Gûco 23:18 - ÎVUKU RÎA ÛVORO MWARO

¹⁸ Mûtikanavire nyombarî ya Ngai kîrîa kîonekete kuumana na wîra wa ûmaraa, ûrî wa aka kana ûrî wa arûme, kîrî gîa kûrîva kîrîa wîranîrîte na mwîvîtwa. Ngai-Mûnene Ngai wenyu nîathûrîte ciîko icio wa cioîrî.

Gûco 23:18 ပူးပေါင်းရင်းမြစ်များ

1Atha 14:24

Wana kwarî na arûme maarutagîra wîra wa ûmaraa kûrîa kwagoocagîrwa ngai cia mîvuanano. Andû a Juda meekaga maûndû monthe ma ûûra nthoni marîa meekagwa nî andû arîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

Thaburi 22:16

Gîkundi Kîam andû arîa acûku nîkînthiûrûrûkîrîtie, gîkundi gîkariî ta ngui ino mvûtu nîkînthiûrûrûkîrîtie, nîmanducangîte njara na magûrû makwa.

Nthi 26:11

Kîrimû kîrîa gîcokagîra ûrimû wakîo, gîkariî ta ngui îrîa îcokagîra matavîka ma yo.

Isaia 61:8

Ngai-Mûnene arauga atîrî, “Nie mendete waragania, na nînthûrîte ûcunani na ûkinyanîrîria. Nîngaatuga andû akwa na wîvokeku, na ndûthe kîrîkanîro gîa gûtûûra tene na tene nao.

Ezek 16:33

Arûme nîmavecaga maraa monthe indo, nwatî we nîwe wamavecaga. Wamavakaga makauma kûndû kuonthe nîguo ûrûthe ûmaraa nao.

Alawi 18:22

Gûtirî mûndûmûrûme ûkaamenyana kîîmwîrî na mûndûmûrûme ûrîa wîngî ta ûrîa amenyanaga kîîmwîrî na mûndûmûka, nîûndû ûcio nî ûndû mûcûku.

Alawi 19:29

“Mûtigaconorithie erîtu enyu na njîra ya kûmatua maraa ma hekarû. Mûngîka ûguo, nî mûkaambîrîria kûgooca ngai ciîngî na vûrûri wîcûrwe nî mîtugo mîcûku.

Alawi 20:13

Mûndûmûrûme angîkaamenyana kîîmwîrî na mûndûmûrûme wîngî, andû acio oîrî makethîrwa mekîte ûndû mûcûku, nao oîrî nîmakaaûragwa. Ikuû ciao ikaaumana na gîîko Kîamo o ene.

Alawi 7:16

Ethîrwa mûndû nîaruta îgongoona rîa thayû nîguo avingie mwîvîtwa kana rîrî îtega rîake nîûndû wa kwîyendera, kîndû kîu akaaruta nîgîkaarîwa mûthenya wa ûcio, nakîo kîrîa gîgaatigara nwa kîrîwe mûthenya ûcio wîngî.

Mika 1:7

Mîvuanano yonthe ya ngai cia Samaria nîngaamiunanga tûcunjî, indo irîa ciarutagîrwa maraa ma hekarûrî nîikaavîvua na mwaki, na mîvuanano yonthe îtuîke ya mana. Nîûndû andû a Samaria maaûnganirie indo icio na njîra ya ûmaraa, na igaatûmîrwa kûrîva maraa.

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Malaki 1:14

Kûgwatwa nî kîrumi nî mûndû ûrîa wîranagîra na njîra ya mwîvîtwa atî nîakûndutîra îgongoona rîa nyamû ntheru kuuma ndîthiarî yake, nwatî agacoka akandutîra nyamû îrî na wonje. Taroria, nie nî mûthamaki mûnene, Ngai-Mûnene mwene vinya wonthe na andû a mavûrûri monthe nîmagoocaga rîîtwa rîakwa.”

Mathaayo 7:6

“Tigagani kûva ngui kîndû kîrîa kîtheru nîûndû nwa imûgarûrûke na ikamûtharîkîra. Na mûtigaikagîrie ngûrwe indo cienyu cia goro, nîûndû mweka ûguo indo icio nwa ikinyangwe nî ngûrwe.

Gûco 12:6

Vau nîvo mûkaaviraga matega menyu ma kûvîvua, magongoona, icunjî cienyu cia îkûmi, mîvothi yenyu, indo irîa mwîranîrîte, matega menyu ma kwîyendera, na marikithathi ma ng'ombe na ng'ondu cienyu.

Gûco 22:21

atongoria a îtûûra nîmagooca mûndûmûka ûcio na mamûvire mûromorî wa nyomba ya îthe na mamûragîre vo na mathiga, nîûndû nîaconorithîtie andû a Isiraeli na njîra ya kwîvecana amenywe kîîmwîrî mbere ya avikue. Ûguo nîguo mûkaathiria wîvia ûcio gatagatîrî kenyu.

Gûco 23:21

“Rîrîa werîra Ngai-Mûnene, Ngai waku ûndû na mwîvîtwa, ndûkarege kûûvingia; nîûndû Ngai-Mûnene, Ngai waku nîakenda ûvingie ûndû ûcio, na nî wîvia kûrega kûûvingia.

Afil 3:2

Îîmenyagîrîreni andû arîa mekaga maûndû macûku, arîa mekariî ta ngui na matemangaga mîîrî.

2Pet 2:22

Ûrîa meekire nîwonanirie atî nthimo nî cia ma irîa ciugaga atî: “Ngitî nîyo îcokagîra matavîka mayo” na “Ngûrwe wana îkathambua îcokaga kwîgaragaria mûtondorî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.