Gûco 25:6 - ÎVUKU RÎA ÛVORO MWARO

⁶ Kavîcî ka mbere karîa mûndûmûka ûcio magaaciara nake, gageetanua na mûthuuriwe ûcio wakwire nîguo rîîtwa rîake rîtikariganîre kûrî andû a Isiraeli.

Gûco 25:6 ပူးပေါင်းရင်းမြစ်များ

Kîam 38:8

Juda nîwerire Onani mûrwang'ina na Eri atîrî, “Thiî ûmenyane kîîmwîrî na Tamarû ûrîa ûratigirwe nî mûrwanyûkwe akua na wîke ûrîa kwagîrîrîte, nîguo ûciarîre mûrwanyûkwe ciana.”

Kîam 38:9

Nwatî Onani nîwamenyire atî ciana icio itîgaatuîka ciake. Kwoguo rîrîa rîonthe amenyana kîîmwîrî na mûka wa mûrwang'ina nîwetûrûraga vinya wa ûciari nthî nîguo ndagaciarîre mûrwang'ina ciana.

Thaburi 109:13

Njiarwa ciake cionthe irokua; rîîtwa rîake rîroriganîra rûciarorî rwa kaîrî.

Thaburi 9:5

We nîûkaanîtie andû a ndûrîrî, nîûcûkangîtie andû arîa aganu, na nîûtûmîte marîîtwa mao mariganîre tene na tene.

Gûco 21:19

aciari ake nî makaamûrutûrûra nyomba na mamûvire kûrî atongoria a îtûûra vau mwîrîgarî wa mûciî wake.

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

Gûco 9:14

Ndûkangirie nîmathirie. Nîrenda kûmathiria onthe na mariganîre viû gûkû nthî. Nîngaacoka ngûtue îthe wa rûrîrî rûnene na rûrî na vinya kûmakîra.’