Gûco 3:21 - ÎVUKU RÎA ÛVORO MWARO

²¹ “Nînaacokire ngîatha Joshua ngîmwîra atîrî, ‘We nîwona maûndû monthe marîa Ngai-Mûnene, Ngai waku eka kûrî athamaki acio aîrî: Sihoni na Ogu, na ûguo nîguo ageeka athamaki acio engî onthe a mavûrûri monthe marîa mûkaavîtûkîrîra.

Gûco 3:21 ပူးပေါင်းရင်းမြစ်များ

Thaburi 9:10

Arîa maicî rîîtwa rîaku nîmakwîvokete, nîûndû we Ngai-Mûnene ndûtiganagîria arîa magûcaragia.

2Akor 1:10

Ngai nîwatûvonokirie kuuma mogwatirî mau manene ma gîkuû, na ke nîakûthiî na mbere gûtûvonokia. Twigîte kîîrîgîrîro gîetû kûrî ke na nîagaatûvonokia rîngî.

2Akor 12:10

Nie nîmbîganîtwe nî gûtura vinya, kwonerwa, mathîna, kûnyarirwa na kûnyamarua nîûndû wa Kristû. Nîûndû rîrîa ngwîgua ndarî na vinya, nîrîo mbîthagîrwa nîrî na vinya makîria.

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.

Gûco 3:20

Tethereriani Aisiraeli acio engî nginya matonye vûrûrirî ûrîa Ngai-Mûnene amavete, mwena wa îthûîro wa rûnjî rwa Jorodani, na matûûre kuo na thayû, wata ûrîa Ngai-Mûnene, Ngai wenyu akaamavotithia gûtûûra gûkû na thayû. Mwarîkia gwîka ûguo, nwa mûcoke gûkû vûrûrirî ûyû namûveere.’

Gûco 3:22

Mûtigetigîre athamaki acio, nîûndû Ngai-Mûnene, Ngai wenyu nîakaamûrûîrîra.’

Gûco 7:19

Taririkanani mîthiro îrîa mwonire na metho menyu. Taririkanani ciama na morirû marîa Ngai-Mûnene aaringire na ûvoti na vinya wake ûrîa aatûmîre nîguo amûrute Misiri. Ûguo nwaguo Ngai-Mûnene, Ngai wenyu ageeka kûrî mavûrûri mau mûretigîra.

Josh 10:25

Nîwacokire akîra anene a athigari a mbaara atîrî, “Mûtikamake kana mûnyitwa nî guoya. Gîani na vinya na mûmîrîrie nîûndû ûguo nîguo Ngai-Mûnene ageeka nthû cienyu cionthe.”