Gûco 28:30 - ÎVUKU RÎA ÛVORO MWARO

³⁰ “Mûndû akaarîkanagîra na mwîrîtu atî nîakûmûvikia, nake mûndûmûrûme wîngî akamenyana nake kîîmwîrî. Mûndû agaatumaga nyomba na ndagaatûûra kuo. Mûndû akaavandaga mîthavibu, nwatî ndakaarîa thavibu ciayo.

Gûco 28:30 ပူးပေါင်းရင်းမြစ်များ

2Sam 12:11

Nînevîta nauga atî nîngaatûma mûndû wa kuuma mûciî waku akûretere thîna. Ûndû ûcio nîûkawona rîrîa ngaagûcuna aka aku na nîmavecane kûrî mûndû wîngî, nake nîakaamenyana nao kîîmwîrî mûthenya riûa rîarîte.

Ayubu 20:18

Nîakaavecana indo cionthe irîa arutîrîte wîra, ndakagîa na kanya ga gûûkenerera;

Ayubu 3:18

Mbîrîrarî nîkuo mîgwate îthagîrwa îvurûkîte, kûu matigûkagua kana mathwa na vinya.

Ayubu 31:10

mûka wakwa nîarugagîre mûndûmûrûme wîngî, na arûme engî mamame nake.

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Jeremia 12:13

Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”

Jeremia 6:12

Nyomba ciao nî ikavecanwa kûrî andû engî, wana mîgûnda yao na aka ao, nîûndû nîngatambûrûkia njara yakwa, mverithie andû a vûrûri ûyû. Ûguo nîguo Ngai-Mûnene arauga.

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Maca 5:11

Nthû cietû inyitaga aka etû na vinya kûu Zayuni, na makanyita erîtu etû na vinya kûu matûûrarî ma Juda.

Maca 5:2

Vûrûri wetû nîwocetwe nî ageni, mîciî yetû îtûûrîtwe nî andû engî.

Hosea 4:2

Kîrîa kîrî kuo nî kwîvîtanîra, ûthani, ûragani, wîi, na ûtharia. Kuna watho na kûûragana gwîkîkaga wa mûthenya.

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Mika 6:15

Mûkaavanda nwatî mûtigaaketha kîndû, mûkaaviva ndamaiyû ciume maguta nwatî mûtigaatûmîra maguta mau. Mûkaaviva thavibu nwatî mûtikaanyua ndivei.

Habakuku 3:17

Wana ethîrwa mîkûyû tî îraa, kana mîthavibu îciara matunda, na mîtamaiyû îrege gûciara, na mîgûnda îture maketha, ndîthia cia ng'ondu na ng'ombe ciume kûrî irîa ciîngî, na ndîthia cia ng'ombe iture njagarî,

Zefania 1:13

Nîmagacunwa ûtonga wao na indo ciao cia nyomba. Matigatûûra nyombarî irîa maratuma, kana manyue ndivei ya mîtî îrîa maravanda rîu.”

Gûco 28:31

Ng'ombe cienyu ikaaûragagwa mûkîonaga na mûtikaarûma nyama ciacio. Mûgaacunagwa mvunda cienyu na vinya na mûtigaacokerua cio. Ng'ondu cienyu ikaavecagwa nthû cienyu, na gûtirî mûndû ûkaamûtethia.