Gûco 26:5 - ÎVUKU RÎA ÛVORO MWARO

⁵ Nîûkaauga ûrî mbere ya Ngai-Mûnene Ngai waku atîrî, ‘Vava aarî wa kuuma vûrûri wa Aramu na aatûûraga aûrûraga. Nîwathiîre Misiri na andû a mûciî wake na agîtûûra kuo arî mûgeni. Makîthiî Misiri maarî andû anini, nwatî nîmoongererekire magîtuîka rûrîrî rûnene na rwarî na vinya.

Gûco 26:5 ပူးပေါင်းရင်းမြစ်များ

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Kîam 24:4

Nwanginya ûcoke vûrûrirî ûrîa nie naaciarîrwe nîguo ûgacarîrie mûvîcîwa Isaka mûviki kuuma kûrî andû etû.”

Kîam 25:20

Isaka aarî na ûkûrû wa mîaka mîrongo îna rîrîa aavikirie Rebeka mwarî wa Bethueli. (Mûaramea wa kuuma Mesopotamia) Rebeka aarî mwarwang'ina wa Labani.

Kîam 27:41

Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.”

Kîam 28:5

Isaka nîwarekererie Jakovu athiî Padani-aramu (Mesopotamia) kwa Labani mûvîcî wa Bethueli, Mûaramea. Bethueli aarî mûrwang'ina wa Rebeka, ng'ina wa Esaû na Jakovu.

Kîam 31:20

Jakovu nîwaveenirie Labani na njîra ya kûrega kûmûmenyithia atî nîwendaga kûthiî.

Kîam 31:24

Ûtukû ûcio Ngai nîwaumîrîre Labani na njîra ya kîroto na akîmwîra atîrî, “Menyerera ndûkeere Jakovu ûndû, ûrî ûndû mwaro kana mûcûku.”

Kîam 31:40

Mavinda meengî nanatinda mvîte nî riûa mûthenya, na ûtukû naraaraga ngîrîwa nî mvevo, na ndakwona toro.

Kîam 43:12

Kuuani mbeca maita maîrî; mûthiî na mbeca irîa ciacokirue igîkîrwa nguniarî cienyu vîndî îrîa îngî, nîûndû nwa kwîthîrwa nîkwa kwagîîre na mavîtia.

Kîam 45:11

Ethîrwa ûrî Gosheni ngavota gûkûmenyerera, nîûndû nîgûkwîthîrwa na mîaka îngî îtano ya yûra. Ndirenda we, andû a mûciî waku kana ndîthia yaku mûkua nî yûra.’ ”

Kîam 45:7

Ngai aandûmire gûkû mbere yenyu nîguo ngaatûma mue na njiarwa cienyu mûtigare gûkû nthî.

Kîam 46:27

Josefu aarî na avîcî aîrî arîa aagîte nao arî Misiri. Kwoguo andû onthe a Jakovu arîa maathiîre Misiri maarî mîrongo mûgwanja (70).

Kîam 47:27

Andû a Isiraeli nîmaatûûrire Gosheni vûrûrirî wa Misiri. Nîmaagîrire indo nyîngî kuo na nîmaaciaranire na makîngîva mûno.

Kîam 47:4

Tûthamîrîte vûrûrirî ûyû nîûndû vûrûrirî wetû wa Kanaani kûrî na yûra înene mûno, na gûtirî na gîa kûrîthia ndîthia cietû. Kwoguo tue ndungata ciaku, twakûthaitha ûtwîtîkîrie tûtûûre vûrûrirî wa Gosheni.”

Ntha 1:12

Nwatî wa ûrîa andû a Isiraeli maathiîcaga na mbere kûvinyîrîrua nî andû a Misiri, nwaguo andû a Isiraeli moongererekaga makîria na makîthiî na mbere gwîcûra vûrûrirî ûcio. Nao andû a Misiri nîmeetigîre andû a Isiraeli,

Ntha 1:5

Andû acio onthe arîa maarî njiarwa cia Jakovu maarî andû mîrongo mûgwanja. Vîndî îo Josefu mûvîcî wa Jakovu aarî Misiri.

Ntha 1:7

Nwatî njiarwa ciao, nîciaciaranire nao Aisiraeli magîtuîka eengî na makîgîa na vinya magîcûra vûrûrirî wa Misiri.

Hosea 12:12

Jakovu nîwathiîre Aramu, na arî kûu, nîwarutire wîra wa kûrîthia mbûri nîguo agîe na mûka.

Hosea 12:13

Na njîra ya mûrathi Ngai-Mûnene nîwarutire andû a Isiraeli kuuma Misiri, na na njîra ya mûrathi Ngai nîwamagitîre.

Ciîko 7:15

Nake Jakovu nîwathiîre Misiri kûrîa ke na avîcî ake maakuîrîre.

Gûco 1:10

Ngai-Mûnene, Ngai wenyu nîatûmîte mwîngîve ta njata cia îgûrû.

Gûco 10:22

Methe menyu arîa maathiîre Misiri onthe maarî mîrongo mûgwanja. Nwatî rîu, Ngai-Mûnene Ngai wenyu nîatûmîte mwîngîve ta njata cia matuurî.

Gûco 26:4

“Nake mûthînjîri-Ngai nîagooca gîkavu kîu kuuma kûrî we na akîvire metharî ya kîgongoona ya Ngai-Mûnene Ngai waku.

Gûco 7:7

“Ngai-Mûnene ndaamwendire na akîmûthuura nîûndû wa ûrîa mwarî eengî gûkîra andû a mavûrûri marîa mengî, nama mwarî anini mûno gûkîra mavûrûri marîa mengî ma nthî.