22 Mûndû angîrega kwîvîta ndangîthîrwa evîtie.
Gûcokeria Ngai ngatho nîrîtuîke îgongoona rîaku, na ûvingagie ûrî warîkanîre Ngai ûrî ûrî Îgûrû.
Nîngaaûka gûkûrutîra matega ma kûvîvua nyombarî yaku; nîngaavingia ûrîa naakwîrîre na mîvîtwa.
Mbere ya kwîranîra kîrîa ûkûrutîra Ngai-Mûnene ambaga gwîciiria waro, nîguo vuvarî ndûgacoke kwîricûkwa.
Nî kava kûrega kwîranîra ûndû gûkîra kwîranîra na ûrege kûvingia ûrîa wîranîrîte.
“Îra andû a Isiraeli, atî rîrîa mûndû eranîrîte atî nîekûrutîra Ngai-Mûnene mûndû arî îtega nîûndû wa kûvingia mwîvîtwa wa mwanya, mûndû ûcio nwa akûûrwe na njîra ya kûrîva mbeca iringanîte na kîthimi kîrîa gîtîkanîrie.
“Rîrîa werîra Ngai-Mûnene, Ngai waku ûndû na mwîvîtwa, ndûkarege kûûvingia; nîûndû Ngai-Mûnene, Ngai waku nîakenda ûvingie ûndû ûcio, na nî wîvia kûrega kûûvingia.
Nwatî mûndû angîranîra ûndû na mwîvîtwa, nwanginya aûvingie na kinyi, nîûndû ethagîrwa eranîrîte ûndû ûcio mbere ya Ngai-Mûnene Ngai wake atakûringîrîrua.
Nwatî andû a Isiraeli matiaûraga andû a Gibeoni nîûndû wa kîrîkanîro kîrîa atongoria ao maathondekete nao makîgwetaga rîîtwa rîa Ngai-Mûnene, Ngai wa Isiraeli. Andû onthe a Isiraeli nîmaanegenirie atongoria ao nîûndû wa ûndû ûcio.
