Gûco 27:2 - ÎVUKU RÎA ÛVORO MWARO

² Mûthenya ûrîa mûkaaringa rûnjî rwa Jorodani, mûkinye vûrûrirî ûrîa Ngai-Mûnene Ngai wenyu akûmûva, nî mûkarûngamia mathiga manene na mûmatenderie îgûrû kuonthe.

Gûco 27:2 ပူးပေါင်းရင်းမြစ်များ

Ayubu 19:24

Naarî kethîrwa maandîkirwe na karamu ga cuuma, nîguo matûûre tene na tene.

Ezek 11:19

Nîngaamûva ngoro njerû na roho mûcerû. Nîngaamûthengutîria ngoro îrîa nyûmû ta îthiga na nîmûve ngoro mbathîki.

Ezek 36:26

Nîngaamûva ngoro njerû na mbîkîre mwoyo mûcerû ndarî yenyu. Nîngaaruta ndarî yenyu ngoro îrîa nyûmû ta îthiga na njoke mbîkîre ngoro mbathîki.

Gûco 11:31

Rîu mûrî vakuvî kûringa rûnjî rwa Jorodani mûthiîte kwîgwatîra vûrûri ûrîa Ngai-Mûnene Ngai wenyu akûmûva. Mwegwatîra vûrûri ûcio na mûtûûre kuo,

Gûco 26:1

“Mwarîkia gûkinya vûrûrirî ûrîa Ngai-Mûnene, Ngai wenyu akûmûva rîrî îgai rîenyu, na mûtûûre kuo,

Gûco 27:1

Musa na atongoria a Isiraeli nîmeerire andû atîrî, “Athîkagîrani Maathani monthe marîa ngûmwatha ûmûnthî.

Gûco 27:3

Nîmûgaacoka mwandîke maathani mama monthe mathigarî mau mwarîkia gûtonya vûrûrirî ûrîa Ngai-Mûnene Ngai wa methe menyu akûmûva, wata ûrîa aamwîrîîre. Vûrûri ûcio wîcûrîte îriia na ûûkî.

Gûco 27:4

Mwaringa rûnjî rwa Jorodani nî mûkaarûngamia mathiga kîrîmarî Kîam Ebali, na mûmatenderie wata ûrîa ngûmwatha ûmûnthî.

Gûco 6:1

“Rîîrî nîrîo rîathani, mawatho na irîra irîa Ngai-Mûnene, Ngai wenyu aambathire nîmûthomithie, nîguo mûirûmagîrîre mûrî vûrûri ûrîa mûthiîte kwîgwatîra.

Gûco 9:1

“Tathikîrîriani, mue andû a Isiraeli! Ûmûnthî mûrî vakuvî kûringa Jorodani mûkegwatîre mavûrûri manene na marî na vinya kûrî mue. Matûûra ma mavûrûri mau nî manene na nîmaairigîre na nthingo nginya matuurî.

Josh 1:11

“Thiîni kûrîa kuonthe andû mambîte magema mûmeere atîrî, ‘Varîriani irio cienyu, nîûndû mîthenya îthatû yûkîte nîmûkaaringa rûnjî rûrû rwa Jorodani mûthiî mûkegwatîre vûrûri ûrîa Ngai-Mûnene, Ngai wenyu akaamûva.’ ”

Josh 4:1

Rîrîa andû onthe a Isiraeli maaringire rûnjî rwa Jorodani, Ngai-Mûnene nîwerire Joshua atîrî,

Josh 8:30

Joshua nîwacokire agîtumîre Ngai-Mûnene Ngai wa andû a Isiraeli metha ya kîgongoona kîrîmarî Kîam Ebali îgûrû.

Josh 8:31

Aamîtumire kûringana na ûrîa Musa ndungata ya Ngai-Mûnene aataarîte andû a Isiraeli wata ûrîa kwandîkîtwe wathorî wa Musa atîrî: “Tuma metha ya kîgongoona na mathiga matarî maumie na ngeca ya cuuma.” Nao nîmaarutîre Ngai-Mûnene îgongoona rîa kûvîvua vo na magongoona mengî ma thayû.

Josh 8:32

Andû a Isiraeli marî vo Joshua nîwandîkire mawatho mathigarî marîa maatumire metha ya kîgongoona. Mawatho mau nî ta marîa Musa aandîkîte.