Gûco 28:11 - ÎVUKU RÎA ÛVORO MWARO

¹¹ Ngai-Mûnene nîagaatûma mûthatûkwe; nîmûkaagîa na ciana nyîngî, ndîthia nene ya ng'ombe, na irio nyîngî cia mûgûnda mûrî vûrûrirî ûrîa Ngai-Mûnene eerîre methe menyu atî nîakaamûva.

Gûco 28:11 ပူးပေါင်းရင်းမြစ်များ

Ayubu 19:17

Mîvevû yakwa mîcûku nîîrakaragia mûka wakwa, Aa mûrwaiya matingînguvîrîria nî kûnunga.

Thaburi 107:38

Nîwarathimire andû ake na makîongerereka mûno, na agîtûma ndîthia yao ya ng'ombe yongerereke.

Thaburi 127:3

Ciana, nî îgai kuuma kûrî Ngai-Mûnene; ciana nî kîveo kuuma kûrî ke.

Thaburi 132:11

Ngai-Mûnene nîwerîre Daudi na mwîvîtwa, kîîranîro kîrîa atakericûkwa atî: “Nîngaatua ûmwe wa anake aku mûthamaki, na nîakaathana vuva waku.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Alawi 26:9

Nîngaamûrathima na ndûme mwongerereke na nîngaavingia kîrîkanîro kîrîa naarûthire namue.

Gûco 1:8

Taroriani, nîngûmûva vûrûri ûyû wonthe mûrona ûrîa Nie, Ngai-Mûnene nerîîre methe menyu ma tene: Iburahimu, Isaka na Jakovu vamwe na njiarwa ciao na mwîvîtwa atî nîngaamava. Thiîni mwînyitîre guo.’ ”

Gûco 28:4

“Ngai-Mûnene nîakaarathima ciana cienyu, maciaro ma mîgûnda yenyu, na arathime ndîthia ya ng'ombe na ng'ondu cienyu.

Gûco 30:9

Ngai-Mûnene Ngai wenyu nîagaatûma mûthatûkwe mûno maûndûrû monthe marîa mûkethîrwa mûgîka. Mûthatûkwe cianarî cienyu, ng'omberî cienyu na mîgûndarî yenyu. Ngai-Mûnene nîagaakena akîmûrathima na maûndû maro wata ûrîa akenaga akîrathima methe menyu.

Gûco 7:13

Akaamwendaga, amûrathimage, na atûme mwongerereke mûtuîke rûrîrî rûnene. Ngai-Mûnene nîakaarathima ciana cienyu na mîgûnda yenyu, na maciaro ma mîgûnda yenyu nîguo mwîthagîrwe mûrî na ndivei na maguta, na amûrathime na ng'ombe na ng'ondu nyîngî. Ngai-Mûnene nîakaamûrathima na indo icio cionthe mûrî vûrûrirî ûrîa eerîre methe menyu atî nîakaamûva.