Gûco 30:20 - ÎVUKU RÎA ÛVORO MWARO

²⁰ Mwenda Ngai-Mûnene Ngai wenyu na mwamwathîkîra na mûtuîke evokeku kûrî ke, nî mûgûtûûra vîndî ndaca vûrûrirî ûrîa Ngai-Mûnene Ngai wenyu eerîre methe menyu: Iburahimu Isaka na Jakovu na mwîvîtwa atî nîakaamava.”

Gûco 30:20 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Thaburi 27:1

Ngai-Mûnene nîke ûtheri wakwa na ûvonokio wakwa, gûtirî mûndû nîngîtigîra. Ngai-Mûnene nîke ûngitagîra kuuma kûrî mogwati monthe, gûtirî mûndû ngeetigîra.

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Thaburi 36:9

We nîwe ûvecanaga ûtûûro, na ûtheri waku nîguo ûtûmaga twone ûtheri.

Thaburi 37:3

Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.

Thaburi 66:9

Ke nîatwigîte tûrî mwoyo na ndaatûrekereria tûvootwe.

Alawi 18:5

Rûmagîrîrani maûndû na mawatho marîa ngûmûva; mûndû ûrîa ûgeeka ûguo nîakaavonokia mwoyo wake. Nie nînie Ngai-Mûnene, Ngai wenyu.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 17:25

Ke mwene nîke ûvecanaga mwoyo, mîvevû na indo cionthe irîa andû mavataraga. Ke ndethagîrwa akîvatara ûtethio wana ûrîkû kuuma kûrî o, nîûndû ethagîrwa arî na indo cionthe irîa avataraga.

Ciîko 17:28

wata ûrîa mûndû ûmwe augîte atîrî, ‘Ke nîke ûtûmaga tûtûûre, tûvote kûthiî na twîthîrwe tûrî kîrîa tûrî.’ Andîki amwe enyu nîmaugîte atîrî, ‘Wa natue na tûrî ciana ciake.’

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 10:20

Tîagani Ngai-Mûnene Ngai wenyu na mûmûtungatagîre wenga. Tuîkani evokeku kûrî ke na mwîvîtage mûkîgwetaga rîîtwa rîake rîonga.

Gûco 11:22

“Mwona mwathîkîra na kinyi maathani mama monthe nîmûvete: kwenda Ngai-Mûnene Ngai wenyu, kûrûmîrîra njîra ciake cionthe, na gûtuîka andû evokeku kûrî ke,

Gûco 11:9

Namue nîmûgaatûûra kavinda karaca vûrûrirî ûcio wîcûrîte îriia na ûûkî, vûrûri ûrîa Ngai-Mûnene eerîrîre methe menyu wa vamwe na njiarwa ciao atî nîakaamava.

Gûco 12:10

Nwatî rîrîa mûkaaringa rûnjî rwa Jorodani mûkinye vûrûrirî ûrîa Ngai-Mûnene Ngai wenyu akûmûva ûtuîke wenyu, nîakaamûva ûvurûko na amûgitîre kuuma kûrî nthû cienyu irîa ikeethîrwa imûthiûrûrûkîrîtie na nîmûgaatûûra na thayû.

Gûco 30:16

Ethîrwa nîmûkûvingia maathani ma Ngai-Mûnene Ngai wenyu marîa ngûmûva ûmûnthî na njîra ya kwenda Ngai-Mûnene Ngai wenyu, kûrûmîrîra njîra ciake, kûvingia mawatho make, kûrûmîrîra matuîro make ma ciira na irîra ciake, nîmûgaatûûra na mwongerereke, na Ngai-Mûnene Ngai wenyu nîakaamûrathima mûrî vûrûrirî ûrîa mûgûtonya mûwîgwatîre.

Gûco 30:6

Ngai-Mûnene, Ngai wenyu nîakaamûva, mue na njiarwa cienyu ngoro îrî na wathîki nîguo mûmwende na ngoro yonthe, na mûthiî na mbere gûtûûra îvinda îraca vûrûrirî ûcio.

Gûco 31:1

Musa nîwathiîre na mbere kwarîria andû onthe a Isiraeli,

Gûco 32:47

Nîûndû tî ciugo ntheri irî mawathorî mama, nwatî nî mûtûûrîre wenyu. Mathîkagîreni na nîmûgûtûûra vîndî ndaca vûrûrirî ûrîa mûthiîte kwîgwatîra mûringo wa rûnjî rwa Jorodani.”

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

Gûco 4:4

Nwatî andû amwe gatagatîrî kenyu, arîa maarî evokeku kûrî Ngai-Mûnene, Ngai wenyu, marî mwoyo nginya ûmûnthî.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Gûco 4:6

Mathîkagîreni na kinyi na mûmavingagie. Ûndû ûyû nîguo ûgaatûmaga mwonwe nî andû a mavûrûri marîa mengî mûrî aûgî na mûrî na ûmenyo mwîngî. Andû megua mawatho mau monthe makaaugaga, ‘Nama andû aya a vûrûri ûyû marî na ûûgî na ûmenyo mwîngî mûno!’

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.

Gûco 6:2

Mavinda monthe marîa mue na njiarwa cienyu mûgûtûûra mwoyo, mûgetigagîra Ngai-Mûnene, Ngai wenyu na mwathîkagîre irîra ciake cionthe na mawatho marîa ngûmûva, nîguo mûtûûre îvinda îraca vûrûrirî ûcio ngûmûva.

Gûco 6:5

Endani Ngai-Mûnene, Ngai wenyu na ngoro yonthe na mwoyo wonthe, na vinya wenyu wonthe.

Josh 23:11

Kwoguo menyererani mwendage Ngai-Mûnene, Ngai wenyu.

Josh 23:8

Nwatî, îthagîrwani mûrî evokeku varî Ngai-Mûnene, wata ûrîa mûtûûrîte mûrî evokeku nginyagia ûmûnthî.

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.