Gûco 27:15 - ÎVUKU RÎA ÛVORO MWARO

¹⁵ “ ‘Kûnyitwa nî kîrumi nî mûndû ûrîa ûkaarûtha ngai ya mûvuanano na akamîgoocaga na nthitho. Ngai-Mûnene nîathûrîte ûgooci wa mîvuanano.’ “Nao andû onthe nîmakaauga, ‘Ameni!’

Gûco 27:15 ပူးပေါင်းရင်းမြစ်များ

Kîam 31:19

Vîndî îo, Labani aarî akûthiî kwenja ng'ondu ciake. Nake Rakeli nîwaîire ngai cia mîvuanano irîa îthe aaigîte nyomba.

Kîam 31:34

Rakeli nîke wocete ngai cia mûciî cia îthe na agîciga matandîkorî ma ngamîîra na agîciîkarîra. Labani nîwaicaririe îgemarî ndaarî nwatî ndaaciona.

Kîam 9:25

nîwaugire atîrî, “Kanaani aronyitwa nî kîrumi! Ke nîatuîka ngombo ya aa mûrwang'ina.

2Atha 17:19

Andû a Juda wanao matiathîkîra mawatho ma Ngai-Mûnene Ngai wao; nîmaarûmîrîre mîtugo îrîa yaretirwe nî andû a Isiraeli.

2Atha 23:13

Mûthamaki Josia nîwagwatirie mûgiro kûndû kûrîa gûtûgîru gwa kûgoocagîrwa mûthamaki Solomoni aatumîte mwena wa îrathîro wa Jerusalemu, kûthiî îveti rîa Kîrîma gîa Sini. Solomoni aatumîte kûndû kûu nîûndû wa kûgooca mîvuanano ya; Ashitorethu, ngai ya nga ya andû a Sidoni; Kemoshi, ngai ya andû a Moabu; na Moleku, ngai ya Aamoni na agîkûgwatia mûgiro.

1Maû 16:36

Ngai-Mûnene, Ngai wa Isiraeli, Nîakumue! Nîakumue nginya tene na tene.” Andû onthe nîmaacokire makiuga, “Ameni,” na nîmaakumirie Ngai-Mûnene.

2Maû 33:2

Nîwekire maûndû macûku mbere ya Ngai-Mûnene. Nîwarûmîrîre mîtugo mîcûku ya mavûrûri marîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

Ntha 20:23

Mûtikanerûthîre ngai cia mîvuanano cia sîlûva, kana cia thaavu cia kûgoocanagîrua nanie.

Ntha 20:4

“Ndûkanethondekere mûvuanano, kana mûvuanîre wa kîndû wa kîonthe kîrî îgûrû maturî, kana wa kîndû kîrî gûkû nthî, kana wa kîndû kîrî manjîrî marîa marî rungu rwa nthî.

Ntha 34:17

“Mûtikaarûthe ngai cia gûtwekua na mwaki.

Isaia 44:13

Mûvundi wa mbaû athimaga rûvaû, akarûkurura na karamu; nîacokaga akarûtenderia na randa. Nîacokaga akarûtenderia na randa rûgîe na mûvuanano ta wa mûndû na ûrî mûthaka, nîguo wîkarage varîa wigîtwe.

Isaia 44:17

Nîacaga ngai yake ya mûvuanano na gîcunjî kîu kîngî Kîam mûtî ûcio, na agaûturîria maru akaûgooca. Aûvoyaga akiugaga atîrî, “Mvonokia, nîûndû we nîwe ngai yakwa!”

Isaia 44:19

Gûtirî mûndû ûririkanaga, kana agîa ûûgî, wana kana akamenya maûndû na auge atîrî, “Nînavîvirie gîcunjî kîmwe Kîam mûtî ûyû na mwaki, na nînarugire mîgate na makara ma guo, na ngîokia nyama na ngîmîrîa. Nîngîvota atîa kûthondeka matigari ma mûtî ûcio kîndû gîa kûgoocwa kîrî mûgiro, na ndurîrie gîcunjî kîu Kîam mûtî maru nîkîgooce?”

Jeremia 11:3

Nîûkaamera Ngai-Mûnene, Ngai wa Isiraeli augîte atî kûgwatwa nî kîrumi nî mûndû ûrîa ûtavingagia maûndû marîa marî kîrîkanîrorî gîkî,

Jeremia 11:5

Nanie nîngavingia maûndû marîa neranîre kûrî methe menyu na mwîvîtwa, atî nîngaamava vûrûri ûrî na îriia na ûûkî, (ûrîa marî naguo rîu).” Nînacokire ngiuga atîrî, “Ngai-Mûnene, kûrotuîka guo.”

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Jeremia 28:6

na akîmwîra atîrî, “Ameni! Ngai-Mûnene aroîka guo. Ngai-Mûnene arovingia maûndû marîa waratha na acokie indo cionthe cia hekarû kuuma Babuloni, airete gûkû vamwe na andû arîa onthe maatavîtwe makavirwa îthamîriorî.

Ezek 14:4

“Rîu marîrie ûmere nie, Ngai mbugîte atî, mûndû wa wonthe wa nyomba ya Isiraeli ûkeerirîria mîvuanano yake ya kûvowa, na etîkîrie mîvuanano îo îmûvîtithie, na acoke athiî kûrî mûrathi kûvoya ûtaaro, nîngaamûcokeria kûringana na wîngî wa mîvuanano îo yake.

Ezek 7:20

Nîmeetîîaga nîûndû wa ûthaka wa mathiga mao ma goro ma kwîgemia, na nîmaamatûmîre kûthondeka mîvuanano îrî magigi na mîmene mûno. Kwoguo nîngaatûma ûthaka ûcio wao ûtuîke kîndû kîrî mûgiro kûrî o.

Danieli 11:31

Athigari amwe ake nî mageekîra hekarû na rûthingo rwayo mûgiro. Nî magaatigithia andû kûruta matega ma wa mûthenya, na macoke matûme hekarû îgîe mûgiro.

Danieli 9:11

Andû onthe a Isiraeli nîmaaunire watho waku, na makîrega gûkwathîkîra. Tue nîtwakûvîtîrie we Ngai-Mûnene na tûkîrega kwathîkîra Watho ûrîa waveere ndungata yaku Musa. Kwoguo tûrî anyite nî kîrumi na matuîro marîa mandîke wathorî wa Musa, ndungata yaku.

Alawi 19:4

“Mûtikandiganîrie na mûgooce mîvuanano, kana mwîrûthîre ngai cia gûtwekua na mwaki. Nie nînie Ngai-Mûnene, Ngai wenyu.

Alawi 26:1

Ngai-Mûnene nîwerire andû a Isiraeli atîrî, “Mûtikerûthîre ngai cia mîvuanano kana mûvuanano wa îthiga rîrî riumie atî nîguo mûigoocage. Nie nînie Ngai-Mûnene, Ngai wenyu.

Ndari 5:22

Manjî mama marotonya îvurî rîaku na matûme rimbe na ciîga ciaku cia ûciari ithire vinya.” Nake mûndûmûka nîagaacokia atîrî, “Ameni, Ameni.”

Mathaayo 24:15

“Mue nîmûkoona ‘Kîndû kîrîa kîrî mûgiro’ kîrîa mûrathi Danieli aaririe ûvoro wakîo kîrûngamîte vandû varîa vatheru.” (Mûndû ûrîa ûrathoma nîataûkîrwe nî ûrîa kûrerwa!)

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

1Akor 14:16

Nwatî ethîrwa mue mûkumagia Ngai na roho wenyu, mûndû ûrîa ûtarî mûtaûkîre na mûrî nake mavoyarî menyu angîvota atîa kuga “Ameni”? Ke ndangîvota kûmenya ûrîa ûrauga.

Gûco 27:14

Andû onthe a mûvîrîga wa Lawi nîmakeera andû onthe a Isiraeli na mûgambo mûnene atîrî,

Gûco 29:17

Nîmwonire ngai cia mîvuanano irîa Ngai-Mûnene athûrîte irûthîtwe na mîtî, mathiga, sîlûva na thaavu.

Gûco 4:25

“Rîrîa mûgaatûûra vûrûrirî ûcio wa Kanaani îvinda îraca na mûgîe na ciana, nacio ciana icio igîe na ciana ciacio, mûtikevie mbere ya Ngai-Mûnene, Ngai wenyu, na njîra ya kwîrûthîra mîvuanano ya mûthemba wa wonthe, nîûndû ûndû ûcio nwa ûrakarie Ngai.

Gûco 5:8

“ ‘Ndûkerûthîre mîvuanano ya kîndû wa kîonthe kîrî îgûrû kana kîrî gûkû nthî, wana kana kîrî manjîrî.

Gûco 7:25

Nîmûkaavîvia mîvuanano ya kumua ya ngai ciao. Mûtigacumîkîre sîlûva kana thaavu ciao kana mûcioce ituîke cienyu nîûndû nî mûgiro kûrî Ngai-Mûnene.

Atir 17:3

Mika nîwacokerie ng'ina tûcunjî tûu ngiri îmwe na îgana twa sîlûva, nake ng'ina akîmwîra atîrî, “Nînyamûrîra Ngai-Mûnene sîlûva îno nîguo kîrumi gîtigakûgwate mûvîcîwa. Ikaavûthîrwa na kûthondeka mûvuanano wa kumua ûvakîtwe sîlûva kuonthe. Kwoguo rîu nîngûgûcokeria cio.”

Atir 17:4

Rîrîa Mika aacokerie ng'ina sîlûva icio, ng'ina nîwocire tûcunjî magana maîrî kuuma kûrî cio na akîvirîra mûturi wa indo cia cuuma. Mûturi ûcio nîwathondekire mûvuanano na akîûvaka sîlûva kuonthe. Mûvuanano ûcio nîwacokire ûkigwa kwa Mika mûciî.

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’