gwîka Ngai-Mûnene, mue irimû ino na mûtarî na ûûgî? Kinthî tîke aguo ûrîa wamûmbire, ûrîa wamûmbire na akîmûtua rûrîrî?