Gûco 3:11 - ÎVUKU RÎA ÛVORO MWARO

¹¹ “Ogu, mûthamaki wa Bashani nîke wenga watigarîte gatagatîrî ka njiarwa cionthe cia Refaimu. Gîtanda gîake gîatumîtwe na cuuma. Kîarî na ûraca wa mita inya (4) na wariî wa mita igîrî (2), kûringana na kîthimi kîrîa Kîamgîrîrîte. Gîtanda kîu nwa kîonagwa Raba, îtûûra înene rîa Aamori.

Gûco 3:11 ပူးပေါင်းရင်းမြစ်များ

Kîam 14:5

Mwakarî wa îkûmi na îna, mûthamaki Kedorilaomeri vamwe na athamaki arîa engî maarî vamwe nake nîmaathiîre na makîriva Arefaimu arîa maatûûraga Ashiterothi-karinaimu, na Azuzimu arîa maatûûraga vûrûrirî wa Hamu, Aemimu arîa maatûûraga Shave-kinathaimu

Kîam 6:15

Thabina îo îkethîrwa îrî na ûraca wa mita îgana rîa mîrongo îthatû na ithatû (133), wariî wa mita mîrongo îîrî na igîrî (22) na kîrûngamo mita îkûmi na ithatû (13).

2Sam 11:1

Kîambîrîriarî Kîam mwaka vîndî îrîa athamaki maamenyerete kûthiî mbaararî, Daudi nîwatûmire Joabu, vamwe na ndungata ciake wana Aisiraeli onthe mathiî vamwe. Nao nîmaavootire Aamoni na makîthiûrûrûkîria îtûûra rîa Roba. Nwatî Daudi ke mwene nîwatigirwe Jerusalemu.

2Sam 12:26

Joabu nîwarûire na Raba, îtûûra rîrîa rîarî rînene rîa Aamoni na akîrîtava.

Jeremia 49:2

Nwatî rîu kavinda nîgagûkinya, rîrîa ngaanîrîra mûgambo wa mbaara, îgûrû rîgiî Raba îtûûra rîa Aamoni. Rîgatuîka ta maganjo, na icagi cia rîo ivîvue na mwaki. Isiraeli nîagaacoka atave arîa maamûtavîte. Ûguo nîguo Ngai-Mûnene Mwene vinya wonthe arauga.

Ezek 21:20

Ûgeekîra rûûri rwa kwonia mûthamaki njîra îrîa îthiîte Raba, îtûûra rînene rîa Aamoni. Nîûgekîra rûûri rwîngî rwa kwonania njîra îrîa îthiîte Jerusalemu îtûûrarî rîrîa rîgitîre rîa Juda.

Ezek 25:5

Nîngaatua îtûûra rîa Raba kûndû gwa kûrîthagua ngamîîra, na ndue matûûra ma Amoni njaga cia ng'ondu. Namue nîmûkaamenya atî nie nînie Ngai-Mûnene.”

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Amosi 2:9

“Kûnarî ûguo, mue andû akwa, nînathiririe Aamori viû nîûndû wenyu, arîa maaracavîte ta mîtarakwe, na maarî na vinya ta mîtî ya mîvuru, na nînacûkangirie mvûa vamwe na mîri.

Gûco 2:11

Wata Anaki, andû acio nîmeetagwa rîngî Refaimu, nwatî Amoabu maametaga Emimu.

Gûco 2:20

(Vûrûri ûyû wîtagwa rîngî vûrûri wa Refaimu, rîîtwa rîîrî nî rîa andû arîa maatûûraga kuo. Aamoni meetaga andû acio Zamuzumimu.

Josh 12:4

Andû a Isiraeli nîmaacokire makîvoota Ogu, mûthamaki wa Bashani na nîke warî ûmwe wa athamaki a mûthiia a Refaimu. Mûthamaki Ogu aathanaga arî matûûrarî ma Ashitarothu na Ederei.

Josh 13:12

Vûrûri wonthe wa mûthamaki Ogu ûrîa warî wa mûthiia wa Arefaimu ûrîa wathanaga arî Ashitarothu na Ederei. Musa nîwavootete andû acio onthe na akamengata kuuma kuo.

Kûguû 21:17

Mûraika nîwathimire rûthingo wa naruo. Rûthingo rwaracavîte na îgûrû mita mîrongo îtandatû kûringana na kîthimi kîrîa aatûmagîra.

1Sam 17:4

Nakuo kûu Afilisiti maambire magema mao nîkwaumire njamba îmwe yetagwa Goliathu ûrîa warî wa kuuma îtûûra rîa Gathu. Goliathu aarî na ûraca wa mita ta ithatû.