Gûco 21:18 - ÎVUKU RÎA ÛVORO MWARO

¹⁸ “Ethîrwa mûndû arî na mwana mûmû kîongo na mûremi na ûtathîkagîra îthe kana ng'ina wana mamûverithia,

Gûco 21:18 ပူးပေါင်းရင်းမြစ်များ

2Sam 7:14

Nîngaatuîka îthe, nake atuîke mûvîcîwa. Angîkaavîtia nîngaamûverithia wata ûrîa mwana averithagua nî îthe.

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Ntha 21:15

“Mûndû angîringa îthe kana ng'ina nwanginya akaaûragwa.

Ntha 21:17

“Mûndû angîruma îthe kana ng'ina nwanginya akaaûragwa.

Nthi 1:8

Mwana wakwa, thikagîrîria kîrîra Kîam aguo, ndûkaregane na ûrîa ûkûthomithua nî nyûkwe;

Nthi 13:24

Mûndû ûrîa ûtaverithagia mwana wake, ndamwendete, nwatî ûrîa wendete mwana wake nîamûverithagia.

Nthi 15:5

Mûndû kîrimû nîareganaga na kîrîra Kîam îthe; nwatî mûndû ûrîa wîtîkagîra rîrîa akûrutwa mavîtia nî ethagîrwa arî mûûgî.

Nthi 19:18

Rûnga ciana ciaku itarî ngûrû, nwatî ndûkamaverithie ûndû ûngîmacûkangia.

Nthi 20:20

Mûndû ûrîa ûrumaga îthe kana ng'ina, ûtûûro wake ûthiraga ta taa îvorete vîndî ya nduma.

Nthi 22:15

Ciana irî mîtugo ya ûrimû, nwatî kûmariva na kîthanju nîkûthiragia mîtugo ya ûrimû kûrî ciana.

Nthi 28:24

Mûndû ûrîa wîaga indo cia îthe kana ng'ina akînauga atîrî, “Mau tî mavîtia;” ndarî ngûrani na aîi arîa engî.

Nthi 29:17

Thomithia mwana waku mîtugo mîaro na nîagaatûma ûgîa na thayû; ke nîagaatûma ûkene.

Nthi 30:11

Kûrî andû marumaga methe na maticokagia ngatho kûrî aa ng'ina.

Nthi 30:17

Mûndû ûrîa ûnyararaga îthe, na akarega kwathîkîra ng'ina, akaarîwa nî ikûngûrû na ndiiû.

Isaia 1:2

Ngai-Mûnene arauga atîrî, “Mue îgûrû tathikîrîriani, namue nthî tegani matû; ciana ciakwa irîa nderete na igakûra, rîu nîindiganîrîtie.

Isaia 1:5

Mûrathiî na mbere kûregana na Ngai nîkî, nî mûkwenda mûverithue makîria? Wî mûtivie kîongo na ngoro yaku nî nthiru vinya.

Jeremia 31:18

“Nîmbîguîte Efiraimu akîaria arî na kîeva, ‘We nîûnthomithîtie kwathîka, nanie ngathîka, ta gacaû gatamenyeretue gwîkîrwa îcoki. Njokia kûrî we na nîngûgûcokerera, nîûndû we nîwe Ngai-Mûnene Ngai wakwa.’

Jeremia 5:23

Nwatî andû aya nî aremi na marî ngoro nyûmû, nîmagarûrûkîte na makandiganîria.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Alawi 21:9

Mwîrîtu wa mûthînjîri-Ngai angîtuîka îraa, nîaconorithagia îthe; kwoguo mwîrîtu ûcio nî akaavîvua na mwaki nginya akue.

Gûco 21:19

aciari ake nî makaamûrutûrûra nyomba na mamûvire kûrî atongoria a îtûûra vau mwîrîgarî wa mûciî wake.

Gûco 27:16

“ ‘Kûnyitwa nî kîrumi nî mûndû ûrîa ûtatîîaga îthe kana ng'ina.’ “Nao andû onthe nîmakaauga, ‘Ameni!’

Gûco 8:5

Menyani atî wata ûrîa mwana averithagua nî îthe, nwa ta guo Ngai-Mûnene, Ngai wenyu amûverithagia.

1Sam 3:13

Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.