Gûco 23:8 - ÎVUKU RÎA ÛVORO MWARO

⁸ Ciana ciao, kuuma rûciaro rwa kathatû kûthiî na mbere, nwa metîkîrue gûtonya kîûnganorî Kîam andû a Ngai-Mûnene.

Gûco 23:8 ပူးပေါင်းရင်းမြစ်များ

Kîam 25:25

Kaana karîa gaaciarirwe mbere kaarî gatune na mwîrî wako wonthe wakunîkîtwe nî guoya takwa arî guo geekîrîte. Kwoguo nîgaatuîrîrwe rîîtwa Esaû.

Kîam 25:26

Kaana ga kaîrî gaaciarirwe kanyitîte nthûng'wa ya Esaû. Kwoguo nîgaatuîrîrwe rîîtwa Jakovu. Isaka aarî na ûkûrû wa mîaka mîrongo îtandatû rîrîa twana tûu twaciarirwe.

1Atha 3:1

Solomoni nîwagîre ngwatanîro na mûthamaki wa Misiri, na nîwavikirie mwîrîtu wa mûthamaki ûcio. Solomoni nîwavirire mwîrîtu ûcio îtûûrarî rîa Daudi agekarage kuo nginya vîndî îrîa aathiririe gûtuma nyomba yake, hekarû ya Ngai-Mûnene, na rûthingo rûrîa rûthiûrûrûkîrîtie Jerusalemu.

Ezira 9:1

Maûndû mau marîkia gwîkwa, anene a andû a Isiraeli nîmaaûkire kûrî nie na makîmbîra atî andû a Isiraeli, athînjîri-Ngai na Alawi matianeyamûrania kuuma kûrî andû arîa mariganîtie nao. Meekaga maûndû macûku wata marîa meekagwa nî Akanaani, Ahiti, Aperizi, Ajebusi, Amoni, Amoabu, Amisiri, na Amori.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Alawi 19:34

Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Obadia 1:10

“Maûndû macûku marîa mwekire aa mûrwanyûkwe njiarwa cia Jakovu, nîmo magaatûma mûconorithue na mûcûkangue tene na tene.

Gûco 10:19

Kwoguo endagani ageni, nîûndû wanamue mwarî ageni vûrûrirî wa Misiri.

Gûco 23:7

“Mûtigatume ûthû na andû a vûrûri wa Edomu nîûndû acio nî aa mûrwanyûkwe. Mûtigatume ûthû na andû a Misiri, nîûndû vîndî îmwe mwarî ageni vûrûrirî wao.

Gûco 23:9

“Rîrîa mûrî varîa athigari mambîte magema vîndî ya mbaara, mûtikavutie kîndû wa kîonthe kîngîtûma mûgîa na gîko.

1Sam 30:11

Andû arîa maarî na Daudi nîmeethîrîrie Mûmisiri kûu werûrî. Nao nîmaamûvirire kûrî Daudi na makîmûva irio na manjî,