Gûco 31:19 - ÎVUKU RÎA ÛVORO MWARO

¹⁹ “Rîu, andîka rwîmbo rûrû na ûrûthomithie kûrî andû onthe a Isiraeli, nîguo rwîthîrwe rûrî ûira wakwa kûrî andû a Isiraeli.

Gûco 31:19 ပူးပေါင်းရင်းမြစ်များ

Gûco 6:7

Menyagîrîrani mûmathomithanagie kûrî ciana cienyu vîndî cionthe, rîrîa mûrî mîciî, rîrîa mûrî kûraca na mîciî, rîrîa mûkûthiî toro na rîrîa mûkûramûka.

Gûco 31:26

“Ocani îvuku rîîrî rîa Watho na mûriige mwenarî wa îthandûkû rîa kîrîkanîro Kîam Ngai-Mûnene Ngai wenyu nîguo rîkarage vau rîrî ûira kûrî mue.

Johana 12:48

Mûndû wa wonthe ûndegaga na ûtetîkagîra ndûmîrîri yakwa arî na mûndû ûkaamûtuîra ciira. Ciugo irîa naria nîcio igaacirithia mûndû ûcio mûthenya wa mûthiia!

2Sam 14:3

Ûcoke ûthiî kwî mûthamaki na ûmwîre ûrîa ngûkwîra ûkauge.” Nake Joabu nîwacokire akîîra mûndûmûka ûcio ûrîa aarî eere mûthamaki.

Gûco 31:30

Musa nîwacokire akina rwîmbo rûrû ruonthe andû onthe a Isiraeli arîa maaûnganîte mathikîrîrîtie.

Gûco 11:19

Thomithagiani ciana cienyu maathani mama. Thomithagiani ciana cienyu rîrîa mûrî mîciî, rîrîa mûrî kûraca na mîciî, mûkîthiî toro na rîrîa mwaramûka.

Mathaayo 10:18

Mue nîmûkaavirwa mûgacirithue mbere ya anene na athamaki nîûndû wakwa; nîguo mûvecane ûira wakwa kûrî o na kûrî andû a ndûrîrî.

Ezek 2:5

Wana makûthikîrîria kana marege gûkûthikîrîria nîûndû o nîmareganîte nanie, nîmakaamenya atî mûrathi ararî gatagatî kao.

Jeremia 1:9

Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Isaia 59:21

Njoke nthondeke kîrîkanîro namue atî: vinya wakwa ûrîa nîmûvete na mataaro makwa marîa namûveere, nîmûtûûra nacio, na itûûre na ciana cienyu wana ciana cia ciana cienyu, kuuma rîu nginya tene na tene.”

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Ntha 4:15

Aria nake na ûmwîre ûrîa akauga. Nîngaamûtethia muorî kwaria na nîngaamwîra ûrîa mûgeeka.

Gûco 31:18

Vîndî îo ndikaamatethia nîûndû nîmekîte maûndû macûku na makagooca ngai ciîngî.

Thaburi 102:18

Ûndû ûyû nîwandîkwe nîûndû wa njiarwa irîa igaaûka, nîguo andû arîa matarî aciare magaakumia Ngai-Mûnene.

Gûco 32:1

“Tathikîrîriani ngîaria, mue îgûrû, thikîrîriani ûrîa nguuga mue nthî.

Josh 24:27

Joshua nîwerire andû onthe atîrî, “Taroriani, îthiga rîîrî nîrîegua maûndû monthe marîa Ngai-Mûnene atwîra. Kwoguo rîgatuîkaga ûira kûrî mue wa kûmûgiria mûregana na Ngai.”