Gûco 32:22 - ÎVUKU RÎA ÛVORO MWARO

²² Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.

Gûco 32:22 ပူးပေါင်းရင်းမြစ်များ

Thaburi 144:5

We Ngai-Mûnene vingûra matû maku na ûnyûrûrûke nthî; vutia irîma nîguo irute ndogo!

Thaburi 21:9

Nîûkaamathiria ta ûrîa mwaki ûvîvagia indo ikathira rîrîa akaaumîra. Ngai-Mûnene nîakaamathiria na marakara make, na nîmakaavîvua nî mwaki mathire viû.

Thaburi 46:2

Kwoguo tûtigeetigîra wana nthî yainaina, na irîma inginaina igwe îriarî;

Thaburi 83:14

Ta ûrîa mwaki ûvîvagia mûtitû, ta ûrîa nînîmbî cia mwaki ivîvagia irîma.

Thaburi 86:13

Wendo waku ûtathiraga kûrî nie nî mûnene, nîûmvonoketie kuuma ûgwatirî wa gîkuû.

Thaburi 97:3

Mwaki ûthiîcaga ûrî mbere yake, ûthiîcaga ûkîvîvagia nthû ciake irîa irî vakuvî.

Isaia 24:6

Kwoguo nthî nîîkûthirua nî kîrumi, andû nao marathînîka nîûndû wa mavîtia mao. Andû arîa matûûraga nthî nîmarathira, na nî andû anini tu magaatigara marî mwoyo.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 54:10

Irîma nwa ithengute vo, na tûrîma tûkarutwa vo, nwatî wendo wakwa ûtathiraga ûrîa ngwendete naguo ndûkaathenguta kûrî we, na kîrîkanîro gîakwa Kîam thayû gîtikaathengutua.” Ûguo nîguo Ngai-Mûnene ûrîa ûkwîgucagîra ntha arauga.

Jeremia 15:14

Nîngatûma mûtungatagîre nthû cienyu mûrî vûrûrirî mûgeni, nîûndû nîrî na marakara mekariî ta mwaki ûtavorekagia tene na tene.”

Jeremia 17:4

Nwa nginya mûtiganîrie vûrûri ûrîa namûveere, na nîngatûma mûtungatîre nthû cienyu mûrî vûrûrirî ûrîa mûtaicî, nîûndû marakara makwa makanîte ta mwaki ûrîa wakanaga tene na tene.”

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Maca 2:2

Ngai-Mûnene nîacûkangîtie matûûra monthe ma Isiraeli atarî na ntha. Nîomomorete nthingo cionthe irîa igitagîra andû a Juda. Ngai-Mûnene nîanyûrûrûkîtie mothamaki vamwe na aathani.

Maca 2:3

Nîûndû wa marakara nîanyaganîtie vinya wonthe wa Isiraeli, nîwaregire gûtûtethia rîrîa twathithûkîîrwe nî nthû, akanîte kûrî andû a Juda ta mwaki mûnene mûno.

Maca 2:4

Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.

Maca 4:11

Ngai-Mûnene nîwonanirie marakara make, na agîtûrûra marakara make, nîwakanirie mwaki kûu Zayuni, ûrîa wavîvirie mîcingi yakuo.

Ezek 19:12

Nwatî mûtî ûcio wa mûthavibu nîwakûûrirwe na marakara, ûgikua ûkîgwîthua nthî. Rûkûngi rûrîa rumaga na mwena wa îrathîro, nîrwaûmirie mûtî ûcio viû, na matunda ma guo nîmeetîkire na makîvova. Itina irîa ciarî na vinya nîciavovire, ikîvîvua na mwaki ikîthira.

Ezek 22:21

Nîngaamûcokanîrîria vamwe na nîmwakîrie mwaki wa marakara makwa, na nîmûkaararûrwa mûrî kûu îtûûrarî.

Ezek 36:5

“Kwoguo nie Mwathani Ngai-Mûnene, nîûndû nîrî mûrakaru, nîngûverithia andû onthe a mavûrûri marîa mamûthiûrûrûkîrîtie na Edomu kuonthe. Andû acio nîmaanyitire vûrûri wakwa na nîmoonanirie kînyarari ngororî ciao na makîûgaana ûtuîke wao.

Ezek 38:19

Nîrî na wîru na marakara meengî nîmanîrîra atî mûthenya ûcio nîgûkaagîa na kîthingithia kînene vûrûrirî wa Isiraeli.

Alawi 26:20

Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

Amosi 5:6

Cariani Ngai-Mûnene, namue nîmûgûtûûra mwoyo. Ethîrwa tîmûmûcaria nîakaamûthiria mue njiarwa cia Josefu na Mwaki. Mwaki nîûkavîvia atûûri a Betheli na gûtirî mûndû ûkaavota kûûvoria.

Amosi 7:4

Ngai-Mûnene, Ngai nîwamonirie Kîoneki gîkî gîa kaîrî. Nînonire Ngai-Mûnene Ngai agîta mwaki nîguo averithie andû naguo. Mwaki ûcio nîwavîvirie manjî ma îria nginya kûrîa kûrikîru mûno na ûgîtamba nginya nthî nyûmû.

Mika 1:4

Irîma nî ikaararûka ta mûvûra irî rungu rwa magûrû make; ikaanyûrûrûka ciandarî ta manjî makînyûrûrûka kuuma kîrîmarî.

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Zefania 3:8

Ngai-Mûnene nîwaugire atîrî, “Mbetererete mûthenya ûrîa ngarûngama nîrî mûira. Nînduîte ciira atî nîngûngania mavûrûri na mothamaki. Nthî yonthe nîgaacûkangua nî mwaki wa marakara ma Ngai-Mûnene.

Ndari 16:33

Kwoguo maamerirue nî nthî marî mwoyo wa vamwe na indo ciao cionthe. Nthî nîyacokanîrîre nao makîûrîra na kûu nthî kûrîa akuû mathiîcaga.

Ndari 16:35

Naguo mwaki nîwaumire îgûrû na ûgîûka ûkîvîvia andû magana maîrî ma mîrongo îtano (250) arîa maategagîra Ngai-Mûnene ûbani.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 18:9

Na ethîrwa riitho rîaku nwa rîtûme wîvie, rîkûûre na ûrîte, nî kava ûtonye mwoyorî wa tene na tene na riitho rîmwe, gûkîra wîthîrwe na metho moîrî na wikue îcuarî rîa mwaki.

Mathaayo 23:33

Mue njoka na ciana cia njoka! Mûkaavota atîa kûûra nîguo mûtikathiî îcuarî!

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

2Ath 1:8

marî rûrîrîmbîrî rwa mwaki, nîguo averithie arîa maregaga Ngai na arîa matathîkagîra ûvoro mwaro wa Mwathani wetû Jesû.

Ahib 12:29

nîûndû Ngai wetû nî mwaki ûrîa ûvîvagia ûkathiria.