Gûco 28:53 - ÎVUKU RÎA ÛVORO MWARO

⁵³ “Rîrîa mûkaarigicîrua nî nthû cienyu, nîmûkaagîa na thîna nyîngî mûno ya irio, nginya mûrîe ciana cienyu irîa Ngai-Mûnene Ngai wenyu amûrathimîte nacio.

Gûco 28:53 ပူးပေါင်းရင်းမြစ်များ

Jeremia 19:9

Nthû nîikaarigicîria îtûûra rîu na kûgeria kûûraga arîa matûûraga kuo. Nîmagaatûma kûgîe na thîna nene mûno kûu îtûûrarî rîu, na andû mambîrîrie kûrîcana o ene; andû nîmakaarîcaga ciana ciao cia anake na cia erîtu.’

Maca 2:20

We Ngai-Mûnene thikîrîria! Kûrî andû engî wanaverithia ûû? Aka mararîa ciana ciao irîa mendete, nao athînjîri-Ngai na arathi maûragagîrwa hekarûrî ya Ngai-Mûnene.

Maca 4:10

Aka arîa marî ntha mûno, nîmaarugire ciana ciao, makîirîa irî irio, rîrîa andû akwa macûkangirue.

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Alawi 26:29

Yûra nî rîkaaneneva mûno nginya rîtûme mûrîcage ciana cienyu.

Mathaayo 24:19

Na kaî vîndî îo aka arîa makeethîrwa marî îvu, na arîa makeethîrwa makîongithia nîmakeethîrwa na thîna mwîngî-î!

Gûco 28:18

Ngai-Mûnene nîagaatûma ciana cienyu, maciaro ma mîgûnda yenyu na ndîthia ya ng'ombe na ng'ondu cienyu inyitwe nî kîrumi.

Gûco 28:54

Wana mûndûmûrûme ûrîa mûvoreri na ûrî ntha mûno gatagatîrî kenyu, ndakaarûmia mûrwang'ina irio kana mûka ûrîa endete mûno, wana kana twana twake tûrîa tûtigarîte.

Gûco 28:55

Ndakaarûmia wanarî ûmwe wao nyama cia ciana ciake irîa aûragîte nîguo arîe, nîûndû ndakethîrwa atigarîtie kîndû vuva wa thîna ûrîa ûkethîrwa kuo nîûndû wa kûrigicîrua nî nthû kûu matûûrarî.

Gûco 28:57

Nîakaathitha thigiri wana ciana ciake irîa agaaciara nîûndû nîakenda kûirîa na nthitho, nîûndû wa thîna ûrîa ûkethîrwa ûrî kuo rîrîa nthû ikaarigicîria îtûûra rîao.