Gûco 28:10 - ÎVUKU RÎA ÛVORO MWARO

¹⁰ Nao andû onthe a nthî nîmakoona atî mûrî athuure nî Ngai-Mûnene mûgatuîka andû ake kîûmbe, na nîmakaamwîtigagîra.

Gûco 28:10 ပူးပေါင်းရင်းမြစ်များ

1Maû 14:17

Nayo ngumo ya Daudi nîyatambire vûrûrirî wonthe na Ngai-Mûnene agîtûma andû onthe mamwîtigîre.

2Maû 7:14

ethîrwa andû akwa arîa metanîtue na rîîtwa rîakwa nîmakaavera, mavoe na magarûrûke matige mîthiîre yao mîcûku, nîngaamegua nîrî îgûrû na nîngaamovera mevia mao na mvonie vûrûri wao.

Ntha 12:33

Nao andû a Misiri nîmaathaithire andû a Isiraeli maume vûrûrirî wao na îvenya makîmeeraga atîrî, “Ethîrwa tîmûthiî tuonthe nîtûgûkua.”

Ntha 14:25

Nîwatûmire magûrû ma ngari ciao cia mbarathi maremera, na kwoguo nîmaagîre na thîna wa kûthiî mbere. Nao andû a Misiri nîmaaugire atîrî, “Ngai-Mûnene ararûa natue akîrûîrîra andû a Isiraeli. Nîtûre tuume varî o!”

Isaia 63:19

Twîkariî ta andû matanathwa nîwe wanarî vanini, ta andû matanetanua na rîîtwa rîaku.

Jeremia 14:9

Nîndûî gîtûmîte wîkare ta mûndû mwagagu, mûndû ûrî na vinya nwatî ndangîvonokia mûndû? Nwatî we Ngai-Mûnene ûrî gatagatî getû; twîtanîtue na rîîtwa rîaku ndûgatûtiganîrie.”

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Malaki 3:12

Nao andû a mavûrûri monthe makaugaga mûrî arathime, nîûndû vûrûri wenyu wonthe ûkethagîrwa wîcûrîtwe nî gîkeno. Ûguo nîguo nie Ngai-Mûnene, mwene vinya wonthe nîrauga.”

Ndari 6:27

Ngai-Mûnene nîwaugire atîrî, “Mangîkaarathima andû a Isiraeli makîgwetaga rîîtwa rîakwa, nîngaamarathima.”

Ciîko 15:17

Kwoguo andû arîa engî onthe nîmakaanjaria wana andû a ndûrîrî onthe, arîa nie mbîtîte matuîke akwa.

Gûco 11:25

Vûrûrirî wa wonthe kûrîa mûkaathiî, Ngai-Mûnene Ngai wenyu nîagaatûma andû a kuo megue guoya na mamwîtigîre wata ûrîa eeranîrîte na gûtirî mûndû ûkaamûvoota.

Gûco 2:25

Kuuma ûmûnthî nîngûtûma andû onthe mamwîtigîre. Andû a nthî yonthe makegucaga mwagwetwa makainaina nî guoya.’

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.