Gûco 30:9 - ÎVUKU RÎA ÛVORO MWARO

⁹ Ngai-Mûnene Ngai wenyu nîagaatûma mûthatûkwe mûno maûndûrû monthe marîa mûkethîrwa mûgîka. Mûthatûkwe cianarî cienyu, ng'omberî cienyu na mîgûndarî yenyu. Ngai-Mûnene nîagaakena akîmûrathima na maûndû maro wata ûrîa akenaga akîrathima methe menyu.

Gûco 30:9 ပူးပေါင်းရင်းမြစ်များ

Isaia 62:4

We ndûgaacoka gwîtwa rîngî, “Mûtiganîrie,” na vûrûri waku ndûgaacoka gwîtwa rîngî, “Mûndûmûka mûtiganîrie.” Nwatî ûgeetagwa, “Nîngenagua nîke,” naguo vûrûri waku ûgeetagwa, “Mûndû mûvikie.” Nîûndû Ngai-Mûnene nîakenetue nîwe, nake agaatuîka ta mûndûmûrûme avikîtie vûrûri waku.

Isaia 62:5

Nîûndû wata ûrîa mwanake avikagia mwîrîtu nthingi, nwaguo ûrîa wakûmbire agaakûvikia. Na wata ûrîa mûvikania akenagîra mûviki wake, nwaguo Ngai waku agaakena nîwe.

Isaia 65:19

“Nanie nîngaakenaga nîûndû wa Jerusalemu, na ngenagîre andû akwa. Kûu Jerusalemu gûtigaacoka kwîguwa mûgambo wa kîrîro wana kana wa kîeva.

Jeremia 31:27

Ngai-Mûnene arauga atîrî, “Îvinda nîrîgakinya rîrîa ngecûria vûrûri wa Isiraeli na wa Juda andû na nyamû.

Jeremia 31:28

Wata ûrîa nevarîrîtie kûmakûûra, kûmomora, kûmagwîthia, kûmacûkangia na kûmaverithia, nwaguo nîîvarîrîtie kûmavanda na kûmatuma.

Jeremia 32:41

Nîngakena ngîmeka maûndû maro, na ndûme mekindîrie vûrûrirî ûyû.”

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Alawi 26:4

nî ngaamurithîria mbura kavinda karîa kagîrîru, nîguo mîgûnda yenyu îgîcage na irio nyîngî na mîtî îciare matunda.

Alawi 26:6

“Nî ngaamûva thayû vûrûrirî wenyu, na mûkaamamaga mûtagwîtigîra wanarî mûndû. Nî ngaathiria nyamû cionthe njûku vûrûrirî na mûtikaarûa na nthû cienyu rîngî.

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Johana 15:11

“Nie namwîra maûndû mama nîguo mûgîe na gîkeno ta kîrîa nîrî nakîo na mûgîe na gîkeno gîcûru.

Gûco 28:4

“Ngai-Mûnene nîakaarathima ciana cienyu, maciaro ma mîgûnda yenyu, na arathime ndîthia ya ng'ombe na ng'ondu cienyu.

Gûco 28:63

Wata ûrîa Ngai-Mûnene akenirue na akîmwîka maûndû maro na agîtûma mwîngîve mûno, nwa ta guo agaakena akîmûretithîria mathîna na akîmûthiria. Nîmûkaarutwa vûrûrirî ûrîa mûthiîte kwîgwatîra.

Gûco 30:8

Nîmûgaacoka kwathîkîra Ngai-Mûnene rîngî na kûvingia maathani make monthe marîa ngûmûva ûmûnthî.

Gûco 7:14

Nîmûkaarathimwa gûkîra andû onthe. Gûtirî mûndû wanarî ûmwe wenyu ûkethîrwa arî nthata kana nyamû wa yonthe ndîthiarî yenyu îthîrwe îrî nthata.