Gûco 21:5 - ÎVUKU RÎA ÛVORO MWARO

⁵ Athînjîri-Ngai Alawi nîmakaathiî vau wanao, nîûndû Ngai-Mûnene Ngai wenyu amathuurîte nîguo mamûtungatagîre na marathimage andû na rîîtwa rîake. Nîmagaatuithanagia maciira monthe megiî ngarari na mbaara.

Gûco 21:5 ပူးပေါင်းရင်းမြစ်များ

1Maû 23:13

Avîcî a Amuramu maarî: Aroni na Musa. Aroni na njiarwa ciake nîmaathuurirwe matuîke andû amûre tene na tene. Maathuurirwe nîguo mamenyagîrîre indo irîa nyamûre na mavîvagie ûbani nîûndû wa kûgooca Ngai-Mûnene, kûmûtungatîra na kûrathimanaga vîndî cionthe.

2Maû 19:10

Rîrîa andû enyu arîa matûûraga matûûrarî mao makaamûretera ciira îgiî kûûragana, kuna watho, maathani, kana matuîro ma ciira, nwanginya mûkaamataaraga waro nîguo matikaavîtîrie Ngai-Mûnene. Mwarega kûmataara, nîmakeevia na Ngai-Mûnene nîîkarakara nî mue wana andû enyu, nwatî mwamataara mûtikethîrwa mûrî na mavîtia.

Ezek 42:13

Mûndû ûcio nîwambîrire atîrî, “Nyomba ino irî mwena wa rûgûrû na ino irî mwena wa îveti cionthe nî ntheru. Athînjîri-Ngai arîa matungataga Ngai-Mûnene nîkuo makarîcagîra matega marîa matheru, na kwigagwe matega marîa matheru mûno. Matega mau nî ma irio cia mîgûnda, matega ma kûtheria mevia na matega ma kûrîvîra mevia nîûndû nî vatheru.

Ezek 44:24

Kûngîgîa na ngucanio magatuithanagia ciira kûringana na watho wakwa ûrîa ûgîte. Makaarûmagîrîra mawatho ma mîthenya îrîa mîamûre kûringana na mawatho na irîra ciakwa, na mamenyagîrîre thavatû ciakwa ciîthagîrwe irî ntheru.

Alawi 9:22

Rîrîa Aroni aarîkirie kûruta magongoona monthe, nîwaûkîrîrie njara ciake erekerete andû na akîmarathima. Nîwacokire akiuma varîa metha ya kîgongoona yarî.

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Gûco 18:5

Ngai-Mûnene Ngai wenyu athuurîte andû a mûvîrîga wa Lawi gatagatîrî ka mîvîrîga yonthe ya Isiraeli nîguo matûûre mamûtungatagîra marî athînjîri-Ngai tene na tene.

Gûco 19:17

andû acio oîrî nîmakaathiî varîa Ngai-Mûnene akaathuura va kûgoocagîrwa nîguo matuithanue ciira nî athînjîri-Ngai na atongoria arîa makethîrwa marî wîrarî wa gûtuithania ciira vîndî îo.

Gûco 21:4

Nao nîmakaamîvira Kîamndarî vandû varî na rûnjî rûtavûcaga na vatanarîmwa kana vavandwa kîndû. Vau nîvo makaaunîra njaû îo ngingo.