Gûco 26:7 - ÎVUKU RÎA ÛVORO MWARO

⁷ Nîtwarîrîre Ngai-Mûnene Ngai wa methe metû atûtethie. Ngai-Mûnene nîwatwîguire, na akîona ûrîa twanyamarîkaga, twarutithagua wîra mûrito na nîtwavinyagîrîrua.

Gûco 26:7 ပူးပေါင်းရင်းမြစ်များ

Kîam 21:17

Ngai nîwegwire kamwana kau gakîrîra. Nake mûraika wa Ngai kuuma îgûrû, nîwaririe na Hagari akîmûria atîrî, “Nîndûî kîrakûthînia Hagari? Tiga kûmaka nîûndû Ngai nîwegua kavîcî gaku gakîrîra karî varîa karî.

Kîam 29:32

Lea nîwagîre îvu na agîciara kavîcî. Nîwaugire atîrî, “Ngai-Mûnene nîwonete mathîna makwa na rîu mûthuuri wakwa nîakûmenda.” Kwoguo Lea nîwatuîrîre kavîcî kau rîîtwa Reubeni.

2Sam 16:12

Ngai-Mûnene avota kwona mînyamaaro yakwa, na ambîtîrîrie irathimo nyîngî makîria ya irumi irîa arumanîte ûmûnthî.”

Thaburi 119:132

Nthikîrîria na ûmbîguîre ntha, wata ûrîa wîkaga andû onthe arîa makwendete.

Thaburi 31:8

Ndwandekereria kûrî nthû ciakwa, nîûnûngamîtie vandû varî na thayû.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Ntha 2:23

Mîaka mîîngî yathira mûthamaki wa Misiri nîwakuire. Nwatî andû a Isiraeli nwa macaaga nî ûndû wa kwîthîrwa marî ûkomborî na makarîraga matethue. Ngai egua kîrîro Kîamo na

Ntha 2:25

Ngai nîwonire ûrîa andû a Isiraeli maavinyîrîrîtue, kwoguo nîwamatethirie.

Ntha 3:9

Nî ma nîmbîguîte kîrîro Kîam andû akwa na nîmonete ûrîa andû a Misiri maramavinyîrîria.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Ntha 6:5

Rîu nîmbîguîte mûcayo wa andû a Isiraeli arîa matuîtwe ngombo nî andû a Misiri. Nîndirikanîte kîrîkanîro gîakwa.

Jeremia 33:2

Ngai-Mûnene ûrîa waûmbire nthî, ûrîa wamîrûthire na akîmîvanda, ûrîa wîtagwa Ngai-Mûnene arauga atîrî,

1Sam 9:16

“Rûciû îthaarî wata rîrî, nie nîngaatûma mûndûmûrûme kuuma mûvîrîgarî wa Benjamini aûke kûrî we; we nîûkaamwîtîrîria maguta nîguo atuîke mûthamaki wa andû akwa a Isiraeli, na nîke ûkaavonokia andû akwa kuuma kûrî Afilisiti. Nie nîmonete ûrîa andû akwa marî na ruuo na nîmbîguîte makîmvoya ûtethio.”