Gûco 22:1 - ÎVUKU RÎA ÛVORO MWARO

¹ “Ûngîona ng'ombe kana ng'ondu ya Mûisiraeli ûrîa wîngî îrî mbûru ndûkamîtige, nwatî ûkaamîcokia gwake mûciî.

Gûco 22:1 ပူးပေါင်းရင်းမြစ်များ

Nthi 24:11

Vonokia andû arîa mavirîtwe kûûragwa, ndûkarege kûvonokia arîa matuîrîrîtwe kûûragwa matarî na mavîtia.

Nthi 27:10

Ndûkariganîrwe nî mûrata waku kana mûrata wa aguo. Ndûgetie ûtethio kuuma kûrî andû a nyomba yaku vîndî ya thîna. Nîkava mûndû ûrîa mûtûûranîrîte nake gûkîra mûrwanyûkwe ûrîa ûrî kûraca.

Nthi 28:27

Mûndû ûrîa ûvecaga arîa athîni ndagaaturaga kîndû, nwatî ûrîa ûregaga gûtethia athîni nîakaarumwa nî andû eengî.

Isaia 58:7

Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Ezek 34:16

“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.

Ezek 34:4

Mûtimenyagîrîra irîa itarî na vinya kana mûvonia irîa ndwaru. Mûtiovaga irîa ikûthua kana mûcokanîrîrie vamwe irîa inyaganîtie kana mûcaria irîa ciûrîte. Mûvûthagîra vinya gûciatha.

Alawi 20:4

Nwatî andû mangîkaarega kûraga mûndû ûcio nîûndû wa kûvecana ûmwe wa ciana ciake kûrî Moleku, ngai ya mûvuanano,

Alawi 6:3

kana oce kîndû kîrîa kîraûrîte na evîte atî ke tî mûkîonu, na arute ûira wa maveeni îgûrû rîgiî ûndû wa wonthe wa maûndû marîa andû mekaga makevia,

Zakaria 7:9

“Tucanagîrani ciira wa kîvooto, îgucanagîrani ntha, na mûtuganage mûndû na mûndû ûrîa wîngî.

Mathaayo 10:6

Vandû va ûguo thiîni kûrî ng'ondu irîa ciûrîte, na nîo andû a Isiraeli.

Mathaayo 15:24

Nake Jesû nîwacokirie atîrî, “Nie naatûmirwe tu kûrî ng'ondu irîa ciûrîte, na nîo andû a Isiraeli.”

1Akor 9:9

Wathorî wa Musa kwandîkîtwe atîrî, “Ndûkanove ndegwa kanyua vîndî îrîa iravûra ngano.” Vîndî îrîa Ngai aaugire ûguo, nîkwa ke aaugaga tu ûvoro wîgiî ndegwa?

Gûco 22:2

Nwatî ethîrwa mwene yo atûûraga kûndû kûraca, kana ndwîcî mwene yo, ûkaathiî nayo mûciî gwaku rîrîa mwene yo agaaûka akîmîcaragia, ûkaamûnengera yo.

1Pet 2:25

Mwekariî ta ng'ondu ivîtîtie njîra, nwatî rîu nîmûcokererete Mûrîthi na Mûmenyereri wa mîoyo yenyu.