Gûco 3:5 - ÎVUKU RÎA ÛVORO MWARO

⁵ Matûûra mama monthe mairigîtwe na nthingo ndaca na igekîrwa ivingo, igacoka ikavingwa na cuuma. Kwarî na icagi nyîngî itaarî mbirigîre na nthingo.

Gûco 3:5 ပူးပေါင်းရင်းမြစ်များ

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Esita 9:19

Kîu nîkîo gîtûmaga Ayahudi arîa matûûraga na kûu icagirî makenerera mûthenya wa îkûmi na kana wa mweri wa Adari ta mûthenya wa gîkeno na wa kûvurûka. Mûthenya ûyû nîwa kûrîa na wa kûvecana iveo cia mûthemba wa irio kûrî mûndû na ûrîa wîngî.

Ndari 13:28

Nwatî andû arîa matûûraga vûrûrirî ûcio nî anene mûno na matûûra ma kuo nî mairigîre na nthingo cia vinya, na nî manene mûno. Makîria ya ûguo, nîtwonire njiarwa cia Anaki kuo.

Gûco 1:28

Tûngîthiî kûu nîkî? Tue nî tûretigîra. Andû arîa twatûmire makathigane, maatwîrire atî vûrûri ûcio ûrî na andû araca na marî na vinya gûtûkîra, na andû acio matûûraga matûûrarî manene marî mairigîre na nthingo ikinyîte îgûrû matuurî, na nîmoonire avîcî a Anaki kuo arîa megana ta marimû!’

Gûco 3:4

Nîtwacokire tûgîtava matûûra make monthe. Matûûra monthe marîa twatavire maarî mîrongo îtandatû (60), gîcunjî kîonthe Kîam Arigobu, kûrîa Ogu, mûthamaki wa Bashani aathanaga.

Gûco 3:6

Nîtwacûkangirie matûûra monthe, na tûkîûraga arûme, aka, na ciana cionthe, wata ûrîa twekire matûûrarî marîa maathagwa nî Sihoni, mûthamaki wa Heshiboni.

Ahib 11:30

Wîtîkio nîguo watûmire nthingo cia Jeriko ciomomoke ciarîkia kûthiûrûrûkwa mîthenya mûgwanja nî andû a Isiraeli.

1Sam 6:18

Wanacio ngaara cia thaavu nîciavirirwe matûûrarî monthe matano marîa maathagwa nî athamaki atano a Filisiti. Wa ngaara îmwe ya thaavu îkîvirwa îtûûrarî rîmwe. Nacio ciavirirwe matûûrarî marîa maarî mairigîre, wana icagirî kûrîa gûtaarî na nthingo. Narîo îthiga rîu înene rîrîa maaigîrîre îthandûkû rîa kîrîkanîro rîa Ngai-Mûnene mûgûndarî wa Joshua kûu Bethi-shemeshu, rîrîvo nginya ûmûnthî na nîrîonanagia ûrîa gwekîkire.