Gûco 26:14 - ÎVUKU RÎA ÛVORO MWARO

¹⁴ Ndiarîa gîcunjî gîa îkûmi vîndî îrîa naacakayaga; kana nîkîruta nîrî na gîko, kana nîkîrutîra akuû. Nîmbathîkîrîte ûrîa wonthe Ngai-Mûnene, Ngai wakwa augîte, na ngeeka maûndû monthe marîa ambathîte mbîke.

Gûco 26:14 ပူးပေါင်းရင်းမြစ်များ

Thaburi 106:28

Nîmaacokire magîtuîka arûmîrîri a Baali marî Peori, na makîrîa magongoona marîa maarutîrîtwe mîvuanano îtarî mwoyo.

Thaburi 18:22

Nî mvingagia mawatho make monthe, Ndianarega kwathîkîra maathani make.

Jeremia 16:7

Gûtirî mûndû ûkaarîcanîra kana anyunyanîra na mûndû wa wonthe ûkuîrîrîtwe, nîguo amûmîrîrie. Wana gûtirî mûndû wana ûrîkû ûkaaringwa nî ntha nîûndû wa mûndû ûrîa ûkuîrîrîtwe nî îthe kana ng'ina.

Ezek 24:17

Caa ûtakugîrîria, na ndûgacakaîre ûrîa ûkuîte. Îyove kîremba na wîkîre iratû magûrû. Ndûgekunîke ûthiû na ndûkarîe irio irîa irîcagwa vîndî ya macakaya.”

Hosea 9:4

Matikarutîra Ngai-Mûnene matega ma ndivei wana magongoona mao matikamûkenia. Irugo ciao ikethîrwa ciîkariî ta irugo cia macakaya, andû onthe arîa makaairîa nîmakaagîa na mûgiro. Ikethîrwa irî irio cia kûmavaithia tu; itikavirwa hekarûrî ya Ngai-Mûnene.

Alawi 21:1

Ngai-Mûnene nîwerire Musa atîrî, “Îra avîcî a Aroni arîa matungataga marî athînjîri-Ngai, atî gûtirî mûndû wanarî ûmwe wa ciao ûkeegwatia gîko na njîra ya kûnyita kimba vîndî îrîa marî na magongoona ma mathiko,

Alawi 21:11

Ndagîrîrwe nî kwîgwatia gîko agîtonya nyombarî îrîa îrî na kimba Kîam mûndû, wana ethîrwa kîrî Kîam îthe kana Kîam ng'ina.

Alawi 7:20

nwatî mûndû ûrîa ûrî na mûgiro angîrîa nyama icio, mûndû ûcio nîakaamûranua na andû a Ngai-Mûnene.

Malaki 2:13

Îgûrû rîa maûndû mau monthe, nîmûconjoretie metha ya kîgongoona ya Ngai-Mûnene na methori, mûkîrîra mûgîcaaga nîûndû ndatindanagîra na magongoona menyu, kana amamûkîra.

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 15:5

ethîrwa nîmûkûmwathîkîra na mûrûmîrîre na kinyi maûndû marîa ngûmwatha ûmûnthî.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 26:13

Weka ûguo, nîûgaacoka uuge ûrî mbere ya Ngai-Mûnene, Ngai waku, ‘Nînaruta kîrîa kîtheru kuuma nyomba yakwa na nanengera Alawi, ageni, ciana cia ndigwa na aka a ndigwa, wata ûrîa wambathire mbîke. Ndirî munu rîathani wanarî rîmwe rîa Maathani maku kana ndiganîrwa nîmo.

Gûco 26:15

Ngai-Mûnene, ûrî îgûrû kûu kûtheru ûtûûraga, rathima andû aku, Aisiraeli na vûrûri ûrîa ûtûveete wata ûrîa werîre methe metû na mwîvîtwa, vûrûri wîcûrîte îriia na ûûkî.’