Gûco 24:17 - ÎVUKU RÎA ÛVORO MWARO

¹⁷ “Mûtikaime ageni kana ciana cia ndigwa kîvooto Kîamo, kana mwoce nguo ya mûndûmûka wa ndigwa îrî kîndû gîa kûrûngamîrîra kîndû kîrîa akovithîtue.

Gûco 24:17 ပူးပေါင်းရင်းမြစ်များ

Ayubu 22:6

Rîrîa wetirie umithio kuuma kûrî aa mûrwanyûkwe, nîkwa wamûrutire nguo agîtigwa arî njaga.

Ayubu 24:3

Macunaga ciana cia ndigwa mvuda ciao, mocaga ndegwa ya mûndûmûka wa ndigwa nginya rîrîa akarîva thirî wake.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Ntha 23:2

Ndûkanarûmîrîre mwîngî gwîka maûndû mûcûku, kana ûtongorue nî mwîngî rîrîa ûkûruta ûira wa maveeni îgootirî.

Ntha 23:6

“Ndûkarege kûrûmîrîra kîvooto rîrîa mûthîni agûcirithua.

Ntha 23:9

“Ndûkanavinyîrîrie mûndû mûgeni. Mue nîmwicî ûrîa mûndû mûgeni egucaga nîûndû mwarî ageni vûrûrirî wa Misiri.

Nthi 31:5

Mangînyua, nîmariganagîrwa nî mawatho, na makariganîrwa nî ivooto cia arîa matarî vinya.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 3:15

Mwîciragia atîa rîrîa mûkûvinyîrîria andû akwa na mûkanyarira athîni?” Ûguo nîguo nie, Mwathani Ngai mwene vinya wonthe, nîraûria.

Isaia 33:15

Nî mûndû ûrîa ûtûûraga na ûthingu na waragia ûma, ûrîa ûreganaga na umithio umanîte na kûvinyanîrîria. Ûrîa ûtendaga kwamûkîra mavaki, ûrîa ûtendaga kûthikîrîria ndeto cia ûûragani na ûtendaga kwona maûndû macûku.

Jeremia 22:3

Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.

Jeremia 5:28

nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Ezek 22:29

Andû onthe a vûrûri nîmacunanaga na makaîa na vinya. Nîmanyariraga athîni na ngîa, na makavinyîrîria ageni vatarî kîvooto.

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Alawi 19:33

“Mûtikavinyagîrîrie ageni arîa mûtûûranagia nao vûrûrirî wenyu.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Zakaria 7:10

Mûtikaavinyîrîrie aka a ndigwa, ciana cia ndigwa, ageni arîa matûûraga kwenyu, na andû arîa athîni. Mûndû wana ûrîkû ndakavange ûndû mûcûku ûngîcûkia mûndû ûrîa wîngî.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Luka 3:14

Nao athigari amwe nîmaacokire makîmûria atîrî, “Rîu natue-rî nîtwîka atîa?” Johana nîwamacokerie atîrî, “Tigagani gûcuuna mûndû wana ûmwe mbeca ciake na vinya kana mwigîrîre mûndû kîng'enyo. Îganagwani nî mûcara wenyu.”

Gûco 1:17

Mûtikathurûkanagie andû rîrîa mûkûmatuîra ciira. Thikagîrîriani ciira wa itonga na athîni ûndû ûmwe. Mûtigetigagîre mûndû, nîûndû îtua rîenyu nîrîo îtua rîa Ngai. Ciira ûrîa mûkaaremagwa nî gûtuithania, mûkaandetagîre ngaûtuithania.’

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

Gûco 24:13

Mûcokagîrie kîndû kîu kîvwaî wa kîu nîguo akîmama agagûcokeria ngatho, nake Ngai-Mûnene, Ngai waku agakenagua nîwe.

Gûco 24:18

Ririkanani atî mwarî ngombo vûrûrirî wa Misiri na Ngai-Mûnene Ngai wenyu akîmûkûûra kuo. Kîu nîkîo gîtûmîte nîmwatha mwîke maûndû mama.

Gûco 24:6

“Rîrîa wakovithia mûndû kîndû, ndûgooce îthiga kana nthio yake, atî nîguo wîkare nayo nginya rîrîa akaarîva; nîûndû gwîka ûguo nî gûcuuna mûciî kîrîa mavaragîrîria gîa kûrîa nakîo nîguo matûûre mwoyo.

Gûco 27:19

“ ‘Kûnyitwa nî kîrumi nî mûndû ûrîa ûcunaga ageni, ciana cia ndigwa, na aka a ndigwa kîvooto.’ “Nao andû onthe nîmakaauga, ‘Ameni!’

Jakuvu 2:6

Nwatî mûtitîîaga arîa athîni. Na kinthî itonga tîcio imûkinyagîrîria? Na kinthî twacio imûviraga îgootirî?