Gûco 31:16 - ÎVUKU RÎA ÛVORO MWARO

¹⁶ Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Gûco 31:16 ပူးပေါင်းရင်းမြစ်များ

Kîam 15:15

Nwatî we nîûgaatûûra mîaka mîngî, na nîûgaakua ûrî na thayû na ûthikwe.

Kîam 25:8

Aakwire arî mûkûrû mûno na akîthikwa.

Kîam 47:29

Kavinda ka Jakovu gûkua gakûvîvîria, nîwetire mûvîcî Josefu na akîmwîra atîrî, “Ethîrwa nie nîmbîtîkîrîkîte nîwe, tonyia njara ciaku gatagatî ga ciaû ciakwa na wîranîre nama atî ndûkanthika Misiri.

Kîam 47:30

Nîrenda ngaathikwa kûrîa aa vava marî. Ûkaanguua ûndute gûkû Misiri, ûkanthike kûrîa maathikirwe.” Nake Josefu nîwacokirie atîrî, “Nîngeka wata ûrîa wambûria.”

2Sam 7:12

Rîrîa ûgaakua na ûthikwe, nîngaatua ûmwe wa anake aku mûthamaki na nîngaatûma ûthamaki wake ûgîe na vinya.

1Atha 1:21

Warega gwîka ûguo, kavinda kanini vuva wa gûkua gwaku, mûvîcîwa Solomoni nanie tûgaatuwa acukanîrîri.”

1Atha 18:18

Nake Elija nîwacokirie atîrî, “Nie ndianarete thîna gûkû Isiraeli; Nwatî we mûrî na andû a mûciî wa aguo nîmue mûretaga thîna gûkû Isiraeli, nîûndû nîmûregete kwathîkîra maathani ma Ngai-Mûnene na mûkagooca mîvuanano ya Baali.

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

2Atha 18:12

Îtûûra rîa Samaria rîagwîre nîûndû Aisiraeli matiathîkîra mûgambo wa Ngai-Mûnene, Ngai wao, nwatî nîmaaunire kîrîkanîro gîake, wana matiathikîrîria kana mathîkîra maûndû monthe marîa Musa, ndungata ya Ngai-Mûnene amaathire.

2Atha 20:1

Kavindarî wa kau Hezekia nîwarwarire na aarî vakuvî gûkua. Mûrathi Isaia, mûvîcî wa Amozu nîwathiîre kûrî ke na akîmwîra atîrî. “Ngai-Mûnene akwîra wîgae, nîûndû tîûvora, nîûgûkua.”

2Maû 21:11

Wana nîwarûthîte kûndû gwa kûgoocagîra ngai cia mûvuanano irîmarî cia Judea. Nîwatûmire andû a Juda na a Jerusalemu mevîrie Ngai-Mûnene.

Ayubu 20:11

Mavîndî make mecûrîte vinya wa wîthî nwatî wonthe ûkamama vamwe nake rûkûngûrî.

Thaburi 106:39

Ûguo nîguo maatuîkire andû matarî atheru, na magîtuîka andû matarî evokeku kûrî Ngai nîûndû wa ciîko ciao.

Thaburi 73:27

Arîa magûtiganagîria nama nîmakaathira; nîûgacûkangia arîa matarî evokeku.

Ntha 32:6

Kîraûko tene mûthenya ûcio wîngî andû nîmaarutire matega ma kûvîvua, na matega ma thayû. Nîmaacokire magîkara nthî makîrîa na makînyua. Nîmaarûngamire na makîambîrîria kwîinia makinaga nyîmbo cia waga nthoni.

Ntha 34:15

Mûtikaarûthe kîrîkanîro na andû a vûrûri ûcio, nîûndû vîndî îrîa makûgooca ngai ciao na makîirutagîra magongoona nwa mamwîte mûthiî mûkagwatanîre nao na mwavota kûgwa mageriorî wa kûrîa irio irîa itegeretwe ngai ciao.

Isaia 48:8

Ndwanamegua, na ndwanamenya ûvoro wamo, ndwanegua maûndû mau na matû maku kuuma tene. Nîûndû nînaicî atî we warî mwaganu mûno, na atî kuuma gûciarwa gwaku we wetagwa mûregi.

Jeremia 31:32

Kîrîkanîro kîu gîtikethîrwa gîkariî ta kîrîa narûthire na methe mao vîndî îrîa naamarutire Misiri na njara yakwa nie mwene. Nîmaaregire kwathîkîra kîrîkanîro kîu, wana ethîrwa nie narî ta mûthuuri kûrî o.

Jeremia 36:7

Nwa kwîthîrwa Ngai-Mûnene nwa egue mathaithana mao, na atî mûndû wa wonthe nwa atigane na mevia make, nîûndû Ngai-Mûnene nîakûverithia andû aya arî na marakara na mang'ûrîka meengî.”

Ezek 16:15

“Nîwevokire ûthaka waku, nayo ngumo yaku îgîtûma ûvûre ûmaraa. Mûndû wa wonthe waûkaga kûrî we nîwavûraga ûmaraa nake.

Hosea 1:2

Rîrîa Ngai-Mûnene ambîrîrie kwaria na andû a Isiraeli na njîra ya Hosea nîwamerire atîrî: “Thiî ûgûre mûndûmûka mûmaraa na mûgîe ciana nake na njîra ya ûraa, nîûndû andû a vûrûri ûyû nîmareka mevia meengî mûno nîûndû wa kûndiganîria.”

Hosea 10:4

Maragia ciugo ntheri; mevîtaga na makarûtha irîkanîro cia mama; kîvooto gîtuîkîte tî kîvooto rîngî ûvoro ûcio ûratamba ta ria rîrîa rîrî cumu mûgûndarî ûrîa mûrîme.

Alawi 26:15

mwarega kûvingia maathani makwa na irîra ciakwa na mûrege kûvingia kîrîkanîro kîrîa naarûthire namue,

Ndari 27:13

Warîkia kwona vûrûri ûcio we nîûgûkua ta ûrîa mûrwanyûkwe Aroni aakwire,

Ciîko 13:36

Vîndî îrîa Daudi aarî mwoyo, nîwavingirie wendi wa Ngai. Ke nîwacokire agîkua na akîthikwa, na mwîrî wake ûkîorera mbîrîrarî.

Gûco 31:18

Vîndî îo ndikaamatethia nîûndû nîmekîte maûndû macûku na makagooca ngai ciîngî.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Gûco 32:50

Nîûgaacoka ûkuîre kûu kîrîmarî ta Aroni mûrwanyûkwe ûrîa wakuîrîre kîrîmarî Kîam Hori;

Gûco 34:5

Kwoguo, Musa ndungata ya Ngai-Mûnene nîwakuîrîre kûu vûrûrirî wa Moabu wata ûrîa Ngai-Mûnene aaugîte.

Gûco 4:25

“Rîrîa mûgaatûûra vûrûrirî ûcio wa Kanaani îvinda îraca na mûgîe na ciana, nacio ciana icio igîe na ciana ciacio, mûtikevie mbere ya Ngai-Mûnene, Ngai wenyu, na njîra ya kwîrûthîra mîvuanano ya mûthemba wa wonthe, nîûndû ûndû ûcio nwa ûrakarie Ngai.

Kûguû 19:2

Nîûndû atucanagîra ciira na ûma na kîvooto! Ke nîatuîrîrîte ciira mûmaraa ûrîa watûmire andû a nthî meka maûndû macûku ma ûtharia. Ngai nîamûverithîtie nîûndû ke nîwaûragire ndungata ciake.”

Atir 10:13

Nwatî nîmwandiganîrie na mûgîtungatîra ngai ciîngî. Kwoguo ndikamûvonokia rîngî.

Atir 10:6

Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.

Atir 2:11

Andû a Isiraeli nîmeekire maûndû macûku mbere ya Ngai-Mûnene na njîra ya gûtungatîra Baali.

Atir 2:12

Nîmaatigire kûgooca Ngai-Mûnene ûrîa arî ke Ngai wa methe mao ma tene, ûrîa wamarutire vûrûrirî wa Misiri na makîambîrîria kûgooca ngai cia mîvuanano cia andû arîa maamathiûrûrûkîrîtie. Nîmaagoocire ngai icio na makîrakaria Ngai-Mûnene.