Gûco 32:24 - ÎVUKU RÎA ÛVORO MWARO

²⁴ Nîmagaakua nîûndû wa yûra, na maûragwe nî mîrimû mîcûku. Nîngaatûma matharîkîrwe nî nyamû cia kîthaka, na ndûme njoka irîa irî ûrogi imarûme.

Gûco 32:24 ပူးပေါင်းရင်းမြစ်များ

Kîam 3:14

Ngai-Mûnene, Ngai nîwerire njoka atîrî, “Nîûndû wa ûguo wîkîte, gatagatîrî ka nyamû cionthe, we nîûkûnyitwa nî kîrumi. Kuuma rîu we nîûtûûra ûthiîcaga ûkurumîte na ûkaarîcaga mûthetu mîthenya yonthe ya ûtûûro waku.

Kîam 49:15

Ke oonire atî varîa aanogokete varî varo, na akîona vûrûri ûcio ûrî mûthaka. Kwoguo nîwakuamîrîrie nîguo akuue mîrigo, na nîwarutithagua wîra na vinya ta ngombo.

Ayubu 20:16

Mûndû mwaganu ongaga ûrogi wa njoka, agakua nîûndû wa kûrûmwa nî njoka.

Thaburi 120:4

Na mîguî mîûgî ya mûthigari, na makara magîakanaga mwaki!

Thaburi 91:6

kana mîthiro îrîa yûkaga ûtukû kana maûndû macûku marîa maûkaga mûthenya.

Isaia 65:25

Ciathi na ng'ondu ikaarîcaga vamwe; mînyambû îkaarîcaga nyaki ta ndegwa, nacio njoka ikaarîcaga mûthetu. Kûu kîrîmarî gîakwa kîonthe kîrîa kîtheru, gûtirî mûndû ûgaativia kana acûkangie ûrîa wîngî.”

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 15:3

Nie Ngai-Mûnene nîmvangîte kûmaretera maûndû mana ma kûmathiria: maûragîrwe mbaararî, ngui imatambururange, marîwe nî iconi, na nyamû cia kîthaka imarîa imathirie.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 8:17

Ngai-Mûnene arauga atîrî, “Taroria nînîratûma njoka gatagatîrî kenyu, njoka irî na ûrogi itangîrogeka na nîikaamûrûma.”

Maca 5:10

Ngothi yetû îrakana ta mwaki, nîûndû wa yûra rîrîa tûrî narîo.

Ezek 14:15

“Nîngîtûma nyamû cia kîthaka ivîtûkîrîre vûrûri ûcio na ciûrage andû viû na ûtigwe ûtarî mûndû, na gûtuîke gûtirî mûndû ûngîvîtûkîrîra kuo nîûndû wa nyamû.

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 5:17

Kwoguo nîngaatûma kûgîe na yûra gatagatî kenyu na nîmûrekerie nyamû cia kîthaka irîe ciana cienyu. Nîmûkeethîrîrua nî mîrimû mîcûku, mbûragano na mbaara cia kûmûthiria. Nie Ngai-Mûnene nînie nauga ûguo.”

Alawi 26:22

Nîngaarekereria nyamû njûku ciûke kûrî mue nîguo ciûrage ciana cienyu, ciûrage nyamû irîa mûrîthagia na mûtigare andû anini mûno, na njîra cienyu iture andû a kûthiîra.

Amosi 9:3

Wana mangîkeethitha kîrîmarî gîa Karimeli îgûrû, nîngamacaria nîmarute kuo. Wana mangîkeethitha kûraca nanie îriarî kûrîa kûrikîru mûno, nîngaatha njoka îrîa îtûûraga îriarî îmarûme.

Mika 7:17

Nîmakaathiî makurumîte ta nyamû ya nthî rûkûngûrî, kana ta ciûmbe irîa ikurumaga. Nîmakaauma kûrîa kûgitîre makinainaga nî gwîtigîra, na nîmagetigîra Ngai-Mûnene, Ngai wetû na manyitwe nî guoya nîûndû wa maûndû mau.

Habakuku 3:5

Atûmaga mîrimû mbere yake, na gîkuû gîkarûmîrîra.

Gûco 28:22

Ngai-Mûnene nîagaatûma mûnyitwe nî wonje, kûgîa na matoo mwîrî, kûviûva mwîrî, ûrugarî mwîngî, na gûtura mbura. Maûndû mau matikaathira kûrî mue nginya rîrîa mûgaakua.

Gûco 28:48

Kwoguo, mûgaatungatagîra nthû cienyu irîa Ngai-Mûnene akaamûrekereria kûrî cio. Mûgaaitungatagîra mûrî avûtu, mûrî anyondu na mûrî njaga na mûtarî wanarî kîndû. Nthû cienyu ikaamûvinyîrîria nginya rîrîa mûgaakua mûthire.

Gûco 28:53

“Rîrîa mûkaarigicîrua nî nthû cienyu, nîmûkaagîa na thîna nyîngî mûno ya irio, nginya mûrîe ciana cienyu irîa Ngai-Mûnene Ngai wenyu amûrathimîte nacio.