Gûco 32:21 - ÎVUKU RÎA ÛVORO MWARO

²¹ Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.

Gûco 32:21 ပူးပေါင်းရင်းမြစ်များ

1Atha 14:22

Andû a Juda nîmeekire maûndû macûku mbere ya Ngai-Mûnene na makîmûrakaria makîria ya ûrîa wonthe methe mao meekîte.

1Atha 14:9

Nwatî we nîwîkîte mevia manene, gûkîra athamaki onthe arîa maarî mbere yaku. Nîûndiganîrîtie na ûkandakaria na njîra ya kwîrûthîra ngai ciîngî cia mîvuanano.

1Atha 16:13

Baasha na mûvîcî Ela nîmeevirie mbere ya Ngai-Mûnene, Ngai wa Isiraeli na magîtûma andû a Isiraeli mevie nîûndû wa kûgooca mîvuanano. Nîmaarakaririe Ngai-Mûnene Ngai wa Isiraeli.

1Atha 16:26

Nîwarakaririe Ngai-Mûnene, Ngai wa Isiraeli nîûndû wa kûrûmîrîra mîtugo mîcûku ya Jeroboamu mûvîcî wa Nebati, nîûndû wa mevia make ke mwene, na gûtûma andû a Isiraeli mevie na magooce mîvuanano.

2Atha 17:11

Nîmaavîvagîria ûbani îgûrû rîa metha cionthe cia magongoona cia ngai cia maveeni, marûmîrîrîtie mîtugo îrîa yarî na andû arîa Ngai-Mûnene eengatire kuuma vûrûrirî ûcio. Nîmaarakaririe Ngai-Mûnene nîûndû wa maûndû monthe macûku marîa meekire,

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Atha 22:17

Nîmandiganîrîtie na nîmarutîrîte ngai ciîngî magongoona na kwoguo nîmandakarîtie nî maûndû monthe marîa mekîte. Nîûndû wa ûguo, nîndakarîtue nî Jerusalemu na marakara makwa matingîthira.

Thaburi 31:6

We nîûmenete andû arîa magoocaga ngai cia mîvuanano, nwatî nie nî ngwîvokete, we Ngai-Mûnene.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Isaia 65:3

Andû aya mekaraga makîndakaragia vîndî cionthe. Marutagîra mîvuanano yao magongoona tûmîtitûrî tûrîa twamûre, na makavîvagîria ûbani îgûrû rîa metha cia magongoona irîa itumîtwe na matuvarî.

Jeremia 10:8

Onthe nî irimû na nîaritu; kîrîra Kîam mîvuanano nî Kîam mana!

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 18:15

Nwatî andû akwa nîmariganîrîtwe nî nie, mavîvagîria ngai cia mîvuano ûbani, nîmavîngîcîtwe njîrarî ciao, matirûmagîrîra njîra ciao cia tene, mathiîcagîra tûcangiri vandû va varavara îrîa nene.

Jeremia 2:11

Kûrî vûrûri wanakûranania ngai ciao na ciîngî, wana ethîrwa ngai icio tî cia ma? Nwatî andû akwa nîmandiganîrîtie nie Ngai ûrîa ûrî riiri, makegîra na ngai itangîmatethia.

Jeremia 5:7

Ngai-Mûnene araûria atîrî, “Nîngîkûrekera atîa? Ciana ciaku nîindiganîrîtie, na nîmevîtîte na ngai cia maveeni. Rîrîa namaveere irio cia kwîgana, nîmekire ciîko cia ûtharia, na makîthiî nyombarî cia maraa.

Jeremia 7:18

Ciana ciunaga ngû, methe magakia mwaki, nao aa ng'ina magakanda mûtu wa kûruga mîgate ya ngai ya mûndûmûka îrîa metaga mûthamaki mûndûmûka wa îgûrû. Marutagîra ngai ciîngî matega ma ndivei, nîguo matûme ndakare.

Jeremia 8:19

Tathikîrîria kîrîro Kîam andû akwa kuuma mîena yonthe ya vûrûrirî, “Anga Ngai-Mûnene ndatûûraga Zayuni? Anga mûthamaki wa Zayuni ndarî kuo? Nîndûî kîratûma mandakarie makîgooca ngai cia mîvuanano, wana magooce ngai ciao ng'eni?

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

Ciîko 11:15

Rîrîa naambîrîrie kwaria, Roho Mûtheru nîwamanyûrûrûkîre wata ûrîa aatûnyûrûrûkîre Kîammbîrîriarî.

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Aroma 10:19

Wana rîngî nîmbûria atîrî: Nîkwa andû a Isiraeli mataataûkîrwa? Nîma nîmaataûkîrwe. Musa nîwaugire wa mbere atîrî: “Nîngaatûma mwîgue wîru nîûndû wa rûrîrî vatarî, na njîra ya rûrîrî rwa andû aritu nîngaatûma mûrakare.”

Aroma 9:25

Wata ûrîa kwandîkîtwe nî mûrathi Hosea: Ngai aaugire atîrî, “Andû arîa mataarî akwa, nîo ngeeta, ‘Andû akwa.’ Na vûrûri ûrîa ndendeete nîguo ngeeta, ‘Mûrata wakwa.’

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?

Gûco 32:16

Nîmaatûmire Ngai-Mûnene egue wîru nîûndû wa kûgooca ngai cia mîvuanano, na magîtûma arakare nîûndû wa ciîko ciao njûku.

Gûco 32:17

Nîmaarutîre ndaimono magongoona, nwatî tî ngai irîa methe mao maaicî; ngai irîa ciaumîrîte kavinda gatarî karaca, irîa methe mao mataatîîaga.

1Sam 12:21

Tigani gûtungatîra Ngai cia maveeni. Ngai icio itîngîmûguna kana imûvonokie, nîûndû tî cia ma.