Gûco 21:21 - ÎVUKU RÎA ÛVORO MWARO

²¹ Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.

Gûco 21:21 ပူးပေါင်းရင်းမြစ်များ

2Sam 18:17

Nîmoocire kimba Kîam Abusalomu, magîgikia îrimarî îraca mûno rîarî kûu mûtitûrî, magîcoka makîûmbîrîra mathiga meengî mûno vo. Nao Aisiraeli onthe nîmaaûrire makîthiî kwao mîciî.

Ntha 21:17

“Mûndû angîruma îthe kana ng'ina nwanginya akaaûragwa.

Nthi 30:17

Mûndû ûrîa ûnyararaga îthe, na akarega kwathîkîra ng'ina, akaarîwa nî ikûngûrû na ndiiû.

Alawi 20:2

“Îra andû a Isiraeli, atî mûndû wa wonthe wa Isiraeli kana mûgeni wa wonthe mûtûûranagia nake angîkaavecana wanarî ûmwe wa ciana ciake kûrî Moleku, ngai ya mûvuanano, nîakaaûragwa na mathiga nî andû onthe.

Alawi 20:27

“Mûndûmûrûme kana mûndûmûka wa wonthe mûndûmûgo kana mûrogi nîakaaûragwa na mathiga. Ikuû cia andû acio ikaaumana na ciîko ciao o ene.”

Alawi 24:14

“Ruta mûndû ûcio ûrumanire na kûu nja ya kûu mwambîte magema na andû onthe arîa megwire akîrumana maigîrîre njara ciao îgûrû rîa kîongo gîake nao andû onthe mamûûrage na mathiga.

Alawi 24:16

na aûragwe. Mûisiraeli wa wonthe kana mûgeni ûrîa ûtûûraga kûu Isiraeli angîkaaruma Ngai-Mûnene nwanginya akaaûragwa na mathiga nî andû onthe.

Ndari 15:25

Mûthînjîri-Ngai nîakaarûtha mambura ma kûtheria andû onthe a Isiraeli, na nîmakooverwa nîûndû meevirie matakûmenya, na nîarutu îtega rîa kûvîvua na îtega rîa kûtheria mevia kûrî Ngai-Mûnene nîûndû wa mevia mao.

Ndari 15:35

Ngai-Mûnene nîwacokire akîra Musa atîrî, “Mûndû ûcio nwanginya aûragwe; andû onthe a Isiraeli nîmamûrage na mathiga arî nja ya kûrîa maatûûraga.”

Ndari 15:36

Kwoguo andû onthe a Isiraeli nî maarutire mûndû ûcio nja ya kûrîa maatûûraga na makîmûraga na mathiga wata ûrîa Ngai-Mûnene aathîte Musa.

1Akor 5:13

Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

Gûco 13:12

“Rîrîa mûrî matûûrarî marîa Ngai-Mûnene Ngai wenyu akûmûva mûtûûre, nwa mwîgue

Gûco 13:5

Nwatî mûrathi ûcio kana mûroti ûcio nîakaaûragwa nîûndû wa kûmwîra mûregane na Ngai-Mûnene Ngai wenyu, ûrîa wamûrutire vûrûrirî wa Misiri na akîmûkûûra kuuma kûrîa mwarî ngombo. Andû ta acio nî acûku na mendaga mûtiganîrie njîra îrîa Ngai-Mûnene Ngai wenyu aamwathire mûrûmagîrîre. Ûguo nîguo mûkaathiria maûndû macûku gatagatîrî kenyu.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 17:5

mûndû ûcio nîakaarutwa nja ya îtûûra na aûragwe na mathiga.

Gûco 17:7

Aira nîo makethagîrwa marî a mbere gwikia mûndû ûcio mathiga, nao andû acio engî onthe marûmîrîre. Ûguo nîguo mûkaathiria ûndû ûcio mûcûku gatagatîrî kenyu.

Gûco 21:20

Aciari acio nîmakeera atongoria a îtûûra atî: ‘Mwana wetû nî mûmû kîongo na nî mûremi. Ndatwathîkagîra, nî mûkoroku na nî mûrîu.’

Gûco 22:21

atongoria a îtûûra nîmagooca mûndûmûka ûcio na mamûvire mûromorî wa nyomba ya îthe na mamûragîre vo na mathiga, nîûndû nîaconorithîtie andû a Isiraeli na njîra ya kwîvecana amenywe kîîmwîrî mbere ya avikue. Ûguo nîguo mûkaathiria wîvia ûcio gatagatîrî kenyu.

Gûco 22:24

oîrî nîmakaavirwa nja ya îtûûra na maûragîrwe vo na mathiga. Mwîrîtu ûcio akaaûragwa nîûndû anyitwa ndaauga mbu atethue, wana ethîrwa aarî îtûûrarî. Nake mûndûmûrûme akaaûragwa nîûndû wa kûmenyana kîîmwîrî na mwîrîtu warî mwîrîre atî nîakûvikua nî mûndû wîngî. Ûguo nîguo mûkaathiria wîvia ûcio gatagatîrî kenyu.