Gûco 32:19 - ÎVUKU RÎA ÛVORO MWARO

¹⁹ Rîrîa Ngai-Mûnene oonire ûguo nîwamatiganîrie, nîwatiganîrie erîtu na anake ake.

Gûco 32:19 ပူးပေါင်းရင်းမြစ်များ

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Thaburi 106:40

Kwoguo Ngai-Mûnene nîwarakarirue nî andû ake; nîwatimbirwe nî andû ake ke mwene.

Thaburi 5:4

We ûrî Ngai ûtakenagua nî waganu, we ndwîkaranagia na andû arîa aganu.

Thaburi 78:59

Rîrîa Ngai oonire maûndû mau nîwarakarire mûno, kwoguo nîwaregire andû a Isiraeli viû.

Thaburi 89:38

Nwatî rîu we Ngai wî mûrakaru nî mûthamaki ûrîa ûthuurîte, nîûmûtiganîrîtie na nîûmûregete.

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Jeremia 11:15

Endwa akwa arîa mendete nîmagîrîrwe nî kwîthîrwa marî nyombarî yakwa wa magîkaga waganu? Mîvîtwa na matega menyu ma kûvîvua, nwa magirie mûkinyîrwa nî mûthiro? Kwoguo vi maûndû mau nwa matûme mûkene?

Jeremia 40:2

Mûnene wa arangîri nîwocire Jeremia na akîmwîra atîrî, “Ngai-Mûnene Ngai waku nîwaugire atî nîagaacûkangia vandû ava,

Maca 2:6

Omomorete hekarû yake ta kîomba Kîam mûgûnda, nîacûkangîtie îgema rîake. Ngai-Mûnene nîathirîtie irugo cia gûkûngûîra na mîthenya ya thavatû kûu Zayuni. Arî na marakara meengî nîareganîte na mûthamaki na athînjîri-Ngai.

Alawi 26:11

Ngaatûûra gatagatîrî kenyu nîrî îgemarî rîakwa rîtheru na ndikaamûtiganîria.

Alawi 26:30

Nîngoomomora kûndû kûrîa mûgoocagîra mûrî îgûrû rîa irîma, nyomomore metha cienyu cia magongoona cia kûvîvîria ûbani na mbikie ciimba cienyu îgûrû rîa mîvuanano yenyu îno mîkuû, na nîmûnyarare.

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”

Zakaria 11:8

Îvindarî rîa mweri ûmwe nînaûragire arîthi acio athatû acûku. Nînaaremirwe nîkwîguithania na ng'ondu icio na wanacio ikîmena.

Kûguû 3:16

Kwoguo nîûndû mue mûrî araru, mûtirî aviû kana akiru mvevo, nîngûmûtuîra nthî muume kanyuarî gakwa.

Atir 2:14

Kwoguo Ngai-Mûnene nîwarakarire nîûndû wa Aisiraeli na akîmarekereria kûrî nthû, nacio nîciaîire indo ciao. Nîwarekererie nthû cionthe irîa ciamathiûrûrûkîrîtie imavoote, na Aisiraeli matingîavotire kwîgitîra.