Gûco 26:17 - ÎVUKU RÎA ÛVORO MWARO

¹⁷ Ûmûnthî nîmweranîra atî Ngai-Mûnene nîke Ngai wenyu, na atî mûkaarûmagîrîra njîra ciake, mûkaavingagia mawatho make monthe, irîra ciake na mwîgucage mûgambo wake.

Gûco 26:17 ပူးပေါင်းရင်းမြစ်များ

Kîam 28:21

na ûgaatûma njoke mûciî kwa vava na thayû, we Ngai-Mûnene, nîûgaatuîka Ngai wakwa.

2Maû 34:31

Mûthamaki nîwarûngamire vandû vake na akîrûtha kîrîkanîro mbere ya Ngai-Mûnene, atî akaathîkagîra Ngai-Mûnene na avingagie maathani make, mawatho na matuîro ma ciira na ngoro yake yonthe na mwoyo wake wonthe, na ageekaga wata ûrîa ciugo irîa ciandîkîtwe îvukuurî rîa kîrîkanîro ciugîte.

Thaburi 48:14

“Ûyû nîke Ngai wetû tene na tene; nîatûûra atûtongoragia tene na tene.”

Ntha 15:2

Ngai-Mûnene nîke mûngitîri ûrîa ûrî vinya, nîke ûmvonoketie. Nîke Ngai wakwa, na ngaamûkumagia, Ngai wa vava, na ngaainaga ngîgwetaga ûnene wake.

Ntha 19:8

Nao andû onthe nîmaacokirie marî vamwe makiuga atîrî, “Tûgekaga maûndû monthe marîa Ngai-Mûnene augîte.” Nake Musa akîthiî akîra Ngai-Mûnene ûrîa andû maaugire.

Ntha 20:19

na makîra Musa atîrî “Aria natue na nîtûkwîgua, nwatî ndûkareke Ngai aria natue nîguo tûtigakue.”

Ntha 24:7

Nîwacokire agîoca îvuku rîa kîrîkanîro, na akîthomera andû onthe augîrîrîtie. Nao nîmaaugire atîrî, “Nîtûgwîka ûrîa wonthe Ngai-Mûnene augîte na tûmwathîkîre.”

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 44:5

“Mûndû ûmwe nîakaauga atîrî, ‘Nie nîrî wa Ngai-Mûnene,’ na wîngî nîageîtania na rîîtwa rîa Jakovu, nake wîngî nîakaandîka njararî yake, ‘Wa Ngai-Mûnene,’ na eîtanagie na rîîtwa rîa Isiraeli.”

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Ciîko 27:23

Ûtukû wa îgoro mûraika wa Ngai, Ngai ûrîa nîrî wake na ngoocaga, nîaranyumîrîre

Aroma 6:13

Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.

2Akor 8:5

Meekire makîria ya ûrîa tûngîerîgîrîre! Mbere maambire makîîvecana kûrî Mwathani na magîcoka makîîvecana kûrî tue nîûndû wa wendi wa Ngai.

Gûco 13:18

ethîrwa mûkaathîkagîra maûndû marîa amwathîte, mûkîvingagia maathani ma Ngai-Mûnene Ngai wenyu monthe marîa ngûmwatha ûmûnthî na mwîkage ûrîa endaga.

Gûco 15:5

ethîrwa nîmûkûmwathîkîra na mûrûmîrîre na kinyi maûndû marîa ngûmwatha ûmûnthî.

Gûco 27:10

Kwoguo athîkagîrani Ngai-Mûnene Ngai wenyu na mwathîkagîre maathani make monthe marîa ngûmûva ûmûnthî.”

Gûco 29:12

Mûrî ava ûmûnthî, nîguo mûrûthe kîrîkanîro na Ngai-Mûnene Ngai wenyu, na mwîtîkîre kûrûmagîrîra maûndû monthe ma kîrîkanîro kîu,

Gûco 30:16

Ethîrwa nîmûkûvingia maathani ma Ngai-Mûnene Ngai wenyu marîa ngûmûva ûmûnthî na njîra ya kwenda Ngai-Mûnene Ngai wenyu, kûrûmîrîra njîra ciake, kûvingia mawatho make, kûrûmîrîra matuîro make ma ciira na irîra ciake, nîmûgaatûûra na mwongerereke, na Ngai-Mûnene Ngai wenyu nîakaamûrathima mûrî vûrûrirî ûrîa mûgûtonya mûwîgwatîre.

Josh 22:5

Menyerera mwathîkagîre maathani na mawatho marîa Musa aamwathire. Aamwathire mwendage Ngai-Mûnene, Ngai wenyu, mûrûmagîrîre njîra ciake cionthe, mwathîkagîre maathani make, mwîthagîrwe mûrî evokeku kûrî ke na ûmûtungatagîre na ngoro cienyu cionthe na vinya wenyu wonthe.”

Josh 24:22

Nake Joshua nîwamerire atîrî, “Mue nîmwatuîka aira enyu mue ene atî nîmwathuura gûtungatagîra Ngai-Mûnene.” Nao nîmaacokirie atîrî, “Ii tûrî aira.”