Gûco 32:16 - ÎVUKU RÎA ÛVORO MWARO

¹⁶ Nîmaatûmire Ngai-Mûnene egue wîru nîûndû wa kûgooca ngai cia mîvuanano, na magîtûma arakare nîûndû wa ciîko ciao njûku.

Gûco 32:16 ပူးပေါင်းရင်းမြစ်များ

1Atha 14:22

Andû a Juda nîmeekire maûndû macûku mbere ya Ngai-Mûnene na makîmûrakaria makîria ya ûrîa wonthe methe mao meekîte.

1Atha 14:9

Nwatî we nîwîkîte mevia manene, gûkîra athamaki onthe arîa maarî mbere yaku. Nîûndiganîrîtie na ûkandakaria na njîra ya kwîrûthîra ngai ciîngî cia mîvuanano.

2Atha 17:11

Nîmaavîvagîria ûbani îgûrû rîa metha cionthe cia magongoona cia ngai cia maveeni, marûmîrîrîtie mîtugo îrîa yarî na andû arîa Ngai-Mûnene eengatire kuuma vûrûrirî ûcio. Nîmaarakaririe Ngai-Mûnene nîûndû wa maûndû monthe macûku marîa meekire,

2Atha 17:17

Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Atha 23:13

Mûthamaki Josia nîwagwatirie mûgiro kûndû kûrîa gûtûgîru gwa kûgoocagîrwa mûthamaki Solomoni aatumîte mwena wa îrathîro wa Jerusalemu, kûthiî îveti rîa Kîrîma gîa Sini. Solomoni aatumîte kûndû kûu nîûndû wa kûgooca mîvuanano ya; Ashitorethu, ngai ya nga ya andû a Sidoni; Kemoshi, ngai ya andû a Moabu; na Moleku, ngai ya Aamoni na agîkûgwatia mûgiro.

Thaburi 106:29

Ciîko ciao nîciatûmire Ngai-Mûnene arakare, na makînyitwa nî mûrimû mûcûku.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Isaia 43:12

Ngai-Mûnene augîte atî: Nînaamenyithanirie maûndû marîa magekîka, ngîanîrîra na ngîvonokania, gûtiarî na ngai îngî ng'eni gatagatîrî kenyu; na mue mûrî aira akwa.

Jeremia 2:11

Kûrî vûrûri wanakûranania ngai ciao na ciîngî, wana ethîrwa ngai icio tî cia ma? Nwatî andû akwa nîmandiganîrîtie nie Ngai ûrîa ûrî riiri, makegîra na ngai itangîmatethia.

Jeremia 2:25

Isiraeli ndûkanogie magûrû maku, kana ûng'aria mîmero yaku. Nwatî ugaga atî: ‘Gûtirî na kîîrîgîrîro, nîûndû nînendire ngai ng'eni, icio nîcio ngagoocaga.’ ”

Jeremia 7:18

Ciana ciunaga ngû, methe magakia mwaki, nao aa ng'ina magakanda mûtu wa kûruga mîgate ya ngai ya mûndûmûka îrîa metaga mûthamaki mûndûmûka wa îgûrû. Marutagîra ngai ciîngî matega ma ndivei, nîguo matûme ndakare.

Jeremia 8:19

Tathikîrîria kîrîro Kîam andû akwa kuuma mîena yonthe ya vûrûrirî, “Anga Ngai-Mûnene ndatûûraga Zayuni? Anga mûthamaki wa Zayuni ndarî kuo? Nîndûî kîratûma mandakarie makîgooca ngai cia mîvuanano, wana magooce ngai ciao ng'eni?

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.

Alawi 18:27

Andû arîa maatûûraga vûrûrirî ûcio mbere nîmeekire maûndû macûku na magîtûma vûrûri ûcio ûgîe gîko, nwatî mue mûtigeke maûndû mau.

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.

Gûco 5:9

Ndûgaciînamîrîre kana ûigooce. Nîûndû nie Ngai-Mûnene, Ngai waku, nî Ngai wî wîru. Ngaakinyîria ciana waganu wa methe, nginya rûciaro rwa kathatû na rwa kana rwa andû arîa mamenete.

Gûco 7:25

Nîmûkaavîvia mîvuanano ya kumua ya ngai ciao. Mûtigacumîkîre sîlûva kana thaavu ciao kana mûcioce ituîke cienyu nîûndû nî mûgiro kûrî Ngai-Mûnene.