Gûco 29:5 - ÎVUKU RÎA ÛVORO MWARO

⁵ Nie namûtongoririe werûrî îvinda rîa mîaka mîrongo îna, na mûtianathirîrwa nî nguo kana iratû.

Gûco 29:5 ပူးပေါင်းရင်းမြစ်များ

Nehemia 9:21

Nîwamamenyerere îvinda rîa mîaka mîrongo îna marî werûrî na matiatura kîndû, nguo ciao itiathira kana magûrû mao maimba.

Thaburi 78:24

Nîwamavere maana kuuma îgûrû, nîwamavere irio kuuma îgûrû marîe.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Ntha 7:7

Kavinda kau maaragia na mûthamaki wa Misiri Musa aarî na mîaka mîrongo înana nake Aroni aarî na mîaka mîrongo înana na îthatû.

Ndari 14:33

Ciana cienyu igaatûûra ciûrûraga werûrî îvinda rîa mîaka mîrongo îna (40). Igaatûûra inyamaraga îvinda rîu rîonthe nîûndû wa ûremi wenyu, nginya rîrîa muonthe mûgaakuîra werûrî.

Mathaayo 10:10

Rûgendorî mûtigekuuîre mûvuko, kana cati igîrî kana iratû, wana kana mûtiriî. Mûruti wîra nîwagîrîrwe nî kûvewa kîrîa avatarîte.

Gûco 1:3

Mûthenya wa mbere mweri wa îkûmi na ûmwe mwaka wa mîrongo îna kuuma andû a Isiraeli mauma Misiri, Musa nîwerire andû a Isiraeli maûndû monthe marîa Ngai-Mûnene aamwathîte ameere.

Gûco 8:2

Ririkanani ûrîa Ngai-Mûnene aamûtongoririe rûgendo rûraca werûrî kavinda ka mîaka mîrongo îna. Nîwatûmire mwînyivie, akîmûgeria nîguo amenye kîrîa kîrî ngororî cienyu, na amenye kana nîmûkaathîkîra maathani make kana mûtikaamathîkîra.

Gûco 8:3

Nîwatûmire mwînyivie na njîra ya gûtûma mûvûte, akîmûva mana mûkîrîa, irio irîa mue wana methe menyu mataanarûma rîngî. Eekire ûguo nîguo amûthomithie atî twa mûgate guonga ûtûûragia mûndû mwoyo, nwatî atûûragua nî kiugo kîrîa kîonthe kiumîte kanyuarî ka Ngai-Mûnene.

Gûco 8:4

Mîaka îo yonthe mîrongo îna mûtîatuîkîrwa nî nguo kana mwimba magûrû.

Josh 9:13

Rîrîa twekîrire ndivei mboororî, mbooro ciarî ino njerû na rîu nîndembûkangu. Nguo cietû na iratû wana cio itembûkangîte nîûndû nîtûthiîte rûgendo rûraca.”

Josh 9:5

Nao nîmeekîrire nguo ciarî ndembûkangu na iratû ciarî nthiru na irî na iraka. Nayo mîgate îrîa maakuuire yarî mîûmû na yarî mîgundu.