Gûco 31:4 - ÎVUKU RÎA ÛVORO MWARO

⁴ Ngai-Mûnene nîagaacûkangia andû a mavûrûri mau wata ûrîa aacûkangirie Sihoni na Ogi, athamaki a Amori wana vûrûri wao.

Gûco 31:4 ပူးပေါင်းရင်းမြစ်များ

Gûco 2:33

Nake Ngai-Mûnene, Ngai wetû nîwamûrekererie kûrî tue na tûkîmûraga; tûkîûraga avîcî ake vamwe na athigari ake onthe a mbaara.

Gûco 3:21

“Nînaacokire ngîatha Joshua ngîmwîra atîrî, ‘We nîwona maûndû monthe marîa Ngai-Mûnene, Ngai waku eka kûrî athamaki acio aîrî: Sihoni na Ogu, na ûguo nîguo ageeka athamaki acio engî onthe a mavûrûri monthe marîa mûkaavîtûkîrîra.

Gûco 31:3

Ngai-Mûnene Ngai wenyu ke mwene nîakaaringa athiî mbere yenyu. Nîagaacûkangia andû arîa matûûraga mavûrûri mau monthe, na mwîgwatîre vûrûri wao. Joshua nîke ûkaamûtongoria mûringe rûnjî rwa Jorodani wata ûrîa Ngai-Mûnene aaugire.

Gûco 31:5

Ngai-Mûnene nîakaamûvotithia kûmavoota na mûmeke wata ûrîa nîmwathîte.

Gûco 7:16

Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.

Gûco 7:2

Rîrîa Ngai-Mûnene, Ngai wenyu akaamarekereria kûrî mue na mûmavoote, nwanginya mûkaamaûraga onthe mathire. Mûtikarûthe kîrîkanîro nao kana mûmeguîre ntha.

Josh 24:12

Nînatûmire magwatwe nî guoya nîguo mîngate athamaki aîrî a Amori. Tî vinya wenyu na indo cienyu cia mbaara ciavootanire, nînie naamavootire.