Gûco 3:8 - ÎVUKU RÎA ÛVORO MWARO

⁸ “Kwoguo, nîtwocire vûrûri ûrîa wathagwa nî athamaki aîrî a Aamori, ûrîa warî mwena wa îrathîro wa rûnjî rwa Jorodani, kuuma rûnjîrî rwa Arinoni nginya kîrîma Kîam Herimoni.

Gûco 3:8 ပူးပေါင်းရင်းမြစ်များ

1Atha 4:19

Geberi mûvîcî wa Uri aathanaga vûrûrirî wa Gileadi. Vûrûri wa Gileadi mbererî wathagwa nî mûthamaki Sihoni wa Amori, na Ogu mûthamaki wa Bashani. Vûrûri wonthe wa Juda wathagwa nî mûnene ûmwe.

1Maû 5:23

Andû a Manase ya mwena wa îrathîro maarî engî. Nîmaatûûrire vûrûrirî wa Bashani nginya Baali Herimoni, Seniri na Kîrîmarî Kîam Herimoni.

Thaburi 42:6

Mbîcûrîtwe nî kîeva ngororî yakwa, kwoguo nînîrakûririkana we, Ngai wakwa, nîrî mwena wa Jorodani, nîrî kîrîmarî Kîam Herimoni na Mizari.

Thaburi 42:7

Mathîna manthiûrûrûkîrîtie ta mwîcûro wa manjî, maragamba ta ndurumo cia manjî manyûrûrûkîte mathiîte Jorodani, nîraikanua nî makûmbî ma manjî na ndivû ciamo.

Thaburi 89:12

Nîwe waûmbire mwena wa rûgûrû wana mwena wa îveti, kîrîma gîa Taboru na gîa Herimoni nîirakwinîra na gîkeno.

Gûco 4:47

Andû a Isiraeli nîmegwatîre vûrûri ûcio vamwe na vûrûri wa Ogu, mûthamaki wa Bashani, athamaki aîrî a Amori arîa maathaga mavûrûri marîa marî mwena wa îrathîro wa rûnjî rwa Jorodani.

Gûco 4:48

Vûrûri ûcio wambîrîrîtie îtûûra rîa Aroeri rûtere rwa Rûnjî rwa Arinoni, nginya kîrîmarî gîa Sirioni

Josh 12:1

Andû a Isiraeli nîmaavootire athamaki a vûrûri ûrîa ûrî mwena wa îrathîro wa rûnjî rwa Jorodani na nîmeenyitîre vûrûri ûcio. Vûrûri ûcio waumîte Kîandarî Kîam Arinoni nginya kîrîmarî Kîam Herimoni mwena wa rûgûrû na vûrûri wonthe wa Araba mwena wa îrathîro. Athamaki acio maarî aîrî.

Josh 13:8

Musa ndungata ya Ngai-Mûnene nîwagaîrîte mûvîrîga wa Reubeni na wa Gadi na nuthu îmwe ya mûvîrîga wa Manase vûrûri ûtuîke wao. Vûrûri ûcio warî mwena wa îrathîro rîa rûnjî rwa Jorodani.